Stock market: ఫ్లాట్‌గా కొనసాగుతున్న స్టాక్‌ మార్కెట్‌ సూచీలు

ముంబయి: దేశీయ మార్కెట్‌ సూచీలు ఈ వారాన్ని ఫ్లాట్‌గా ప్రారంభించాయి. అంతర్జాతీయ మార్కెట్ల పనితీరుతో పాటు ఈ వారం వెలువడే జీడీపీ గణాంకాలపై దృష్టిసారించిన మదుపర్లు అప్రమత్తత పాటిస్తున్నారు. దీంతో సోమవారం నాటి సెషన్‌ను స్వల్ప నష్టాలతో ప్రారంభించిన సూచీలు ఆ తర్వాత కాస్త కోలుకుని స్వల్ప లాభాలతో ట్రేడ్‌ అవుతున్నాయి. ఉదయం 9.30 గంటల సమయంలో సెన్సెక్స్‌ 46.21 పాయింట్ల లాభంతో 62,339.85 వద్ద, నిఫ్టీ 6 పాయింట్ల స్వల్ప లాభంతో 18,518.85 వద్ద కొనసాగుతున్నాయి. హీరో మోటార్స్‌, భారత్‌ పెట్రోలియం, బజాజ్‌ ఆటో, మారుతీ సుజుకీ షేర్లు లాభాల్లో ఉండగా.. హెచ్‌డీఎఫ్‌సీ, హిందాల్కో ఇండస్ట్రీస్‌, జేఎస్‌డబ్ల్యూ స్టీల్‌, అపోలో హాస్పిటల్స్‌, హెచ్‌డీఎఫ్‌సీ బ్యాంక్‌ షేర్లు నష్టాల్లో ట్రేడ్‌ అవుతున్నాయి.