Credit Card: క్రెడిట్ కార్డు బకాయిలనూ బదిలీ చేసుకోవచ్చని తెలుసా?
Credit Card balance tranfer: క్రెడిట్ కార్డు బకాయిలు భారంగా మారినప్పుడు దాన్ని మరో కార్డుకు బదిలీ చేసుకునేందుకు కొన్ని సంస్థలు అనుమతి ఇస్తుంటాయి. ఎలా చేసుకోవాలి? ఏయే బ్యాంకులు ఈ సదుపాయాన్ని కల్పిస్తున్నాయో చూద్దాం..
ఇంటర్నెట్ డెస్క్: ముందు కొనుగోలు చేసి తర్వాత చెల్లించడానికి వీలు కల్పించేదే క్రెడిట్ కార్డు (Credit Card). అయితే, దీన్ని సరిగా ఉపయోగించుకోవడానికి ఆర్థిక క్రమశిక్షణ అవసరం. ఎప్పటికప్పుడు ఖర్చులను ట్రాక్ చేస్తూ సకాలంలో చెల్లింపులు చేస్తే ఎలాంటి సమస్య ఉండదు. లేదంటే ఆ ప్రభావం క్రెడిట్ స్కోర్ (Credit Score)పై పడుతుంది. ఎంత క్రమశిక్షణతో ఉన్నా.. ఒక్కోసారి సమయానికి డబ్బులు చేతిలో ఉండవు. సరిగ్గా అదే సమయంలో క్రెడిట్ కార్డు (Credit Card) బిల్లు చెల్లించాల్సిన గడువు సమీపిస్తే ఇబ్బందులు ఎదుర్కోవాల్సి రావొచ్చు. అలాంటప్పుడు క్రెడిట్ కార్డు బ్యాలెన్స్ ట్రాన్స్ఫర్ (Credit Card balance tranfer) ఆప్షన్ ఉపయోగించుకునే వెసులుబాటు ఉంది.
ఏంటీ సదుపాయం?
ఒక క్రెడిట్ కార్డు బ్యాలెన్స్ను మరో కార్డుకు బదిలీ చేస్తే దాన్నే క్రెడిట్ కార్డు బ్యాలెన్స్ ట్రాన్స్ఫర్ (Credit Card balance tranfer)గా వ్యవహరిస్తారు. ముఖ్యంగా ఇతర బ్యాంకుల క్రెడిట్ కార్డుల (Credit Card)ను ఉపయోగిస్తున్న కస్టమర్లను ఆకర్షించడమే లక్ష్యంగా కార్డు జారీ సంస్థలు ఈ సదుపాయాన్ని కల్పిస్తున్నాయి. ప్రస్తుతం ఉన్న కార్డులోని అప్పుపై పడే అధిక వడ్డీ భారాన్ని తప్పించుకోవడానికి లేదా ఇతర బ్యాంకులు తక్కువ వడ్డీరేటును కల్పించినప్పుడు ఇది కస్టమర్లకు ప్రయోజనకరంగా ఉంటుంది.
ఎలా పనిచేస్తుంది?
ఒక కార్డు నుంచి మరో కార్డుకు బకాయిలను బదిలీ (Credit Card balance tranfer) చేస్తే.. కొత్త కార్డు జారీ సంస్థ ఆ మొత్తాన్ని పాత కార్డు సంస్థకు చెల్లిస్తుంది. ఆ సొమ్మును కస్టమర్ కొత్త కార్డు సంస్థకు నియమ, నిబంధనలకు లోబడి చెల్లించాల్సి ఉంటుంది. అయితే, కొంత సమయం ఇస్తారు. దానికి సున్నా వడ్డీరేటు లేదా నామమాత్రపు వడ్డీని మాత్రమే వసూలు చేస్తారు. కొత్త క్రెడిట్ కార్డు లిమిట్లో 75- 80 శాతం వరకు బ్యాలెన్స్ను బదిలీ చేయడానికి సంస్థలు అనుమతి ఇస్తాయి.
ప్రయోజనాలు..
☛ క్రెడిట్ కార్డు (Credit Card) బిల్లు చెల్లించలేనప్పుడు కస్టమర్ దాన్ని బదిలీ చేసి ప్రయోజనం పొందే అవకాశం ఉంటుంది. అలా అన్ని కార్డు బకాయిలను ఒకే దగ్గరకు చేర్చుకోవచ్చు. దీంతో బకాయిలన్నీ ఒకే గొడుగు కిందకు వస్తాయి.
☛ బకాయిలను ట్రాన్స్ఫర్ చేస్తున్న కార్డు సంస్థలు కచ్చితంగా తక్కువ వడ్డీరేటు ఆఫర్ చేస్తాయి. ఫలితంగా కొంత భారం తగ్గి త్వరగా చెల్లించేందుకు వెసులుబాటు లభిస్తుంది. ఒకసారి చెల్లింపులు సకాలంలో చేయడం ప్రారంభిస్తే క్రెడిట్ స్కోర్ తిరిగి గాడిన పడుతుంది.
☛ బ్యాలెన్స్ బదిలీ చేసిన తర్వాత దాన్ని చెల్లించేందుకు కొత్త కార్డు సంస్థలు కొంత సమయాన్ని ఇస్తాయి. అలా డబ్బును సర్దుబాటు చేసుకోవడానికి అదనపు సమయం లభిస్తుంది. ఈ కాలానికి కొన్ని సంస్థలు ఎలాంటి వడ్డీ వసూలు చేయవు. కొన్ని నామమాత్రపు వడ్డీరేటును వర్తింపజేస్తాయి. ఈ సమయంలో కొత్త కొనుగోళ్లు చేసేందుకు అవకాశమూ ఉంటుంది.
☛ బదిలీ చేసిన బకాయిని తక్కువ వడ్డీరేటుతో నెలవారీ వాయిదాల (EMI) కిందకూ మార్చుకునే వెసులుబాటు ఉంటుంది.
అయితే క్రెడిట్ కార్డుల బకాయిల బదిలీ వల్ల కేవలం లాభాలే కాదు కొన్ని ప్రతికూలతలు కూడా ఉన్నాయి.
★ బ్యాలెన్స్ ట్రాన్స్ఫర్కు అనుమతి కోరుతూ అర్జీ పెట్టుకున్నప్పుడు సంస్థలు ఏమాత్రం జాప్యం చేసినా వడ్డీ పెరిగిపోతుంది. తీరా క్రెడిట్ స్కోర్, భారీ మొత్తంలో బకాయిల పేరిట కొత్త సంస్థ తిరస్కరిస్తే భారం మరింత ఎక్కువవుతుంది. మరోవైపు పలు కారణాలరీత్యా వడ్డీరేటులో రాయితీ ఇవ్వలేమని చెబితే అప్పటి వరకు అదనపు వడ్డీభారం తప్ప ఎలాంటి ప్రయోజనం ఉండదు.
★ అప్పుల ఊబిలో కూరుకుపోయే ప్రమాదం కూడా ఉంది. అవకాశం ఉంది కదా అని.. అన్ని బకాయిలను కొత్త కార్డు బదిలీ చేస్తే ఆ మొత్తాన్ని చెల్లించలేక ఇబ్బంది పడే అవకాశం ఉంది. ఒకవేళ సకాలంలో చెల్లించలేకపోతే వడ్డీ భారం అంతకంతకూ పెరుగుతూ పోతుంది.
★ బకాయిలు ఎక్కువ మొత్తంలో ఉన్నప్పుడే కస్టమర్లు సాధారణంగా దాన్ని బదిలీ చేయాలని ఆలోచిస్తారు. అంటే కచ్చితంగా ఆ మొత్తం కొత్త కార్డు యుటిలైజేషన్ రేషియో కంటే ఎక్కువే ఉండే అవకాశం ఉంది. ఇది క్రెడిట్ స్కోర్పై ప్రతికూల ప్రభావం చూపుతుంది.
★ బ్యాలెన్స్ ట్రాన్స్ఫర్ ఫీజు, కొత్త కార్డు వార్షిక రుసుములు అదనపు ఖర్చులు. వీటన్నింటినీ లెక్కలోకి తీసుకొని లాభదాయకమనుకుంటేనే ఈ ఆప్షన్కు వెళ్లాలి.
ఈ సంస్థలు అందిస్తున్నాయి..
హెచ్డీఎఫ్సీ బ్యాంక్, ఎస్బీఐ, ఐసీఐసీఐ బ్యాంక్, కొటాక్ మహీంద్రా బ్యాంక్, స్టాండర్డ్ ఛార్టర్డ్ బ్యాంక్, ఆర్బీఎల్ బ్యాంకు, హెచ్ఎస్బీసీ బ్యాంక్ వంటి ప్రముఖ బ్యాంకులన్నీ బ్యాలెన్స్ ట్రాన్స్ఫర్ ఆప్షన్ను ఇస్తున్నాయి. బ్యాంకుని బట్టి షరతులు, నియమనిబంధనలు మారతాయి.
ఎలా చేయాలి?
సంస్థ నియమ నిబంధనల ప్రకారం.. బ్యాంకు అర్హతగల కస్టమర్లకు మాత్రమే ఈ వెసులుబాటును కల్పిస్తాయి. బ్యాంకుల్లో దీనికి నిర్దిష్టమైన ఫారాలు ఉంటాయి. వాటిని పూర్తి చేసి క్రెడిట్ వివరాలు, పాన్కార్డు, ఆధార్ కార్డు, క్రెడిట్ బిల్లు స్టేట్మెంట్ల వంటి ప్రాథమిక పత్రాలు జత చేసి ట్రాన్స్ఫర్కు దరఖాస్తు చేసుకోవచ్చు. కొన్ని బ్యాంకులు ఎలాంటి పత్రాలు అవసరం లేకుండానే ఆన్లైన్లో అర్జీ పెట్టుకునే అవకాశాన్ని కల్పిస్తున్నాయి. మరికొన్ని ఎస్ఎంఎస్ ద్వారా, మొబైల్ బ్యాంకింగ్, ఇంటర్నెట్ బ్యాంకింగ్ మాధ్యమం ద్వారా కూడా ఈ వెసులుబాటును కల్పిస్తున్నాయి. క్రెడిట్ స్కోరు, బకాయి మొత్తం వంటి అంశాలన్నింటినీ పరిశీలించి బదిలీకి అనుమతి ఇస్తాయి. కొత్త కార్డు జారీ సంస్థలు పాత కార్డు సంస్థకు డీడీ, నెఫ్ట్ లేదా ఇతర మార్గాల్లో బకాయి మొత్తాన్ని చెల్లిస్తాయి. దీంతో ప్రక్రియ పూర్తవుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి
తాజా వార్తలు (Latest News)
-
జూదరులతో కలిసి పుట్టిన రోజు వేడుకలు.. మంగళ్హాట్ డీఐ సస్పెన్షన్ ?
-
ఒకే ద్విచక్రవాహనంపై ప్రయాణం.. బస్సు ఢీకొని నలుగురు ఇంటర్ విద్యార్థుల మృతి
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)