Hero MotoCorp: జీరో మోటార్‌సైకిల్స్‌తో చేతులు కలిపిన హీరోమోటోకార్ప్‌

దిల్లీ: ప్రీమియం విద్యుత్‌ మోటార్‌సైకిల్స్‌ కోసం అమెరికా కేంద్రంగా పనిచేస్తున్న జీరో మోటార్‌సైకిల్స్‌లో ఒప్పందం కుదుర్చుకున్నట్లు హీరోమోటోకార్ప్‌ తెలిపింది. పవర్‌ ట్రెయిన్స్‌, ఎలక్ట్రిక్‌ మోటార్‌సైకిల్స్‌ తయారు చేయడంలో ‘జీరో’కు ఉన్న అనుభవం తమకు ఉపయోగపడుతుందని పేర్కొంది. సోర్సింగ్‌, మార్కెటింగ్‌లోనూ సహకారం లభిస్తుందని తెలిపింది.

కాలిఫోర్నియా కేంద్రంగా పనిచేస్తున్న ‘జీరో’లో 60 మిలియన్‌ డాలర్ల ఈక్విటీ పెట్టుబడులు పెట్టేందుకు 2022 సెప్టెంబరులో హీరోమోటోకార్ప్‌ బోర్డు ఆమోదం తెలిపింది. హీరోమోటోకార్ప్‌ విడా వీ1 స్కూటర్‌తో విద్యుత్తు స్కూటర్ల విభాగంలోకి ప్రవేశించింది. బెంగళూరు, దిల్లీ, జైపుర్‌లో పబ్లిక్‌ ఛార్జింగ్‌ మౌలిక వసతులనూ ప్రారంభించింది. ఇప్పటికే అక్కడ 300 ఛార్జింగ్‌ పాయింట్లను ఏర్పాటు చేసింది.