EV charging stations: ‘2030 నాటికి భారత్‌లో 46 వేల ఛార్జింగ్‌ స్టేషన్లు అవసరం’

అల్వరెజ్‌ అండ్‌ మార్షల్‌ నివేదిక

దిల్లీ: విద్యుత్తు వాహన రంగంలో భారత్‌ అంతర్జాతీయ ప్రమాణాలను అందుకోవాలంటే దేశంలో 2030 నాటికి 46,000 ఛార్జింగ్‌ స్టేషన్లను ఏర్పాటు చేయాల్సి ఉందని అల్వరెజ్‌ అండ్‌ మార్షల్‌ అనే ప్రముఖ అంతర్జాతీయ సంస్థ విడుదల చేసిన నివేదిక వెల్లడించింది. చైనాలో ప్రతి 6 విద్యుత్తు వాహనాల (EV)కు ఒక ఛార్జింగ్‌ స్టేషన్‌ ఉంటే భారత్‌లో ఆ సంఖ్య 135గా ఉందని వెల్లడించింది. అదే అమెరికాలో 19 వాహనాలకు ఒక స్టేషన్‌ ఉన్నట్లు తెలిపింది. ధర అందుబాటులో లేకపోవడం, మైలేజీ, సరఫరా ఇబ్బందులు, భద్రత-నాణ్యత, రుణసదుపాయం లేకపోవడం వంటివి భారత్‌లో ఈవీ రంగ పురోగతికి సవాళ్లుగా నిలుస్తున్నాయని నివేదిక వెల్లడించింది. వీటిని అధిగమించగలిగితే వచ్చే ఐదేళ్ల పాటు పరిశ్రమ 50-100 శాతం వృద్ధిని నమోదు చేస్తుందని విశ్వాసం వ్యక్తం చేసింది. అతిపెద్ద వాహన పరిశ్రమ ఉన్న భారత్‌లో కాలుష్యాన్ని తగ్గించాలంటే ఈవీ రంగంలో నవకల్పనల్ని ప్రోత్సహించాల్సి ఉందని వివరించింది.

► Read latest Business News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.