Home Loans: వ‌డ్డీ రేట్ల‌ను పెంచిన ఇండియా బుల్స్ హౌసింగ్ ఫైనాన్స్‌

ఇంటర్నెట్‌ డెస్క్‌: ఇండియా బుల్స్ హౌసింగ్ ఫైనాన్స్ గృహ రుణ వ‌డ్డీ రేటును 25 బేసిస్‌ పాయింట్లు (0.25%) పెంచింది. దీంతో ఈఎంఐలు కూడా పెరగ‌నున్నాయి. ఈ సవ‌రించిన ధ‌ర‌లు నూత‌న వినియోగ‌దారుల‌కు ఆగ‌స్టు 1 నుంచి అమ‌ల్లోకి వ‌స్తాయి. ప్రస్తుత వినియోగ‌దారుల‌కు ఆగ‌స్టు 5 నుంచి కొత్త వ‌డ్డీ రేట్లు వ‌ర్తిస్తాయి. ఈ వారం చివ‌ర్లో జ‌రుగ‌నున్న ఆర్‌బీఐ ద్ర‌వ్య విధానానికి ముందు ఈ ప్ర‌క‌ట‌న వెలువ‌డ‌డం విశేషం. ఇత‌ర రుణ సంస్థ‌ల వ‌డ్డీ రేట్ల స‌వ‌ర‌ణ‌కు అనుగుణంగా ఇండియాబుల్స్ హౌసింగ్ ఫైనాన్స్ 25 బేసిస్ పాయింట్ల స‌వ‌రించింది.

ఇండియాబుల్స్ హౌసింగ్ వెబ్‌సైట్ ప్ర‌కారం గృహ రుణాల‌పై వ‌డ్డీ రేటు 7.60% నుంచి ప్రారంభ‌మ‌వుతుంది. ఇండియాబుల్స్ హౌసింగ్ ఫైనాన్స్ (IBHFL) భార‌త‌దేశంలోనే 3వ అతిపెద్ద హౌసింగ్ ఫైనాన్స్ కంపెనీ. ఇది నేష‌న‌ల్ హౌసింగ్ బ్యాంకు (NHB) నియంత్ర‌ణ‌లో ఉంటుంది. IBHFL స‌ర‌స‌మైన గృహాల విభాగంలో వేగ‌వంత‌మైన‌, అనుకూల‌మైన‌, పోటీ ధ‌ర‌లతో గృహ రుణాల‌ను అందిస్తోంది.

► Read latest Business News and Telugu News

► Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.