Debit Card: డెబిట్ కార్డు ఎక్స్పైర్ అయ్యిందా? ఇలా చేయండి
కార్డు పాడైపోవడం, పిన్ మర్చిపోవడం, పోగొట్టుకోవడం, వ్యాలిడిటీ పూర్తవడం వంటి సందర్భాల్లో ఖాతాదారులు కొత్త కార్డు కోసం దరఖాస్తు చేసుకోవచ్చు.
ఇంటర్నెట్ డెస్క్: డెబిట్ కార్డులు సాధారణంగా రెండు, మూడు సంవత్సరాల ఎక్స్పైరీ తేదీలతో వస్తుంటాయి. కొన్ని కార్డులకు 4 నుంచి 10 సంవత్సరాల వరకు కూడా పనిచేస్తాయి. చాలా మంది ఈ తేదీని అంతగా పట్టించుకోరు. కానీ, ఏదైనా అత్యవసర పరిస్థితుల్లో డబ్బు విత్డ్రా చేయాల్సి వచ్చి కార్డు పనిచేయకపోతే ఇబ్బంది పడాలి. కాబట్టి, ఈ తేదీని కూడా గమనిస్తుండాలి. కార్డు వ్యాలిడిటీ ఎప్పటి నుంచి ఎప్పటి వరకు ఉంది అన్నది కార్డుపై ఉంటుంది.
కార్డు ఎక్స్పైరీ వరకు మాత్రమే పనిచేస్తుంది. ఉదాహరణకు మీ కార్డు ఎక్స్పెయిరీ తేదీ 03/2023 అని ఉంటే.. అది 2023 మార్చి 31వ తేదీ వరకు మాత్రమే పనిచేస్తుంది. ఆ తర్వాత కార్డుతో లావాదేవీలు చేయలేరు. ఒకవేళ మీ డెబిట్ కార్డు ఎక్స్పైరీ తేదీ పూర్తయి, మీరు ఇంకా ఆ బ్యాంకులో ఖాతాను కొనసాగిస్తున్నట్లయితే కొత్త కార్డు కోసం దరఖాస్తు చేసుకోవచ్చు. అంతేకాకుండా కార్డు పాడైపోవడం, పిన్ మర్చిపోవడం, పోగొట్టుకోవడం వంటి సందర్భాల్లోనూ కొత్త కార్డు కోసం దరఖాస్తు చేసుకోవచ్చు. ఇందుకు గల మార్గాలను ఇప్పుడు తెలుసుకుందాం.
నెట్ బ్యాంకింగ్..
డెబిట్ కార్డు తిరిగి పొందేందుకు సులభమైన మార్గం నెట్ బ్యాంకింగ్. ముందుగా మీ కస్టమర్ ఐడీ, పాస్వర్డ్తో నెట్బ్యాంకింగ్ ఖాతాకు లాగిన్ అవ్వాలి. ఆ తర్వాత కార్డుల విభాగానికి వెళ్లి రీప్లేస్ చేయాల్సిన డెబిట్ కార్డును ఎంచుకొని రీప్లేస్మెంట్ కోసం అభ్యర్థించవచ్చు. ఇక్కడ మీరు కార్డు పొందే అడ్రస్ ధ్రువీకరించాల్సి ఉంటుంది. నెట్ బ్యాంకింగ్కు లాగిన్ అయిన తర్వాత మీ బ్యాంకు వెబ్సైట్ ప్రకారం అనుసరించాల్సిన స్టెప్స్లో మార్పులు ఉండొచ్చు.
స్టేట్ బ్యాంక్ ఆఫ్ ఇండియా తీసుకుంటే.. నెట్ బ్యాంకింగ్కు లాగిన్ అయిన తర్వాత ఇ-సర్వీసెస్ సెక్షన్లో ఉన్న రిక్వెస్ట్ ఏటీఎం/డెబిట్ కార్డుపై క్లిక్ చేస్తే మీ రిజిస్టర్డ్ మొబైల్ నంబరుకు ఓటీపీ వస్తుంది. దీన్ని ఎంటర్ చేసిన తర్వాత ప్రైమరీ కార్డును ఎంచుకుని, కార్డుదారుని పేరు, ఈ-మెయిల్ వివరాలు ఎంటర్ చేసిన తర్వాత నియమ నిబంధనలను అంగీకరించి సబ్మిట్ చేయాల్సి ఉంటుంది. ఇలా ప్రాసెస్ పూర్తి చేసిన తర్వాత ఏడు పనిదినాల్లో కార్డు మీకు అందుతుంది.
మొబైల్ బ్యాంకింగ్..
ప్రస్తుతం దాదాపు అన్ని బ్యాంకులు.. వాటికి సంబంధించిన ప్రత్యేక యాప్లను రూపొందిస్తున్నాయి. ఈ యాప్ల ద్వారా రీప్లేస్మెంట్ కోసం దరఖాస్తు చేసుకోవచ్చు. కస్టమర్ ఐడీ, పాస్వర్డ్ లేదా నాలుగు అంకెల త్వరిత యాక్సెస్ పిన్/పాస్వర్డ్లను ఎంటర్ చేసి ఖాతాకు లాగిన్ అవ్వాలి. కార్డ్స్ మెనూకు వెళ్లి డెబిట్ కార్డు రీప్లేస్మెంట్ సర్వీస్ కోసం రిక్వెస్ట్ చేయాలి. మీ బ్యాంకు, అభ్యర్థనను ప్రాసెస్ చేసి రిజిస్టర్డ్ అడ్రస్కు కార్డును పంపుతుంది.
కస్టమర్ కేర్..
మీ బ్యాంకు కస్టమర్ కేర్కు కాల్ చేసి ఎగ్జిక్యూటివ్ను సంప్రదించండి. మీ ఎగ్జిక్యూటివ్ మీ అభ్యర్థనను స్వీకరించి రిజిస్టర్డ్ చిరునామాకు కొత్త డెబిట్ కార్డును పంపుతారు. కస్టమర్ కేర్కు కాల్ చేసేటప్పుడు మీ బ్యాంకు అధికారిక వెబ్సైట్ నుంచి మాత్రమే నంబరు తీసుకోండి. ఆన్లైన్లో వెతికి తీసుకోవడం మంచిది కాదు. బ్యాంకువారు డెబిట్కార్డు పిన్, పాస్వర్డు వంటి సమాచారం అడగరు.
బ్రాంచీని సంప్రదించండి..
మీకు నెట్ లేదా మొబైల్ బ్యాంకింగ్ సౌకర్యం లేకపోతే నేరుగా బ్యాంకు బ్రాంచీకు వెళ్లి కూడా కొత్త కార్డు కోసం దరఖాస్తు చేసుకోవచ్చు. బ్రాంచీకి వెళ్లినప్పుడు తక్షణ (ఇన్స్టెంట్) డెబిట్ కార్డు కోసం కూడా అడగొచ్చు. అయితే, కార్డుపై మీ పేరు ఉండదు. ఒకవేళ పేరుతో కావాలనుకుంటే మీ రిజిస్టర్డ్ చిరునామాకు పంపుతారు.
గుర్తుంచుకోండి..
కార్డు రీప్లేస్మెంట్ కోసం బ్యాంకులు ఛార్జీలను వసూలు చేయవచ్చు. ఇవి వేరు వేరు బ్యాంకులకు వేరు వేరుగా ఉంటాయి. ఒకవేళ మీ కార్డును ఎక్కడైనా పోగొట్టుకుంటే, ముందుగా కార్డును బ్లాక్ చేసి ఆ తర్వాత కొత్త కార్డు కోసం దరఖాస్తు చేసుకోవాలి. కొత్త కార్డు దరఖాస్తు చేసుకున్నప్పుడు కార్డును మీ చిరునామాకు పంపుతారు, కాబట్టి మీరు బ్యాంకులో చిరునామా వివరాలను అప్డేట్ చేసుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఉత్పత్తి రంగంలో మదుపు
దేశీయ వినియోగం, ఎగుమతులు పెరుగుతున్న నేపథ్యంలో మన దేశంలో ఉత్పత్తి రంగం గతంలో ఎన్నడూ లేనంత అధిక వృద్ధిని నమోదు చేయబోతోంది. -
ప్రయాణంలో తోడుగా..
ప్రయాణాలు చేసే వారికి ఉపయోగపడేలా ఎస్బీఐ కార్డ్ కొత్త క్రెడిట్ కార్డును తీసుకొచ్చింది. ఎస్బీఐ కార్డ్ మైల్స్ ఎలైట్, ఎస్బీఐ కార్డ్ మైల్స్ ప్రైమ్, ఎస్బీఐ కార్డ్ మైల్స్ పేర్లతో మూడు రకాలుగా అందిస్తోంది. -
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా