IRCTC లాగిన్‌ అవ్వకుండానే రీఫండ్‌ స్టేటస్‌.. తెలుసుకోండిలా

ఇంటర్నెట్‌ డెస్క్‌: రైల్వే టికెట్‌ రద్దు చేసుకున్న తర్వాత రీఫండ్‌ స్టేటస్‌ (Refund Status) చెక్‌ చేసుకోవడం కష్టంగా ఉందా? అలాంటి ప్రయాణికుల సౌకర్యార్థం ఐఆర్‌సీటీసీ (IRCTC) ‘ఆస్క్‌దిశ (AskDisha)’ చాట్‌బోట్‌లో మరిన్ని మార్పులు చేసింది. ఇకపై ఆస్క్‌దిశ (AskDisha) చాట్‌బోట్‌లో టికెట్లను బుక్‌ చేసుకోవడం, క్యాన్సిల్‌ చేయడం, పీఎన్‌ఆర్‌ (PNR) స్టేటస్‌ చెక్‌ చేసుకోవడంతో పాటు రీఫండ్‌ స్టేటస్‌ (Refund Status)ను కూడా చూసుకునేలా అప్‌డేట్‌ చేశారు. కృత్రిమ మేధ ఆధారంగా పనిచేసే ఈ చాట్‌బోట్‌ యూజర్ల ప్రశ్నలకు హిందీ, ఇంగ్లిష్‌ భాషల్లో సమాధానమిస్తోంది.

ఓటీపీ వెరిఫికేషన్‌ ద్వారా టికెట్ల బుకింగ్‌ సహా ఇతర సేవల్ని పొందవచ్చంటూ అప్‌డేట్‌ చేసిన సర్వీసుల జాబితాను ఐఆర్‌సీటీసీ ఇటీవల ట్విటర్‌లో పోస్ట్‌ చేసింది. ఐఆర్‌సీటీసీ యూజర్‌ ఐడీ, పాస్‌వర్డ్‌ లేకుండానే ఈ సర్వీసుల్ని పొందొచ్చు. బోర్డింగ్‌ స్టేషన్‌ ఛేంజ్‌; బుకింగ్‌; చెల్లింపుల వంటి వివరాల్ని కూడా చాట్‌బోట్‌ ద్వారా తెలుసుకోవచ్చని తెలిపింది. ఈ మేరకు తాజాగా ఆస్క్‌దిశను అప్‌గ్రేడ్‌ చేసినట్లు వెల్లడించింది. టికెట్ల రద్దు, టీడీఆర్‌ ఫైలింగ్‌, లావాదేవీల్లో ఫెయిల్యూర్‌ వల్ల రావాల్సిన రీఫండ్‌కు సంబంధించిన ప్రశ్నలే 50 శాతం వరకు ఉంటున్నాయని తెలిపింది. ఈ నేపథ్యంలో ఆ దిశగా చర్యలు చేపట్టినట్లు తెలిపింది. పీఎన్‌ఆర్‌ లేదా లావాదేవీకి సంబంధించిన వివరాల్ని సమర్పించి ఆస్క్‌దిశ (AskDisha) టికెట్‌ రీఫండ్‌ స్టేటస్‌ (Refund Status) తెలుసుకోవచ్చని పేర్కొంది.

రీఫండ్ స్టేటస్‌ చెక్‌ చేసుకోండిలా..

ఐఆర్‌సీటీసీ వెబ్‌సైట్‌లోకి లాగిన్‌ కావాలి.
కుడివైపు మూలన ఉండే ఆస్క్‌దిశ ఆప్షన్‌పై క్లిక్‌ చేయండి
దాంట్లో రీఫండ్‌ స్టేటస్‌పై క్లిక్‌ చేయండి
ఈ కింది ఆప్షన్లలో ఏదో ఒకటి ఎంపిక చేసుకోండి

* టికెట్ క్యాన్సిలేషన్‌

* ఫెయిల్డ్‌ ట్రాన్సాక్షన్‌

* టీడీఆర్‌

తర్వాత ఫోన్‌ నెంబర్‌ను ఎంటర్‌ చేసి ఓటీపీ వెరిఫికేషన్‌ పూర్తి చేయండి
పీఎన్‌ఆర్‌ నెంబర్‌ను ఎంటర్‌ చేయండి
వెంటనే మీ రీఫండ్‌కు సంబంధించిన స్టేటస్‌ మేసేజ్‌ రూపంలో వస్తుంది.

► Read latest Business News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.