Home Loan: ఈఎంఐ భారం తగ్గించుకోవడం ఎలా? ఈ టిప్స్ పాటించండి..
రుణ గ్రహీతలు ఈఎంఐ భారం కాకుండా ఎలాంటి మార్గాలను అనుసరించవచ్చో ఇప్పుడు చూద్దాం.
ఇంటర్నెట్ డెస్క్: ఆర్బీఐ (RBI) కీలక రెపో రేటును (Repo rate) తాజాగా 0.35% పెంచింది. దీంతో ఇది 6.25% కు చేరింది. ఈ ఏడాది మే నుంచి ఇప్పుటి వరకు అయిదు సార్లు రెపోరేటును 2.25% (225 బేసిస్ పాయింట్లు) మేర పెంచింది. ఈ ప్రభావం రుణ గ్రహీతలపై తప్పక పడుతుంది. ముఖ్యంగా గృహ రుణం (Home loan) అనేది 20 నుంచి 30 ఏళ్ల వరకు ఉండే దీర్ఘకాలిక రుణం కాబట్టి వడ్డీ రేటులో స్వల్ప మార్పులు వచ్చినా.. దాని ప్రభావం అధికంగానే ఉంటుంది. దీంతో తక్కువ వడ్డీ రేట్ల సమయంలో ఒక ప్రణాళిక ప్రకారం రుణాలు తీసుకొని చెల్లిస్తున్నవారు.. వారి ఆర్థిక ప్రణాళిక దెబ్బతింటుందని ఆందోళన చెందుతున్నారు. మరి రుణ గ్రహీతలు ఈఎంఐ భారం కాకుండా ఎలాంటి మార్గాలను అనుసరించవచ్చో ఇప్పుడు చూద్దాం..
ఏం చేయాలి?
రీఫైనాన్స్: ప్రస్తుతం మీ బ్యాంకు అందించే వడ్డీరేటును, ఇతర బ్యాంకుల వడ్డీ రేటుతో పోల్చి చూడండి. ఒకవేళ వడ్డీరేటులో ఎక్కువ వ్యత్యాసం కనిపిస్తే.. తక్కువ వడ్డీ రేటుకే రుణం ఇచ్చే సంస్థకు మారే ప్రయత్నం చేయవచ్చు. కనీసం 0.75-1% తక్కువగా ఉంటే దీర్ఘకాలంలో అధిక మొత్తం ఆదా చేసుకోగలిగే అవకాశం ఉంటుంది. రుణం బదిలీ చేసేముందు కొత్త బ్యాంకు ప్రాసెసింగ్ ఫీజులు, ఇతర హిడెన్ ఛార్జీలను కూడా తెలుసుకోవడం మంచిది.
- వడ్డీ తగ్గించమని ఇప్పటికే రుణం తీసుకున్న బ్యాంకును కూడా కోరవచ్చు. మీరు మంచి క్రెడిట్ స్కోరు నిర్వహిస్తున్నవారైతే.. బ్యాంకులు మీ అభ్యర్థనను మన్నించే అవకాశం ఉంటుంది. ఇందుకోసం బ్యాంకులు కొంత ప్రాసెసింగ్ ఫీజు ఛార్జ్ చేసినప్పటికీ ఎక్కువ పేపర్ వర్క్ ఉండదు.
అధిక కాలపరిమితి: వడ్డీ రేట్లు పెరిగిన ప్రతిసారీ అది వినియోగదారుల ఈఎంఐలో ప్రతిబింబించకుండా బ్యాంకులు రుణ కాలపరిమితి పెంచుతుంటారు. దీంతో ప్రతి నెలా ఎంత చెల్లిస్తున్నామో అంతే ఈఎంఐ చెల్లించవచ్చు. కానీ, రుణ ఈఎంఐ చెల్లింపులు మరికొంత కాలం కొనసాగించాల్సిరావచ్చు. అధిక మొత్తంలో ఈఎంఐలు చెల్లించలేనప్పుడు కాలపరిమితిని పెంచుకోవచ్చు.
ఉదాహరణకు మీరు మీ రుణ అవుట్ స్టాండింగ్ బ్యాలెన్స్ రూ.15 లక్షలు ఉందనుకుందాం. ప్రస్తుతం 8.40% వడ్డీ అనుకుందాం. నెలవారీగా దాదాపు రూ.14,683 ఈఎంఐ చెల్లిస్తే.. 15 ఏళ్లలో మీ రుణం పూర్తిగా చెల్లించవచ్చు. రుణ మొత్తం పూర్తయ్యేలోపు మీరు చెల్లించిన వడ్డీ మొత్తం రూ.11,42,994. అయితే వడ్డీ 8.75%కు పెరిగిందనుకుంటే అదే ఈఎంఐ కొనసాగిస్తే మరో 8 నెలలు ఈఎంఐ చెల్లించాల్సి వస్తుంది. ఇక్కడ చెల్లించిన వడ్డీ మొత్తం రూ. 12,60,665. వడ్డీలో వచ్చిన వ్యత్యాసం రూ.1,17,671.
అధిక ఈఎంఐ: ఒకవేళ కొంత ఎక్కువ ఈఎంఐ మొత్తం చెల్లించగలిగిన వారైతే ఈఎంఐ మొత్తాన్ని కూడా పెంచుకోవచ్చు. దీని వల్ల అనుకున్న సమయంలోనే రుణం చెల్లించవచ్చు. అయితే నెలవారీ బడ్జెట్, పెట్టుబడులపై ప్రభావం పడకుండా చూసుకోవాలి.
పై ఉదాహరణనే తీసుకుంటే.. ఈఎంఐను రూ. 14,683 నుంచి రూ.14,992కు పెంచుకుంటే ముందు అనుకున్నట్లు 15 ఏళ్లలోనే రుణం పూర్తిగా చెల్లించవచ్చు. ఇక్కడ చెల్లించిన వడ్డీ మొత్తం రూ.11,98,511.
ఒక ఈఎంఐ అధికంగా చెల్లించడం: ప్రతి ఏడాదీ ప్రారంభంలో ఒక అదనపు ఈఎంఐను చెల్లించడం ద్వారా కూడా వడ్డీ గణనీయంగా తగ్గించుకోవచ్చు. అలాగే రుణాన్ని త్వరగా క్లియర్ చేసుకోవచ్చు. అయితే, ఒక ఏడాదిలో 12 ఈఎంఐలకు బదులు 13 ఈఎంఐ చెల్లించేలా మీ ఆర్థిక ప్రణాళికను సరిదిద్దుకోవాలి.
ఏడాదికి 5% లోన్ బ్యాలెన్స్ చెల్లించడం: ఏడాదికి ఒకసారి అసలు మొత్తంలో కనీసం 5% మొత్తానికి చెల్లింపులు చేసేలా ప్రయత్నించవచ్చు. దీని వల్ల చాలా వరకు వడ్డీని ఆదా చేయగలుగుతారు. తొందరగా లోన్ క్లియర్ చేయగలుగుతారు. పెద్ద మొత్తంలో డబ్బు అందినప్పుడు, పనిచేస్తున్న సంస్థ నుంచి బోనస్, ఇతర ప్రోత్సాహకాలు అందినప్పుడు ఆ మొత్తాన్ని ఇందుకు వినియోగించి రుణ భారాన్ని తగ్గించుకోవచ్చు.
ముందస్తు చెల్లింపులు: ఒకవేళ మీ వద్ద పెద్ద మొత్తంలో డబ్బు అందుబాటులో ఉంటే రుణ పూర్తి చెల్లింపులు గానీ, పాక్షిక చెల్లింపులు గానీ చేయవచ్చు. ఆదాయపు పన్ను చట్టం ప్రకారం గృహ రుణ అసలు చెల్లింపులపై సెక్షన్ 80సి కింద రూ.1.50 లక్షల వరకు, వడ్డీ చెల్లింపులపై సెక్షన్ 24బి కింద రూ.2 లక్షల వరకు.. మొత్తంగా ఒక ఏడాదిలో రూ. 3.50 లక్షల వరకు పన్ను మినహాయింపు క్లెయిం చేసుకునే వీలుంది. కాబట్టి, రుణాన్ని పూర్తిగా చెల్లించడం వల్ల ఈ ఆదాయపు పన్ను ప్రయోజనాలు కోల్పోవచ్చని గమనించండి.
చివరిగా..
ఆర్బీఐ రెపో రేటును పెంచినా, తగ్గించినా ఆ ప్రభావం రుణ గ్రహీతలపై పడుతుంది. గృహ రుణం అనేది 20 నుంచి 30 ఏళ్లు కొనసాగుతుంది. ఈ కాలంలో వడ్డీ రేట్లలో హెచ్చుతగ్గులు వస్తుంటాయి. కాబట్టి వీటి గురించి ఆందోళన చెందకుండా రుణ ఈఎంఐలు సక్రమంగా చెల్లించడం మంచిది. కనీసం 3 నెలలకు సమానమైన ఈఎంఐ మొత్తాన్ని అత్యవసర నిధిలో ఉంచడం ద్వారా నిధుల కొరత సమయంలోనూ సకాలంలో ఈఎంఐలు చెల్లించగలుగుతారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి -
పన్ను ప్రణాళికకు తరుణమిదే..
ఆర్థిక సంవత్సరం ప్రారంభం కావడంతో.. ఆదాయపు పన్ను మినహాయింపుల గురించి ఆలోచించాల్సిన సమయం వచ్చేసింది. ఈ నేపథ్యంలో పాత పన్నువిధానంలోనే ముందుకెళ్లాలని ఆలోచిస్తున్న వారు -
రెస్టరంట్లో డబ్బు ఆదా చేయడానికి చిట్కాలు
ఎప్పుడైనా కుటుంబంతో కలిసి రెస్టరంట్కు వెళ్లాలనుకునేవారు బిల్లుపై తగ్గింపు పొందాలనుకుంటారు. అలాంటి వారికోసమే కొన్ని చిట్కాలు. -
ఆన్లైన్ vs ఆఫ్లైన్ బీమా.. ఏది మెరుగైనది?
ప్రస్తుతం అన్ని రకాల బీమా పాలసీలు ఆన్లైన్, ఆఫ్లైన్లో లభిస్తున్నాయి. ఇవి వినియోగదారులకు ఎలాంటి సేవలు అందిస్తాయి? ఎలా మెరుగైనవి అనేది ఇక్కడ తెలుసుకోండి. -
ఎన్పీఎస్ లాగిన్, క్రెడిట్ కార్డ్ రూల్స్.. ఏప్రిల్ 1 నుంచి రాబోతున్న మార్పులివీ..
Changes from april 1st: కొత్త ఆర్థిక సంవత్సరంలో ఆర్థిక పరమైన మార్పులు చోటుచేసుకోబోతున్నాయి. అవేంటో చూసేయండి..
తాజా వార్తలు (Latest News)
-
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్
-
గూగుల్ మ్యాప్స్లో మరో కొత్త ఫీచర్.. ఈవీ స్టేషన్లు వెతకడం ఇక సులువే!
-
స్వీపర్ తనయుడు.. సివిల్స్లో సత్తా చాటాడు
-
40 గంటల బ్యాటరీ లైఫ్తో నథింగ్ నుంచి 2 కొత్త ఇయర్బడ్స్
-
కాలేజీ క్యాంపస్లో ఘోరం.. కార్పొరేటర్ కుమార్తె దారుణ హత్య
-
అమ్మ చనిపోయారు.. నేను పోటీ చేయలేను: ‘హిమాచల్’ డిప్యూటీ సీఎం కుమార్తె