Home Construction Loan: ఇంటి నిర్మాణం కోసం రుణమా..? పూర్తి వివరాలివిగో..!
నిర్మాణం పూర్తైన ఇంటికి, అలాగే నిర్మాణంలో ఉన్న ఇంటిని బిల్డర్ వద్ద నుంచి కొనుగోలు చేసినప్పుడు బ్యాంకులు రుణాలు ఇస్తాయి. మీ సొంత స్థలంలో మీరు ఇల్లు నిర్మించాలనుకున్నప్పుడు బ్యాంకులు రుణాలు ఇస్తాయా?
ఇంటర్నెట్ డెస్క్: ఇంటి కొనుగోలు కోసం బ్యాంకులు రుణం ఇస్తాయనే విషయం మనందరికీ తెలిసిందే. నిర్మాణం పూర్తయిన ఇంటిని, అలాగే నిర్మాణంలో ఉన్న ఇంటిని బిల్డర్ వద్ద నుంచి కొనుగోలు చేసినప్పుడు బ్యాంకులు రుణాలు ఇస్తాయి. అయితే, మీ సొంత స్థలంలో మీరు ఇల్లు నిర్మించాలనుకున్నప్పుడు బ్యాంకులు రుణాలు ఇస్తాయా? ఒకవేళ ఇస్తే ఎంత రుణం ఇస్తాయి? బ్యాంకులు ఎలాంటి పత్రాలను అడుగుతాయి? ఇప్పుడు తెలుసుకుందాం.
తమ పూర్వీకులు ఇచ్చిన స్థలంలో లేదా తాము ఇంతకు ముందు కొనుగోలు చేసిన స్థలంలో ఇల్లు నిర్మించుకోవాలని కొంతమంది ఆశపడుతుంటారు. అలాంటి వారి కోసం బ్యాంకులు ‘హోమ్ కన్స్ట్రక్షన్ లోన్’ను ఇస్తుంటాయి. ఇది కూడా ఒకరకమైన గృహ రుణమే. ఇక్కడ మీరు బిల్డర్ లేదా ఇంటి యజమాని దగ్గర నుంచి ఇంటిని కొనుగోలు చేయకుండా.. సొంతంగా ఇంటి నిర్మాణం చేపట్టేందుకు రుణం పొందొచ్చు. ఆస్తి విలువలో 80 శాతం వరకు రుణం ఇచ్చే వీలుంటుంది. ఒకవేళ మీరు ఈ రుణం కోసం దరఖాస్తు చేసుకుంటే.. రుణ మొత్తం ఒకే సారి ఇవ్వరు. పని జరుగుతున్న స్టేజీని బట్టి దశలవారీగా డబ్బు మీ బ్యాంకు ఖాతాలో జమ చేస్తారు. ఒకవేళ గృహ నిర్మాణ రుణం కోసం దరఖాస్తు చేసుకుంటే నిర్మాణ ప్రణాళికలను టైమ్ టేబుల్తో సహా వివరంగా బ్యాంకుకు ఇవ్వాలి.
రుణం రకాలు..
సెల్ఫ్ కన్స్ట్రక్షన్ లోన్: మీ పేరుపై ఇప్పటికే స్థలం ఉంటే, అందులో ఇంటి నిర్మాణం చేపట్టేందుకు నిధులు అవసరమైతే ఈ రుణం ఎంచుకోవచ్చు.
ప్లాట్ + కన్స్ట్రక్షన్ లోన్ (P+C loan): ఒకవేళ మీకు సొంతంగా స్థలం లేకపోతే.. స్థలం కొనుగోలు, ఇంటి నిర్మాణం రెండింటికీ నిధులు అవసరమైతే అప్పుడు ఈ రుణం తీసుకోవచ్చు. ఒకవేళ మీరు స్థలం మాత్రమే కొనుగోలు చేయాలనుకుంటే ఈ కేటగిరీలో రుణం పొందలేరు. అలాంటప్పుడు ఆస్తి రుణం లేదా వ్యక్తిగత రుణం కోసం ప్రయత్నించవచ్చు.
ఎక్స్టెన్షన్ లోన్: మీకు ఇప్పటికే ఇల్లు ఉండి, దాన్ని విస్తరించాలనుకున్నప్పుడు ఈ రుణం తీసుకోవచ్చు. అంటే, మీరు ప్రస్తుతం ఉన్న ఇంటిపై మరొక అంతస్తు నిర్మించాలనుకుంటే ఎక్స్టెన్షన్ రుణం తీసుకోవచ్చు. అదేవిధంగా ఇంటిలో పెద్ద పెద్ద మరమ్మతులు, పెయింటింగ్ వంటి అధిక ఖర్చుతో కూడిన పనులు చేయించాలనుకున్నప్పుడు పునరుద్ధరణ రుణం తీసుకోవచ్చు.
రుణం త్వరగా ఆమోదం పొందాలంటే..
మంచి క్రెడిట్ స్కోరు ఉండాలి: రుణ ఆమోదం విషయంలో క్రెడిట్ స్కోరు కీలక పాత్ర పోషిస్తుంది. మంచి క్రెడిట్ స్కోరు నిర్వహిస్తున్నారంటే.. రుణ గ్రహీత గత చెల్లింపుల రికార్డు బాగుందని, ఎలాంటి రుణ ఎగవేతలకూ పాల్పడలేదని అర్థం. సమయానికి ఈఎంఐలు చెల్లిస్తారని బ్యాంకులు విశ్వసించి త్వరగా ఆమోదం తెలుపుతాయి.
అర్హత ఆధారంగా దరఖాస్తు చేయాలి: మీ ఆదాయం, చెల్లింపుల ఆధారంగా మీ రుణ అర్హతను బ్యాంకులు లెక్కిస్తాయి. మీ ఆదాయంలో ఈఎంఐల (తీసుకోబోయే రుణంతో పాటు+ ప్రస్తుతం ఏమైనా ఈఎంఐలు చెల్లిస్తుంటే వాటిని పరిగణనలోకి తీసుకుని లెక్కించాలి) కోసం చెల్లించే మొత్తం 50% మించకుండా చూసుకోవాలి. అప్పుడే రుణం త్వరగా ఆమోదం పొందుతుంది. అందువల్ల రుణం కోసం దరఖాస్తు చేసుకునే ముందే మీ రుణ అర్హత, చెల్లించాల్సిన ఈఎంఐలను తెలుసుకోవాలి. ప్రస్తుతం చాలా వరకు హోమ్లోన్ కాలిక్యులేటర్లు ఆన్లైన్లో అందుబాటులో ఉన్నాయి. బ్యాంకులు కూడా తమ వెబ్సైట్లలో ఈ కాలిక్యులేటర్లను అందిస్తున్నాయి. వీటిని ఉపయోగించుకోవచ్చు.
స్థలం పత్రాలు, నిర్మాణ బడ్జెట్ పత్రాలు: బ్యాంకులు రుణం త్వరగా మంజూరు చేయాలంటే మీ స్థలంపై ఎలాంటి న్యాయపరమైన చిక్కులూ ఉండకూడదు. అలాగే, ఇల్లు ఎంత విస్తీర్ణంలో నిర్మించాలనుకుంటున్నారు? నిర్మాణానికి కావాల్సిన అన్ని వనరులు ఉన్నాయా? లేదా? నిర్మాణం చేపడుతున్న కాంట్రాక్టర్ ఎవరు? నిర్మాణానికి కావాల్సిన అన్ని పర్మిషన్లూ ఉన్నాయా? లేదా? చూస్తారు. వీటికి సంబంధించిన అన్ని పత్రాలూ సిద్ధంగా ఉంటే రుణం త్వరగా లభించే అవకాశం ఉంటుంది.
కాంట్రాక్టర్: ఇంటి నిర్మాణం చేపట్టినప్పుడు..ఈ రంగంలో నిపుణులైన కాంట్రాక్టర్ను సంప్రదించడం మంచిది. వారు ఇంతకు ముందు ఇల్లు నిర్మించిన మంచి చరిత్ర ఉన్న కాంట్రాక్టర్ అయితే బ్యాంకులు రుణ దరఖాస్తును త్వరగా ఆమోదించే అవకాశం ఉంటుంది.
బ్యాంకుకు హామీ ఇవ్వడం ద్వారా: ఇంటి నిర్మాణం చేపట్టినప్పుడు అనుకున్న బడ్జెట్ను మించి కొన్ని సార్లు అదనపు మొత్తం ఖర్చుకావచ్చు. ఉదాహరణకు నిర్మాణ కాలంలో స్టీల్, సిమెంట్, ఇసుక వంటి ముడిపదార్థాల ధరలు పెరగవచ్చు. వీటి కారణంగా నిర్మాణ వ్యయం పెరిగిపోతుంది. ఇలాంటి అదనపు ఖర్చులను నిర్వహించేందుకు మీ వద్ద తగినంత పొదుపులు ఉన్నాయని బ్యాంకుకు హామీ ఇవ్వాలి.
ఇంటిని సొంతంగా నిర్మించడం వల్ల లాభం ఏంటి?
మీ ఇష్టం మేరకు నిర్మించుకోవచ్చు: ఇంటి నిర్మాణం స్వయంగా చేపట్టడం ద్వారా ప్లానింగ్ అంతా మీ చేతిలోనే ఉంటుంది. నిపుణుడైన ఇంజినీరును సంప్రదించి మీ కలలు, అభిరుచులకు అనుగుణంగా ఇల్లు ప్లాన్ చేయించుకోవచ్చు. సిద్ధంగా ఉన్న ఇంటిలో ఇది లభించదు. అలాగే, నిర్మాణంలో ఉన్న ఇంటిని కూడా బిల్డర్ ముందుగానే ప్లాన్ చేసుకుంటాడు. బట్టి పూర్తిస్థాయిలో మీ అభిరుచులకు అనుగుణంగా ఉండకపోవచ్చు.
నాణ్యత: ముడిపదార్థాల దగ్గర నుంచి ప్రతి మెటీరియల్, ఇంటి గుమ్మాలు, తలుపులు వంటి ఫర్నీచర్, రంగులు అన్ని స్వయంగా మీరే ఎంపిక చేసుకుంటారు. కాబట్టి నాణ్యత పరంగా రాజీ ఉండదు. దీంతో ఇంటి నిర్మాణంలో నాణ్యత లోపాలు లేకుండా జాగ్రత్త పడే వీలుంటుంది.
మొదటి రోజు వడ్డీ పడదు: మంజూరైన మొత్తం రుణానికి మొదటి రోజు నుంచి వడ్డీ చెల్లించనవసరం లేదు. నిర్మాణం జరుగుతున్న దశలను అనుసరించి దఫదఫాలుగా డబ్బు ఇస్తుంటారు. కాబట్టి మీ ఖాతాలో జమైన మొత్తానికి మాత్రమే వడ్డీ చెల్లించాలి.
పునరుద్ధరణం కోసం సులభంగా రుణం: భవిష్యత్లో ఇంటి పునరుద్ధరణ కోసం గానీ, కొత్త ఫ్లోర్ లేదా గదులు నిర్మించడానికి గానీ రుణం అవసరమైతే సులభంగా లభిస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి -
పన్ను ప్రణాళికకు తరుణమిదే..
ఆర్థిక సంవత్సరం ప్రారంభం కావడంతో.. ఆదాయపు పన్ను మినహాయింపుల గురించి ఆలోచించాల్సిన సమయం వచ్చేసింది. ఈ నేపథ్యంలో పాత పన్నువిధానంలోనే ముందుకెళ్లాలని ఆలోచిస్తున్న వారు -
రెస్టరంట్లో డబ్బు ఆదా చేయడానికి చిట్కాలు
ఎప్పుడైనా కుటుంబంతో కలిసి రెస్టరంట్కు వెళ్లాలనుకునేవారు బిల్లుపై తగ్గింపు పొందాలనుకుంటారు. అలాంటి వారికోసమే కొన్ని చిట్కాలు. -
ఆన్లైన్ vs ఆఫ్లైన్ బీమా.. ఏది మెరుగైనది?
ప్రస్తుతం అన్ని రకాల బీమా పాలసీలు ఆన్లైన్, ఆఫ్లైన్లో లభిస్తున్నాయి. ఇవి వినియోగదారులకు ఎలాంటి సేవలు అందిస్తాయి? ఎలా మెరుగైనవి అనేది ఇక్కడ తెలుసుకోండి. -
ఎన్పీఎస్ లాగిన్, క్రెడిట్ కార్డ్ రూల్స్.. ఏప్రిల్ 1 నుంచి రాబోతున్న మార్పులివీ..
Changes from april 1st: కొత్త ఆర్థిక సంవత్సరంలో ఆర్థిక పరమైన మార్పులు చోటుచేసుకోబోతున్నాయి. అవేంటో చూసేయండి..
తాజా వార్తలు (Latest News)
-
నారాయణమూర్తి మనవడి జాక్పాట్.. ఒక్క రోజులో ₹4 కోట్లు!
-
మా ఎమ్మెల్యేలను టచ్ చేస్తే.. మాడి మసైపోతావ్: కేసీఆర్పై సీఎం రేవంత్ ఫైర్
-
‘ఇద్దరు యువ రాజుల చిత్రాన్ని’ యూపీ ప్రజలు తిరస్కరించారు: మోదీ
-
‘స్పీడ్’ స్టార్లు vs సిక్సర్ల వీరులు... రెండు జట్లలో ‘హ్యాట్రిక్’ ఎవరికి?
-
‘దుబాయ్ ప్రయాణాలను రీషెడ్యూల్ చేసుకోండి’ - ఇండియన్ ఎంబసీ అడ్వైజరీ
-
హిందూపురంలో నామినేషన్ వేసిన నందమూరి బాలకృష్ణ