No-Cost EMI: నో-కాస్ట్ ఈఎంఐలో వస్తువు కొంటున్నారా?.. వడ్డీ వర్తిస్తుందా?
నో-కాస్ట్ ఈఎంఐ అంటే ఏంటి? దీనితో వినియోగదారులకు ఎలాంటి ప్రయోజనం లభిస్తుందో ఇప్పుడు చూద్దాం
ఇంటర్నెట్ డెస్క్: పండగ సీజన్లో అమెజాన్, ఫ్లిప్కార్ట్ వంటి ఇ-కామర్స్ సంస్థలు అనేక ఆఫర్లు ప్రకటిస్తున్నాయి. మొబైల్ ఫోన్లు, టీవీ, రిఫ్రిజిరేటర్లు, వాషింగ్ మెషిన్లు వంటి ఖరీదైన వస్తువులను డిస్కౌంట్లలో అందించడంతో పాటు, క్రెడిట్ కార్డు ద్వారా ఈఎంఐ పద్ధతిలో కొనుగోలు చేసే వీలు కల్పిస్తున్నాయి. కొన్ని వస్తువులపై నో-కాస్ట్ ఈఎంఐ సదుపాయాన్ని అందిస్తూ వినియోగదారులను ఆకర్షిస్తున్నాయి. అసలు నో-కాస్ట్ ఈఎంఐ అంటే ఏంటి? దీంతో వినియోగదారులకు ఎలాంటి ప్రయోజనం లభిస్తుందో ఇప్పుడు చూద్దాం..
నో-కాస్ట్ ఈఎంఐ ఎలా పనిచేస్తుంది?
నో-కాస్ట్ ఈఎంఐ కింద వస్తువు ధరను ఒకేసారి చెల్లించనవసరం లేదు. వాయిదాల పద్ధతిలో చెల్లించవచ్చు. వస్తువు ధరను ఎంచుకున్న కాలపరిమితి ఆధారంగా సమాన భాగాలుగా విభజిస్తారు. ఉదాహరణకు.. ఒక వస్తువు ధర రూ.12 వేలు అనుకుందాం. మీరు ఆరు నెలల కాలపరిమితి ఎంచుకుంటే నెలకు రూ. 2000 చొప్పున చెల్లిస్తే సరిపోతుంది.
బ్యాంకు వడ్డీ విధించదా?
ఆర్బీఐ నిబంధనల ప్రకారం ఏ సంస్థ కూడా సున్నా వడ్డీతో రుణాలు ఇవ్వకూడదు. ఈ రూల్ ప్రకారం వడ్డీ రహిత ఈఎంఐలో వస్తువులు ఎలా అమ్ముతున్నారనే సందేహం రావొచ్చు. నిజానికి నో-కాస్ట్ ఈఎంఐ కింద వస్తువు కొనుగోలు చేసినప్పటికీ ఇచ్చిన రుణంపై బ్యాంకులు వడ్డీ వసూలు చేస్తాయి. అంతే తప్ప వడ్డీ లేకుండా బ్యాంకులు రుణం ఇవ్వవు. ఇ-కామర్స్ సంస్థలు వెబ్సైట్లో నో-కాస్ట్ ఈఎంఐ వివరాలను నిశితంగా పరిశీలిస్తే ఈ విషయం అర్థమవుతుంది.
మరి వడ్డీని ఏవిధంగా వసూలు చేస్తారు?
సాధారణంగా ఇ-కామర్స్ వేదికల్లో నో-కాస్ట్ ఈఎంఐ బిల్లును గమనిస్తే అసలు విషయం అర్థమవుతుంది. ఉదాహరణకు ఒక వస్తువును రూ.12 వేలు పెట్టి కొనుగోలు చేశామనుకుందాం. మూడు నెలలకు నో-కాస్ట్ ఈఎంఐ పెడితే.. మనం కట్టాల్సింది నెలకు రూ.4వేలు ఉంటుంది. ఇక్కడ వడ్డీ కట్టట్లేదు కదా అని సందేహం రావొచ్చు. కానీ మనం వాస్తవంగాా బిల్ పే చేసినప్పుడు బ్యాంకులు వసూలు చేసే వడ్డీని బిల్లు సమయంలో ముందుగానే మినహాయిస్తారు. అంటే బ్యాంకులు 13 శాతం వడ్డీ వేస్తాయనుకుంటే ఆ మేర 3 నెలలకు అయ్యే వడ్డీ మొత్తాన్ని ముందే మినహాయించి బిల్ రూపొందిస్తారు.
మరి వారికి నష్టం కాదా?
ఇ-కామర్స్ వేదికల్లో మనం ఒకేసారి డబ్బు మొత్తం చెల్లించి కొనుగోలు చేసినా, నో-కాస్ట్ ఈఎంఐలో వాయిదాల పద్ధతిలో చెల్లించినా ఒకే ధర వర్తిస్తుంది. అయితేే, ఈ విధంగా చేయడం వల్ల వడ్డీ భారాన్ని ఇ-కామర్స్ సంస్థలు మోస్తున్నాయి కదా అనే సందేహం రావొచ్చు. ఇక్కడో విషయం గమనించాలి. నో-కాస్ట్ ఈఎంఐ వల్ల వినియోగదారులు తమ వద్ద డబ్బులు లేకపోయినా వాయిదాల పద్ధతిలో చెల్లించొచ్చన్న ఉద్దేశంతో కొనుగోలుకు ముందుకు వస్తాడు. దీనివల్ల కంపెనీలు అమ్మకాలను పెంచుకునేందుకు వీలు పడుతుంది. కొన్నిసార్లు పాత స్టాక్ను క్లియర్ చేసేందుకు కూడా డిస్కౌంట్, నో-కాస్ట్ ఈఎంఐ సదుపాయాన్ని కంపెనీలు కల్పిస్తుంటాయి. దీనివల్ల డిస్కౌంట్, నో-కాస్ట్ ఈఎంఐ పేరు చెప్పి వస్తువు ధర తగ్గించినా వారు వాస్తవ విలువకే దాన్ని అమ్మగలుగుతారు.
వినియోగదారునికి వచ్చే ప్రయోజనం ఏంటి?
ఈఎంఐ ద్వారా వస్తువును వాయిదా పద్ధతిలో కొనుగోలు చేసే వీలుంటుంది. అలాగే రుణం కోసం ప్రత్యేకంగా దరఖాస్తు చేయనవసరం లేదు. తక్షణమే పథకాన్ని ఎంచుకుని ఒకేసారి వస్తువును కొనుగోలు చేయవచ్చు. ఆఫర్ల సమయంలో ఇలా ఈఎంఐ రూపంలో కొన్నప్పుడు ఆ వడ్డీ ప్రయోజనాన్ని పొందే వీలుంటుంది.
చివరిగా: నో-కాస్ట్ ఈఎంఐ అనేది పూర్తిగా జీరో వడ్డీ లేదా జీరో ప్రాసిసంగ్ ఫీజుతో రాదు. మీరు ఏదైనా వస్తువు కొనుగోలు చేసేటప్పుడు బిల్లులో ఈఎంఐ మొత్తంలో వడ్డీ, పాటు ప్రాసెసింగ్ ఫీజు, జీఎస్టీ కలిసి ఉంటాయి. ఒక్కోసారి కొనుగోలు చేసిన సమయంలో ఇ-కామర్స్ సంస్థలు నో-కాస్ట్ ఈఎంఐ పేరిట మినహాయించే మొత్తానికీ.. వాస్తవంలో మీరు చెల్లించే దానికి మధ్య అంతరం ఉండొచ్చు. నో-కాస్ట్ ఈఎంఐలో ఏదైనా వస్తువును కొనుగోలు చేసేటప్పుడు బిల్లును నిశితంగా పరిశీలించండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు.
తాజా వార్తలు (Latest News)
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
అత్యాచారం కేసు.. హాలీవుడ్ నిర్మాత హార్వే వేన్స్టీన్కు ఊరట
-
VI 2.0కు నాంది.. మళ్లీ పుంజుకొంటాం: కుమార మంగళం బిర్లా
-
ఈనాడు.నెట్లో టాప్ 10 వార్తలు @ 9PM
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?