Loan: లోన్ పొందే అర్హతపై వయసు ప్రభావం ఎలా ఉంటుందంటే..
Loan: బ్యాంకులు లోన్ ఇవ్వడానికి అనేక అంశాలను పరిగణనలోకి తీసుకుంటాయి. అందులో వయసు ఒకటి. మరి వయసు మన లోన్ అర్హతను ఎలా ప్రభావితం చేస్తుందో చూద్దాం..
ఇంటర్నెట్ డెస్క్: సొంత డబ్బుతో ఆర్థిక అవసరాలు, లక్ష్యాలు నెరవేర్చుకోలేని వ్యక్తులకు బ్యాంకు రుణాలు (Loan) సాయంగా నిలుస్తాయి. తమ కస్టమర్ల అవసరాలకు అనుగుణంగా బ్యాంకులు, ఇతర ఆర్థిక సంస్థలు వివిధ రకాల రుణ సదుపాయాలను రూపొందిస్తుంటాయి. ఉదాహరణకు, వివాహ ఖర్చులకు వెడ్డింగ్ లోన్లు (Wedding Loans), విహారయాత్రల కోసం హాలిడే లోన్లు (Holiday Loans), సాధారణ ఖర్చుల కోసం వ్యక్తిగత రుణాలు (Personal Loans) ఇలా నిర్దిష్ట అవసరాలకు అనుగుణంగా ప్రత్యేకించిన అనేక రకాల రుణాలను అందిస్తున్నాయి. అయితే, వాటిని పొందడానికి బ్యాంకులు కొన్ని అర్హతలను నిర్దేశిస్తాయి. అందులో వయసు చాలా ప్రధానమైంది. మరి వయసు రుణ అర్హతను ఎలా ప్రభావితం చేస్తుందో అర్థం చేసుకుందాం...
ఆదాయం తక్కువున్నా..
మీరు యుక్తవయస్సులో ఉండి, రుణం (Loan) కోసం దరఖాస్తు చేసుకున్నారనుకుందాం. EMIలను చెల్లించడానికి మీ ఆదాయం సరిపోకపోయినప్పటికీ.. బ్యాంకులు మీకు రుణాన్ని మంజూరు చేస్తాయి. రుణ కాలపరిమితి (Loan Tenure) పెంచడం ద్వారా ఇది సాధ్యపడుతుంది. అప్పుడు నెలవారీ చెల్లించాల్సిన వాయిదా (EMI) మొత్తం తగ్గుతుంది. అంటే చిన్న వయసులో వాయిదాలు చెల్లించే సామర్థ్యం లేకపోయినప్పటికీ.. రుణం మంజూరు కావడానికి అవకాశాలు ఎక్కువగా ఉంటాయి. మీరు పదవీ విరమణకు దగ్గరవుతున్న కొద్దీ రుణ కాలపరిమితి (Loan Tenure)ని పెంచే అవకాశాలు సన్నగిల్లుతూ వస్తాయి.
బ్యాంకులు సాధారణంగా రుణగ్రహీత నికర నెలవారీ ఆదాయానికి 60 రెట్ల వరకు రుణాన్ని ఇస్తాయి. అంటే రూ.50 లక్షల రుణం పొందడానికి చేతికి అందే నెలజీతం దాదాపు రూ.83,000 ఉండాలి. 30 ఏళ్ల వయసులో రుణాన్ని తీసుకుంటే మరో 30 సంవత్సరాలు రుణం తిరిగి చెల్లించడానికి గడువు ఉంటుంది (పదవీ విరమణ వయస్సు 60 సంవత్సరాలుగా పరిగణనలోకి తీసుకుంటే). అప్పుడు రూ.38,446 EMIని సులభంగా చెల్లించవచ్చు. మిగిలిన డబ్బు ఇతర అవసరాలకు సరిపోతుంది. అదే 40 ఏళ్ల వయసులో లోన్ తీసుకుంటే, మీ EMI రూ.43,391కి పెరుగుతుంది. అప్పుడు చేతిలో రూ.39,600 మాత్రమే మిగిలి ఉంటాయి. ఒకవేళ 50 ఏళ్ల వయసులో లోన్ తీసుకుంటే EMI సుమారు రూ.62,000కి పెరుగుతుంది. అప్పుడు చేతిలో కేవలం రూ.21,000 మాత్రమే ఉంటాయి. రుణగ్రహీత వయసు పదవీ విరమణకు దగ్గరగా ఉన్నట్లయితే.. రుణం సకాలంలో రికవరీ అయ్యేలా చూసుకోవడానికి సహ-రుణగ్రహీతను చేర్చుకోవడం, లోన్ మార్జిన్ను పెంచడం, లోన్ మొత్తాన్ని తగ్గించడం వంటి చర్యలను బ్యాంకులు సూచిస్తాయి.
రిటైర్ అయితే అవకాశాలు పరిమితమే..
పదవీ విరమణ చేసిన వారికి బ్యాంకులు అన్ని రకాల లోన్లను ఇవ్వలేవు. పింఛను ఆదాయంపై రుణాన్ని పొందే అవకాశం ఉన్నప్పటికీ.. కొన్ని పరిమితులు ఉంటాయి. గోల్డ్ లోన్, FDలపై రుణం వంటి సెక్యూర్డ్ లోన్లను పొందొచ్చు. అలాగే వయసు పెరిగిన తర్వాత వ్యక్తిగత రుణం (Personal Loan) పొందడం కూడా కష్టంగా మారుతుంది. ఎందుకంటే బ్యాంకులు లేదా ఇతర ఆర్థిక సంస్థలు రుణగ్రహీత తిరిగి చెల్లించే సామర్థ్యాన్ని ప్రధానంగా పరిగణనలోకి తీసుకుంటాయి. తగినంత ఆదాయం, చెల్లించే స్తోమత, ఉపాధి వంటివి పక్కాగా ఉంటేనే లోన్ తీసుకున్నవారు సకాలంలో చెల్లించగలరని బ్యాంకులు నమ్ముతాయి.
వయసు పెరుగుతున్న కొద్దీ అన్సెక్యూర్డ్ రుణాలు పొందే అర్హత తగ్గుతూ వస్తుంది. అయినప్పటికీ, సహ-రుణగ్రహీతను చేర్చుకోవడం, డౌన్ పేమెంట్ని పెంచడం ద్వారా లోన్ పొందొచ్చు. లేదా గోల్డ్ లోన్, ఏదైనా ఆస్తిని తనఖా పెట్టి రుణం తీసుకోవడం వంటి మార్గాలనూ అన్వేషించొచ్చు. అయితే, మలి వయసులో అత్యంత అవసరమైతే తప్ప రుణం తీసుకోవద్దని నిపుణులు సూచిస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి. -
పొదుపు ఖాతాలో ఎంత డబ్బు ఉండాలి?
వ్యక్తిగత ఆర్థిక విషయాల్లో పొదుపు ఖాతాకు ఒక ప్రత్యేక స్థానం ఉంది. మనం చేసే ఆదాయ-వ్యయాలన్నింటికీ ఆధారం ఇదే. బ్యాంకు, మీరు ఎంచుకున్న ఖాతా రకాన్ని బట్టి, ఇందులో కనీస నిల్వ ఎంత ఉండాలన్నది ఆధారపడి ఉంటుంది. వేతనం ఖాతాలో సున్నా నిల్వ ఉన్నా ఇబ్బందేమీ ఉండదు. -
Car Loans: కారు రుణాలపై ఏ బ్యాంకులో వడ్డీ రేట్లు ఎంతెంత?
దాదాపుగా అన్ని బ్యాంకులు వాహన రుణాలందిస్తున్నాయి. ఈ రుణాలకై వివిధ బ్యాంకులు వసూలు చేసే వడ్డీ రేట్లు ఇక్కడ చూద్దాం. -
Credit Cards: హెచ్డీఎఫ్సీ నుంచి ఐదు కొత్త బిజినెస్ క్రెడిట్ కార్డులు
Credit Cards: హెచ్డీఎఫ్సీ బ్యాంక్ ఇటీవల నాలుగు కొత్త బిజినెస్ క్రెడిట్ కార్డులను విడుదల చేసింది. వాటి ఫీచర్లు, జాయినింగ్ ఫీజు, అర్హతల వంటి వివరాలను చూద్దాం.. -
Two wheeler insurance: బైక్ ఇన్సూరెన్స్.. ఇవన్నీ తెలుసుకున్నాకే..!
Two wheeler insurance: మీ టూవీలర్కు బీమా చేయించాలని చూస్తున్నారా? మంచి పాలసీ తెలుసుకోలేకపోతున్నారా? ఈ కింది విషయాలపై ఓ లుక్కేయండి. -
గృహరుణం ఇప్పుడేం చేయాలి?
ఏడాది కాలంగా రెపో రేటు 6.50 శాతం వద్ద కొనసాగుతోంది. దీన్ని పెంచకపోవడం మంచి పరిణామమే. అదే సమయంలో ద్రవ్యోల్బణం స్థిరంగా ఉన్నప్పటికీ, వడ్డీ రేట్లను తగ్గించేంతగా సహకరించడం లేదు. -
కార్పొరేట్ బాండ్లు ఎంచుకోండి జాగ్రత్తగా
మన దేశంలో అత్యంత సురక్షితమైన, ప్రజాదరణ పొందిన పొదుపు పథకాల్లో బ్యాంక్ ఫిక్స్డ్ డిపాజిట్లు (ఎఫ్డీ) ముందుంటాయి. నిర్ణీత కాలానికి, స్థిరమైన వడ్డీని అందించే వీటిని చాలామంది ఇష్టపడతారు. -
Saving Account: పొదుపు ఖాతా గురించి ఈ విషయాలు మీకు తెలుసా?
బ్యాంకులో పొదుపు ఖాతా అనేది ఖాతాదారుడికి ఒక విభిన్నమైన ఆర్థిక సాధనం. ఇది ఖాతాదారుడికి అనేక విధాలుగా ప్రయోజనం చేకూరుస్తుంది. -
Fixed Deposits: ఎఫ్డీలపై వడ్డీ రేట్లను సవరించిన ఐసీఐసీఐ
ఐసీఐసీఐ బ్యాంకు ఎంపిక చేసిన కొన్ని కాలవ్యవధుల ఎఫ్డీలపై వడ్డీ రేట్లు పెంచింది. ఈ బ్యాంకులో సీనియర్ సిటిజన్లు గరిష్ఠంగా 7.75% వడ్డీని పొందుతారు. -
కారు రుణంపై టాపప్
మీకు ఇప్పటికే కారు రుణం ఉందా? అత్యవసరంగా డబ్బు కావాలా? కారు రుణంపై టాపప్ తీసుకునే ప్రయత్నం చేయొచ్చు. మంచి రుణ చరిత్ర ఉన్న వారికి బ్యాంకులు సులభంగానే ఈ టాపప్ను అందిస్తాయి.
తాజా వార్తలు (Latest News)
-
బరిలో ఐదుగురు ఓ.పన్నీర్సెల్వంలు.. అందరి నామినేషన్లు ఆమోదం
-
గుండెపోటుతో గ్యాంగ్స్టర్ ముఖ్తార్ అన్సారీ మృతి.. యూపీలో 144 సెక్షన్
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి
-
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
-
మే 31 వరకు వేసవి సెలవులు.. ప్రకటించిన ఇంటర్ బోర్డు