Fixed deposits: పొదుపు కోసం ఎఫ్డీలపై ఆధారపడడం సరైన పద్ధతేనా?
సాధారణంగా పెట్టుబడులు అంటే అందరూ బ్యాంకు, పోస్టాఫీసు ఎఫ్డీల గురించి మాత్రమే ఆలోచిస్తారు. మొత్తం పెట్టుబడి అంతా, దీర్ఘకాలం వీటిలోనే మదుపు చేస్తే ఏమవుతుందనేది ఇక్కడ ఉంది.
ఇంటర్నెట్ డెస్క్: చాలామంది పొదుపు చేయడానికి బ్యాంక్ ఫిక్స్డ్ డిపాజిట్లపై (Fixed deposits) ఆధారపడతారు. పెట్టుబడి మొత్తానికి రిస్క్ లేకపోవడం దీనికి బలమైన కారణం. ఈక్విటీలు లేదా ఈక్విటీ-ఆధారిత మ్యూచువల్ ఫండ్లలో పెట్టుబడి పెట్టిన మూలధనంలా.. ఎఫ్డీల్లో పెట్టుబడి ప్రధాన మొత్తం హెచ్చుతగ్గులకు గురికాదు. కాబట్టి ఫిక్స్డ్ డిపాజిట్లు రిస్క్ లేని పెట్టుబడులుగా మదుపుదార్లు భావిస్తారు. ఎఫ్డీల్లోని ప్రధాన మొత్తం స్థిరంగా ఉంటుంది. పెట్టుబడి కాలంలో పెట్టుబడిదారులు స్థిరమైన వడ్డీ రేటు పొందుతారు. కానీ, అన్నిసార్లూ అన్ని వయసులవారికీ ఇది సరైన పెట్టుబడి కాదని చెప్పవచ్చు. ఎఫ్డీలపై రాబడి ద్రవ్యోల్బణాన్ని అధిగమించి రాకపోవడం వల్ల, పెట్టుబడిదార్లను సంవత్సరాల తరబడి ఆర్థికంగా వెనుకబడేట్టు చేస్తుంది.
ఎఫ్డీలో పెట్టుబడి
బ్యాంకు ఎఫ్డీలు, ఇతర ఈక్విటీ ఆధారిత పెట్టుబడులపై వచ్చే రాబడిలో ఎంత తేడా ఉంటుందో ఇక్కడ ఒక ఉదాహరణ చూద్దాం. రమేష్ 2000-01లో పదవీ విరమణ చేస్తున్నప్పుడు చేతిలో రూ.20 లక్షల మూలధనాన్ని కలిగి ఉన్న రిస్క్ లేని వ్యక్తి. 2000-01లో బ్యాంకుల వడ్డీ రేటు దాదాపు 10 శాతం ఉన్నందున, అతడు సంతోషంగా మొత్తం రూ.20 లక్షల నిధిని బ్యాంకు ఎఫ్డీలో పెట్టుబడి పెట్టాడు. ఒక సంవత్సరంలో రూ.2 లక్షల వడ్డీని పొందుతున్నాడు. ఆ సమయంలో అతడు జీవించడానికి అది సరిపోయేది కూడా. వాస్తవానికి 2000-01లో అతడి అసలు అవసరం సంవత్సరానికి దాదాపు రూ.1.20 లక్షలు, అంటే ఒక నెలలో దాదాపు రూ.10 వేలు. ఈ వడ్డీతో అతడు చాలా సౌకర్యవంతంగా కుటుంబంతో గడిపాడు.
ద్రవ్యోల్బణ ప్రభావం
రిస్క్ లేని పెట్టుబడి కావడంతో రమేష్ బ్యాంకు ఫిక్స్డ్ డిపాజిట్ను రెన్యువల్ చేస్తూనే ఉన్నాడు. కొంత కాలానికి, వడ్డీ రేట్లు పడిపోవడం, ద్రవ్యోల్బణం పెరగడంతో అతడి దైనందిన నిత్యవసరాల ఖర్చుల కోసం ఇబ్బంది మొదలైంది. వ్యయ ద్రవ్యోల్బణం సూచిక ప్రకారం.. 2000-01లో నెలకు రూ.10,000 ఉన్న నెలవారీ ఖర్చు 2022-23లో దాదాపు రూ.40 వేలకు పెరిగింది. అంటే సంవత్సరానికి రూ.4,80,000 అయ్యింది. అంతేకాకుండా బ్యాంకు వడ్డీ రేట్లు దాదాపు 7-7.50 శాతం ఉండడంతో, అతడు ఇప్పుడు సంవత్సరానికి రూ.1.50 లక్షలు మాత్రమే పొందుతున్నాడు. అంటే, ఎఫ్డీపై నెలవారీ రాబడి రూ.12,500 మాత్రమే. నెల ఖర్చు మాత్రం ప్రస్తుతానికి రూ.40 వేలకు పెరిగింది.
కాబట్టి ద్రవ్యోల్బణానికి అనుగుణంగా, కాస్ట్ ఇన్ఫ్లేషన్ ఇండెక్స్ ప్రకారం.. 2000-01లో అతడి నిధి రూ.20 లక్షలు అయితే.. అదే కొనుగోలు శక్తిని కొనసాగించడానికి ఇప్పుడు దాదాపు రూ.75 లక్షలకు పెరిగి ఉండాలి. తక్కువ వడ్డీ రేటు కారణంగా, అతడి నిధిలో పెరుగుదల లేకపోవడంతో రమేష్ ఆర్థిక పరిస్థితి ఇప్పుడు అంతగా బాలేదనే చెప్పాలి.
వడ్డీ రేటు స్థిరంగా ఉంటే సరిపోయేదా?
ఒకవేళ బ్యాంకు ఎఫ్డీ వడ్డీ రేటు 10% వద్ద స్థిరంగా ఉన్నప్పటికీ, అతడి రూ.20 లక్షల మూలధనానికి వార్షిక వడ్డీ రూ.2 లక్షలు..అంటే, నెలకు రూ.16,667 వచ్చేది. కానీ, ఇప్పటికే అతడి నెల ఖర్చు రూ.40,000 అయ్యింది. ఈ లెక్కలో ఎఫ్డీ రాబడి చూసుకున్నా కూడా అతడు వెనుకబడే ఉన్నాడు.
మరేం చేసుండాలి?
2000-01లో అతడి నెలవారీ అవసరం రూ.10,000 అయినందున, ఒక సంవత్సరంలో రూ.1.20 లక్షలు పొందేందుకు ఎఫ్డీలో రూ.12 లక్షలు ఉంచి, మిగిలిన రూ.8 లక్షలను ఈక్విటీ-ఆధారిత సాధనాల్లో పెట్టుబడి పెట్టాడనుకుందాం. బీఎస్ఈ సెన్సెక్స్ 2001, జనవరి 1న 3,972 పాయింట్ల వద్ద ఉంది. అదే సెన్సెక్స్ 2023 ఫిబ్రవరి 28న 59,007 పాయింట్ల వద్ద ఉన్నందున, రూ.8 లక్షల పెట్టుబడి గత 22 సంవత్సరాలలో రూ.1.25 కోట్లకు పైగా పెరిగేది. ద్రవ్యోల్బణానికి ధీటుగా అతడి నిధి పెరిగి ఉండేది. అందువల్ల అతడి నిధి మొత్తంలో 40 శాతాన్ని పెట్టుబడి పెట్టడం ద్వారా ప్రస్తుత నిధి ఇప్పుడు రూ.1.37 కోట్లకు (ఎఫ్డీ, ఈక్విటీ నిధి కలిపి) పైగా ఉండేది. రమేష్ మంచి జీవన ప్రమాణాలతో జీవితాన్ని కొనసాగిస్తూ ఉండేవాడు.
వడ్డీ రేట్లు తగ్గినప్పుడు ఎలా?
బ్యాంకు ఎఫ్డీ వడ్డీ రేట్లు మొదట్లో 10% ఉన్నా.. తర్వాత 5-6 శాతానికి పడిపోయాయి. కాబట్టి, మీ వార్షిక ఖర్చులకు సరిపడా మొత్తం లభించకపోవచ్చు. ఇలాంటప్పుడు, మీరు కొంత మొత్తాన్ని ఈక్విటీ నుంచి బ్యాంకు డిపాజిట్లోకి మార్చుకుని అదనపు వడ్డీ పొందొచ్చు.
గమనిక: ఇక్కడ బీఎస్ఈ సెన్సెక్స్ ఆధారంగానే గణాంకాలు తెలిపాం. ఈక్విటీ పెట్టుబడులు మార్కెట్ల ఫలితాలకు లోబడి ఉంటాయి. పెట్టుబడి పెట్టే ముందు ఆర్థిక నిపుణుల సలహా తీసుకోండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి
తాజా వార్తలు (Latest News)
-
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
-
ఆ ‘ఎస్-400’లు.. వచ్చే ఏడాదే భారత్కు!
-
జీవితంలో ముందుకెళ్లాలంటే ధైర్యం ఉండాలి : ఐపీఎస్ ఆఫీసర్ పోస్ట్ వైరల్
-
తగ్గిన బంగారం, వెండి ధరలు.. కారణం ఇదే..
-
ఈనాడు.నెట్లో టాప్ 10 వార్తలు @ 9 PM
-
మీరు వింటున్న రూమర్స్ నిజమే.. సినిమాటిక్ యూనివర్స్పై ప్రశాంత్ వర్మ