హిందాల్కో నికర లాభం రూ.2411 కోట్లు

దిల్లీ: అల్యూ మినియం తయారీదారైన హిందాల్కో మార్చితో ముగిసిన 4వ త్రైమాసికంలో రూ.2,411 కోట్ల ఏకీకృత నికర లాభాన్ని ప్రకటించింది. అంతకుముందు ఏడాది ఇదే త్రైమాసికంలో రూ.3,860 కోట్లతో పోలిస్తే.. ఇది 37 శాతం తక్కువ. సంస్థ ఏకీకృత EBITDA సంవత్సరానికి 23% తగ్గి రూ.5,818 కోట్ల వద్ద ఉంది. కార్యకలాపాల ద్వారా ఆదాయం రూ.55,764 కోట్లకు చేరుకుంది. బలమైన మార్కెట్‌ డిమాండ్‌, స్థిరమైన కార్యకలాపాలు, అధిక విలువ ఆధారిత ఉత్పత్తుల కారణంగా కాపర్ వ్యాపారం మంచి అభివృద్ధి సాధించిందని హిందాల్కో ఇండస్ట్రీస్‌ ఎండీ సతీశ్‌ పాయ్‌ తెలిపారు. ప్రతి ఈక్విటీ షేర్‌కు రూ.3 డివిడెండ్‌ను కంపెనీ బోర్డు సిఫార్సు చేసింది.