జియో-బీపీ కేంద్రాల్లో హీరోఎలక్ట్రిక్‌ వాహనాలకు ఛార్జింగ్‌, బ్యాటరీ స్వాపింగ్‌ సేవలు

దిల్లీ: ఛార్జింగ్‌ మౌలికవసతుల వినియోగం నిమిత్తం జియో-బీపీతో హీరో ఎలక్ట్రిక్‌ ఒప్పందం కుదుర్చుకొంది. దీంతో హీరో ఎలక్ట్రిక్‌ ద్విచక్రవాహనదారులు ఇకపై జియో-బీపీ స్టేషన్లలో ఛార్జింగ్‌, బ్యాటరీ స్వాపింగ్‌ సేవల్ని పొందొచ్చు. రానున్న రోజుల్లో విద్యుత్తు వాహన వినియోగదారుల కోసం మరిన్ని మెరుగైన వసతులను అందుబాటులోకి తీసుకొస్తామని ఒప్పందం సందర్భంగా ఇరు కంపెనీలు ప్రకటించాయి.

జియో-బీపీ పల్స్‌ పేరిట జియో-బీపీ ఛార్జింగ్‌, స్వాపింగ్‌ స్టేషన్లను నిర్వహిస్తోంది. అలాగే పల్స్‌ యాప్‌ ద్వారా దగ్గర్లోని స్టేషన్లను గుర్తించి సేవల్ని పొందొచ్చు. భారత్‌లో అతిపెద్ద ఈవీ నెట్‌వర్క్‌ను ఏర్పాటు చేయడమే లక్ష్యంగా ఈ కంపెనీ మౌలిక వసతుల్ని అభివృద్ధి చేస్తోంది. మరోవైపు హీరో ఎలక్ట్రిక్‌ లుధియానాలో తమ తయారీ కేంద్రం నుంచి వివిధ రకాల విద్యుత్తు స్కూటర్లను మార్కెట్‌లోకి విడుదల చేస్తోంది.