Marriage: వివాహానికి ఆర్థిక ప్రణాళికలను ఎలా ప్లాన్ చేసుకోవాలి?
పెళ్లిళ్ల సీజన్లో ఆర్థిక ప్రణాళికలను సులభతరం చేసే కొన్ని ముఖ్యమైన అంశాలు ఇక్కడ ఉన్నాయి, అవేంటో ఇక్కడ చూడండి.
ఇంటర్నెట్ డెస్క్: పెళ్లిళ్ల సీజన్ (Marriage season) మళ్లీ మొదలయ్యింది. ఒకవేళ మీరూ వివాహానికి సిద్ధమవుతుంటే.. మీ కలల వివాహానికి ఆర్థిక ప్రణాళికలను సరైన రీతిలో ప్లాన్ చేసుకోవాలి. పెళ్లి అనేది నిస్సందేహంగా ప్రతి ఒక్కరి జీవితంలోనూ కీలకమైన ఘట్టం. దీని కోసం ఖర్చు చేసేటప్పుడు ఆర్థిక క్రమశిక్షణ పాటించడం చాలా ముఖ్యం. అందులోనూ భారతీయులు వివాహ వేడుకను నిర్వహించడానికి పెద్ద ఎత్తున ఖర్చు చేస్తుంటారు. పెళ్లి అనుకున్నప్పుడు ప్లాన్ చేసిన ఖర్చులకు, పెళ్లి తర్వాత ఖర్చు చేసిన మొత్తానికి వ్యత్యాసం రావచ్చు. ఎందుకంటే పెళ్లి దగ్గర పడుతున్న కొద్దీ అనుకోని ఖర్చులు వచ్చిపడుతుంటాయి. దీంతో ఖర్చులు పెరిగే అవకాశం ఉంటుంది. కాబట్టి ఈ కీలక ఘట్టానికి ఆర్థిక ప్రణాళికలను సులభతరం చేసే కొన్ని ముఖ్యమైన అంశాలు ఏంటో ఇక్కడ చూడండి.
బడ్జెట్ను ఫిక్స్ చేయండి
వ్యక్తులు సాధారణంగా వివాహాల విషయమై అనేక మానసిక ప్రభావాలకు గురవుతుంటారు. కాబట్టి, వారు తరచుగా వారి ఆర్థిక సామర్థ్యం కంటే చాలా ఎక్కువ ఖర్చు చేస్తారు. ఈ అధిక మోతాదు ఖర్చులు భవిష్యత్లో మీ కీలకమైన ఆర్థిక లక్ష్యాలకు భంగం కలిగిస్తాయి. అందుచేత వివాహ ఖర్చులపై తగిన గరిష్ఠ పరిమితిని నిర్ణయించుకోవాలి. వివాహానికి ముందే బడ్జెట్ను నిర్ణయించుకోవడం ఉత్తమ మార్గం. కార్యక్రమాల ప్రాధాన్యతల ఆధారంగా అన్ని ఖర్చులను లిస్ట్ రాసుకోవాలి. అంటే, అగ్ర ప్రాధాన్యత ఖర్చులు ఎగువున, అప్రాధాన్యత ఖర్చులను దిగువున లిస్ట్లో రాసుకోవాలి. బడ్జెట్ మీ ఖర్చు పరిమితిని మించి ఉంటే, తక్కువ ప్రాధాన్యత గల కొన్ని ఖర్చులను తీసివేయాలి. ముఖ్యమైన ఖర్చులే కాకుండా, వివాహ సమయంలో ప్రణాళికలో లేని అనేక ఖర్చులు వస్తుంటాయి. వీటి గురించి కొంత ఆకస్మిక నిధిని కూడా దగ్గర పెట్టుకోవాలి.
డబ్బు ముందే ఆదా చేయాలి
మీ వివాహ తేదీని నిర్ణయించిన తర్వాత మాత్రమే డబ్బు గురించి ఆలోచిస్తూ కూర్చోకూడదు. దీనికి చాలా సంవత్సరాలు, కనీసం కొన్ని నెలల నుంచి ఆర్థికంగా సిద్ధం కావాలి. తప్పనిసరిగా దీనికోసం పొదుపు చేయడం ప్రారంభించాలి. భద్రత, తక్షణ ఉపసంహరణను అందించే లిక్విడ్ సాధనాలలో డబ్బును పొదుపు చేయాలి. దీని కోసం లిక్విడ్ మ్యూచువల్ ఫండ్లు, ఫిక్స్డ్ డిపాజిట్లు, రికరింగ్ డిపాజిట్లను పరిగణనలోకి తీసుకోవచ్చు. వడ్డీకి, అసలుకు హామీ ఉండే పొదుపు సాధనాలకు మాత్రమే ప్రాధాన్యత ఇవ్వాలి. ఈ ఖాతాలలో డబ్బును ప్రతి నెలా దాస్తూ ఉండాలి. మీ వివాహా తేదీకి ముందే నిధి లక్ష్యాన్ని చేరుకోవడానికి మీ బోనస్, కాలానుగుణ ఆదాయాలను అందులో పొదుపు చేయాలి.
వివాహ బడ్జెట్
వివాహ బడ్జెట్ తెలిసిన తర్వాత దాని కోసం నిధులను సిద్ధం చేసే పనిని త్వరగా ప్రారంభించాలి. పెళ్లి అనేది ప్రతి ఒక్కరి జీవితంలో కీలకమైన ఆర్థిక లక్ష్యాలలో ఒకటి. చాలా మంది మధ్యతరగతి భారతీయులు ఈ కార్యక్రమం గురించి డబ్బును ఆదా చేస్తారు. పెళ్లి సమయం దగ్గర పడుతున్నప్పుడు, మీ చేతిలో బడ్జెట్ ఉన్నప్పుడు, సమర్థంగా ఉపయోగించుకునేలా అన్ని నిధులను ఒకే చోటకు చేర్చాలి. సేకరించిన నిధులు సరిపోకపోతే, మీకు రెండు ఎంపికలు ఉన్నాయి. పెళ్లి ఖర్చులను తగ్గించుకోవాలి లేదా బంధువులు, స్నేహితుల నుంచి డబ్బు తీసుకోవాలి. లేదంటే బ్యాంకుల వద్ద వ్యక్తిగత రుణాన్ని తీసుకోవాలి.
అవసరమైతేనే రుణం
వివాహ ఖర్చులకు తప్పనిసరి పరిస్థితుల్లో రుణ ఎంపికలకు సిద్ధం కావాలి. కొన్నిసార్లు పెళ్లికి అయ్యే ఖర్చు విషయంలో మీ అంచనా తప్పు కావచ్చు. అసలు పెళ్లి ఖర్చులు అనుకున్న బడ్జెట్ కంటే ఎక్కువగా ఉండొచ్చు. ఈ డబ్బు అవసరాలకు స్నేహితులు, బంధువుల నుంచి అధిక మొత్తంలో ఫండ్ ఏర్పాటు కావడం సులభం కాదు. అటువంటి పరిస్థితుల్లో బ్యాంకుల ద్వారా వ్యక్తిగత రుణానికి వెళ్లడం మంచిదే. కొన్ని బ్యాంకులు వివాహ రుణాన్ని కూడా అందిస్తాయి. మీరు బ్యాంకు ఎఫ్డీను కలిగి ఉంటే.. ఎఫ్డీపై ఓవర్డ్రాఫ్ట్ సదుపాయం చౌకగా, వేగంగా లభిస్తుంది. బహుళ రుణాల కోసం దరఖాస్తు చేసుకునే బదులు, ఒకే రుణం తీసుకోవడం ద్వారా మీ బడ్జెట్ అవసరాలను తీర్చుకోవడానికి ప్రయత్నించండి. మీ రీపేమెంట్ కెపాసిటీకి మించి ఎప్పుడూ రుణం తీసుకోకండి. ఎందుకంటే పెళ్లి అయిన వెంటనే మీరు తిరిగి బకాయి చెల్లింపులు ప్రారంభించాలి. అంతేకాకుండా అసలు ఖర్చు ఒక వ్యక్తికి పెళ్లి అయిన తర్వాతే పెరుగుతుంది. ఈ కారణం చేత వివాహానంతరం ఆర్థికపరంగా ఫ్రీగా ఉండడం మంచిది.
ప్రణాళికలేని షాపింగ్ వద్దు
ప్రణాళికలేని షాపింగ్ అనవసరమైన ఖర్చులకు దారి తీస్తుంది. షాపింగ్ చేసేటప్పుడు తొందరపడకండి. ఎందుకంటే కంగారులో తప్పుడు నిర్ణయాలు తీసుకోవచ్చు. ముందుగా షాపింగ్ జాబితాను రూపొందించుకోండి. జాబితా ప్రకారం కొనుగోలు చేయండి. షాపింగ్ చేసేటప్పుడు ఆ పనిని ఆస్వాదించేలా పూర్తిచేయండి. ఉత్తమ ఆఫర్లు, డిస్కౌంట్లు ఇచ్చే షాపింగ్ పాయింట్లను గుర్తించండి. చెల్లింపుల్లో క్రెడిట్ కార్డు ఉపయోగిస్తే.. ఆ మొత్తం బ్యాంకు ఖాతాలో ఉండేలా జాగ్రత్తపడండి. తదుపరి బిల్లింగ్ డేట్లో క్రెడిట్ కార్డు బిల్లు చెల్లించడానికి ఈ మొత్తం ఉపయోగపడుతుంది. లేకపోతే ఇది ఒక అప్పుగా మిగిలిపోయే ప్రమాదం ఉంది.
బంగారు ఆభరణాలు
భారతీయ వివాహా వేడుకలో బంగారానికి, దుస్తులు తర్వాత ఎనలేని పాత్ర ఉంటుంది. వివాహానికి కావాల్సిన కీలకమైన వస్తువులలో ఆభరణాలు ఒకటి. ప్రస్తుతం బంగారం ధరలు ఎక్కువ ఉన్నాయని మనందరికి తెలిసిందే. వివాహ బడ్జెట్లో ఎక్కువ భాగం బంగారానికే కేటాయించాల్సి రావచ్చు. కాబట్టి ఆభరణాలు కొనుగోలు చేసేటప్పుడు, మీరు తగిన దుకాణాన్ని ఎంచుకోవాలి. ప్రతి వస్తువుకు సరైన బిల్లు తీసుకోండి. బంగారం విషయంలో తరుగు కీలక పాత్ర వహిస్తుంది. తరుగు, ధరల విషయంలో ఇతర దుకాణాలతో పోల్చి చూడండి. డైమండ్ ఆభరణాలను కొనుగోలు చేయాలని ప్లాన్ చేస్తున్నట్లయితే.. వాటి నాణ్యతకు సంబంధించిన ప్రామాణికత కోసం గుర్తింపు పొందిన రత్నశాస్త్ర ల్యాబ్ నుంచి పరీక్ష సర్టిఫికెట్ కోసం అడగండి. అభరణాల దుకాణానికి సంబంధించిన రిటర్న్ రేటు, వర్తించే నిబంధనలు, షరతులను తనిఖీ చేయండి. ఎందుకంటే భవిష్యత్లో మీరు అభరణాలను మార్చుకోవాలని ప్లాన్ చేసినప్పుడు ఇది మీకు సహాయపడవచ్చు.
చివరిగా: పెళ్లి ఖర్చులపై ఆర్థిక క్రమశిక్షణ పాటించడం ముఖ్యం. ఈ ఖర్చుల కోసం మీ అత్యవసర నిధిని ఎప్పుడూ ఉపయోగించొద్దు. పెళ్లిని ఆస్వాదించడం ముఖ్యం కానీ మీ ఆర్థిక స్వేచ్ఛను, భవిష్యత్ను కాపాడుకోవడం మరింత ముఖ్యం. కాబట్టి మీ బడ్జెట్కు కట్టుబడి పెళ్లిని ఆస్వాదించండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి