రుణంతో ఇల్లు - తిరిగి చెల్లింపులు
మీరు కొన్నేళ్లలో సొంత ఇళ్లు నిర్మించుకోవాలనుకుంటున్నారా మరి రుణం పొందేందుకు, పన్ను మినహాయింపు లభించేందుకు తెలుసుకోవాల్సిన కొన్ని ముఖ్యమైన విషయాలు. సొంతింటిని నిర్మించుకోవాలనుకోవడం అందరి కల. అయితే దీనికోసం తగిన
ఓవర్డ్రాఫ్ట్ కంటే సాధారణ గృహ రుణం తీసుకుంటే డబ్బు ఎక్కువగా ఉన్నప్పుడు ముందస్తు చెల్లింపులతో రుణ మొత్తాన్ని తగ్గించుకోవచ్చు
మీరు కొన్నేళ్లలో సొంత ఇళ్లు నిర్మించుకోవాలనుకుంటున్నారా మరి రుణం పొందేందుకు, పన్ను మినహాయింపు లభించేందుకు తెలుసుకోవాల్సిన కొన్ని ముఖ్యమైన విషయాలు. సొంతింటిని నిర్మించుకోవాలనుకోవడం అందరి కల. అయితే దీనికోసం తగిన ప్రణాళిక వేసుకొని దాని ప్రకారం నడుచుకుంటే ఇది నిజమవుతుంది.
ప్రాథమిక అంశాలు:
మీరు ఇల్లు కొనుగోలు చేయాలని నిర్ణయించుకున్నప్పుడు మొదటగా తెలుసుకోవాల్సినవి…
* ఇల్లు అనేది చాలా విలువైన ఆస్తి. చాలా మంది తమ జీవితంలో ఒకేసారి ఇంటిని కొనుగోలు చేయవచ్చు. అందుకే ఆలోచించి నిర్ణయం తీసుకోండి.
* ఇప్పుడే మీరు సంపాదించడం మొదలుపెడితే ఇల్లు వెంటనే తీసుకోవాలా లేదా కొంతకాలం తర్వత కొనుగోలు చేయాలా అని నిర్ణయించుకోండి. కనీసం 5 సంవత్సరాలు పెట్టుబడులు చేసి ఆ తర్వాత దానితో కొనుగోలు చేయడం మంచిది.
* మీ ఇంటి విలువలో కనీసం 20-30 శాతం సమకూర్చుకుంటే, మిగతాది గృహ రుణం తీసుకోవచ్చు.
* మొదట డౌన్పేమెంట్ కోసం పెట్టుడడులు ప్రారంభించి కనీసం ఏడాది సమయం తీసుకొని ఇంటిని ఎక్కవ తీసుకోవాలో, ఎలాంటి ఇల్లు కావాలో నిర్ణయించుకోవాలి.
* గృహ రుణ ప్రకటనలు చూసి ఇల్లు కొనడం చాలా సులభమని అనుకోవద్దు.
ఇల్లు కొనుగోలుక ప్రణాళిక- ఇతర అంశాలు:
టీవీలో ఇచ్చే ప్రకటనల్లో అద్దెకు బదులుగా రుణం తీసుకొని ఈఎమ్ఐ చెల్లించడం మేలు అన్నట్లుగా చూపిస్తారు. కానీ, ఇది చాలా వరకు తప్పు. ఒక పెద్ద నగరంలో ఉన్న ఇంటికి చెల్లించే అద్దె, చిన్న పట్టణాల్లో ఇంటిరుణం కోసం చెల్లించే ఈఎమ్ఐ సమానంగా ఉండకపోవచ్చు. ప్రాంతాల మద్య సౌకర్యాలు వేరుగా ఉండవచ్చు. అవి, ఎలక్ర్టిసిటీ, నీటి సరఫరా, డ్రైనేజ్, పాఠశాలలు, ఇతర అంశాలు చిన్న పట్టణాలకు, నగరాలకు ఈ సదుపాయాలను బట్టి ఇంటి అద్దె ఎక్కువగా ఉండొచ్చు. ఇల్లు కొనుగోలు చేసేముందు ఇవన్నీ అంశాలను దృష్టిలో పెట్టుకోవాలి. ఇంటికి దగ్గరగా ఉన్న సదుపాయాలను పరిశీలించాలి. ధర తక్కువగా ఉండే సెకండ్ హ్యాండ్ ప్రాపర్టీని కొనుగోలు చేయడం మేలు అని చెప్తున్నారు.
గృహ రుణాన్ని ఎలా తీసుకోవాలి?
* ప్రాపర్టీ మొత్తం విలువలో 70-75 శాతం కంటే ఎక్కువగా రుణం తీసుకోకూడదు.
* కాలవ్యవధి తక్కువగా, ఈఎమ్ఐ ఎక్కువగా ఉండేలా చూసుకోవాలి. అదేవిధంగా తక్కువ వడ్డీ రేట్లను అందించే బ్యాంకులను ఎంచుకోవాలి.
ఉదాహరణకు,
1. రూ.30 లక్షల రుణం 8.5 శాతం వడ్డీతో 10 సంవత్సరాల గడువుతో తీసుకుంటే మీరు చెల్లించే మొత్తం రుణంలో వడ్డీ 33 శాతానికి చేరుతుంది. రుణ గడువు 15 ఏళ్లకు పెంచితే 44 శాతం, 20 ఏళ్లకి 52 శాతానికి సమానం.
2. 10 ఏళ్ల గడువుతో రుణం తీసుకుంటే ఈఎమ్ఐ సుమారుగా రూ.37,200, 15 సంవత్సరాల రుణానికి రూ.29,541, 20 సంవత్సరాలకి రూ.26,000 గా ఉంటుంది.
* మీరు చెల్లించే మొత్తం రుణంలో వడ్డీ 50 శాతానికి మించకుండా చూస్కోవాలి. ఇది గృహ రుణ మొత్తం కంటే తక్కువగా ఉండటం మంచిది.
* నెలవారి ఆదాయంలో 40 శాతం ఖర్చులకు, 40 శాతం ఈఎమ్ఐకి, 15 శాతం పెట్టుబడులుకు, 5 శాతం ఎమర్జెన్సీ ఫండ్లో డిపాజిట్ చేసే విధంగా ప్రణాళిక తయారు చేసుకోవాలి.
* గృహ రుణం చెల్లిస్తున్న సమయంలో చిన్నపాటి పెట్టుబడులైనా పెడుతుండటం మంచిది.
ఎలాంటి రుణం తీసుకోవాలి? ఓవర్డ్రాఫ్ట్ లేదా సాధారణ రుణం
ఓవర్ డ్రాఫ్ట్ (ఓడీ) సదుపాయం అంటే ఏమిటి?
బ్యాంకులు ఈ తరహా రుణాలను (ఓడీ) లను స్థిరాస్తి, ఫిక్స్డ్ డిపాజిట్లు లేదా ఏ ఇతర భద్రత కలిగిన ఆస్తుల ఆధారంగా(తనఖా పెట్టుకుని) అందిస్తాయి. ఇది అచ్చం క్రెడిట్ కార్డు పరిమితి మాదిరిగా ఉంటుంది. మీరు తీసుకున్న మొత్తానికి కాకుండా కేవలం వాడుకున్న మొత్తానికి మాత్రమే వడ్డీని చెల్లించాల్సి ఉంటుంది. అయితే, ఇక్కడ గ్రేస్ పీరియడ్ లేదా ఉచిత వడ్డీ రేటు వ్యవధి లాంటి సదుపాయాలు అందుబాటులో లేవు. మీరు ఓవర్ డ్రాఫ్ట్ నుంచి ఎప్పుడైతే డబ్బు తీసుకున్నారో అప్పటి నుంచే వడ్డీ వసూలు చేస్తారు. అయితే ఎస్బీఐ మ్యాక్స్ గెయిన్ వంటి ఓవర్డ్రాఫ్ట్ రుణాల కంటే సాధారణ గృహ రుణం తీసుకొని డబ్బు ఉన్నప్పడు ఏడాదికొ ఒకసారి లేదా అంతకంటే ఎక్కువ సార్లు ముందస్తు చెల్లింపులు చేసి రుణ మొత్తాన్ని తగ్గించుకోవచ్చు.
సాధారణ గృహ రుణం మేలు, ఎందుకంటే…
చాలా వరకు రుణం తీసుకున్నవారు సగం రుణం చెల్లించిన తర్వాత ముందస్తు రుణ చెల్లింపు చేసేందుకు మొగ్గుచూపుతారు. కాలపరిమితి ముగిసేవరకు రుణం చెల్లించువారు చాలా తక్కువగా ఉంటారు. ఇలాంటి వారి కోసం సాధారణ రుణమే సరిపోతుంది.
ఓవర్డ్రాఫ్ట్ రుణాలు చాలా ఖర్చుతో కూడుకొని ఉంటాయి. వడ్డీ రేట్లు కూడా ఎక్కువగా ఉంటాయి.
3.ఎప్పటికప్పుడు చేతికి ఎక్కువ డబ్బు వచ్చేవారు మాత్రమే ఓవర్డ్రాఫ్ట్ రుణాలను తీసుకోవాలి. దానితో ప్రయోజనం పొందగలిగేలా ఉండాలి.
మీరు మీ స్వల్పకాలిక, దీర్ఘకాలిక లక్ష్యాలు ఏంటో నిర్ణయించుకొని వాటికోసం పెట్టుబడులు చేయడం ప్రారంభించాలి. వడ్డీ రేట్లు తగ్గించుకోవడం కంటే ఒకేసారి చెల్లించి రుణం మొత్తం తగ్గించుకోవడమే మేలు.
హోమ్లోన్ ఎలా చెల్లించాలి?
15 సంవత్సరాల లోపు కాలపరిమితి సాధారణ గృహ రుణాన్ని తీసుకోవాలి. దీంతోపాటు ప్రత్యేకమైన ప్రీపేమెంట్ ఫండ్ను ఏర్పాటు చేసుకోవాలి. మీ పెట్టుబడులు, లక్ష్యాలకు పెట్టుబడులు పెట్టిన తర్వాత మిగతాది ఈ ఈ ప్రీపేమెంట్ ఫండ్లో డిపాజిట్ చేయాలి. కొన్ని సంవత్సరాలు ఈ పెట్టుబడులు కొనసాగించాలి. అప్పుడప్పుడు ప్రీపేమెంట్ చేస్తూ రుణాన్ని తగ్గించుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
గుండెపోటుతో గ్యాంగ్స్టర్ ముఖ్తార్ అన్సారీ మృతి.. యూపీలో 144 సెక్షన్
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి
-
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
-
మే 31 వరకు వేసవి సెలవులు.. ప్రకటించిన ఇంటర్ బోర్డు
-
బాలకృష్ణ లుక్స్.. ఈ సారి ‘అఖండ’కు మించి: రామ్స్