Amazon CEO: బెజోస్ సక్సెస్ సీక్రెట్ ఇదే!
జెఫ్ బెజోస్.. ప్రపంచంలోనే అత్యంత ధనవంతుడు. అమెజాన్ను ఇంటింటికీ చేరువ చేసి లక్షల కోట్ల సామ్రాజ్యాన్ని సృష్టించిన వ్యాపారవేత్త.
ఇంటర్నెట్ డెస్క్: జెఫ్ బెజోస్.. ప్రపంచంలోనే అత్యంత ధనవంతుడు. అమెజాన్ను ఇంటింటికీ చేరువ చేసి లక్షల కోట్ల సామ్రాజ్యాన్ని సృష్టించిన వ్యాపారవేత్త. ఇంతపెద్ద వ్యాపారవేత్తగా ఎదిగే క్రమంలో అనేక ఆటుపోట్లనూ ఎదుర్కొన్నాడు. ఆన్లైన్లో పుస్తకాల విక్రయించాలన్న ఆలోచనను ఆచరణలో పెట్టకపోయి ఉంటే ఇవాళ కేవలం ఓ సాఫ్ట్వేర్ ప్రోగ్రామర్గా ఉండేపోయేవాడినన్న బెజోస్.. వ్యాపారంలో తాను అనుసరించిన సూత్రాలేంటో వివిధ సందర్భాల్లో చెప్పుకొచ్చాడు. ఖాళీ సమయాల్లో ఏం చేస్తాడో కూడా వివరించాడు. అమెజాన్ సీఈవోగా నేడు వైదొలుగుతున్న నేపథ్యంలో ఆ విషయాలు తెలుసుకుందాం.
సంస్థ ఉద్యోగులదే..
‘ఉద్యోగులు సంస్థని సొంత కంపెనీలా భావిస్తే సగం విజయం సాధించినట్టే’
అమెజాన్లో 6 లక్షల మంది ఉద్యోగులు పని చేస్తున్నారు. అత్యధికులు అది తమ సొంత సంస్థలా భావిస్తుంటారు. దీనికోసం ఉద్యోగులతో మంచి సంబంధాలు ఉండేలా చూసుకుంటాడు జెఫ్. వ్యక్తిగతంగా లేఖలు రాస్తాడు. తరచూ హార్దిక సమావేశాలు జరుగుతుంటాయి. బాధ్యతగా, కష్టపడి పనిచేసేవాళ్లకు అందలాలు, నజరానాలు దక్కుతాయి. ‘నా విజయం నా ఒక్కడిది కాదు. నా ఉద్యోగులందరిదీ’ అని పదేపదే చెబుతుంటాడు బెజోస్.
ఎదిగినా ఒదగడం
‘నెంబర్వన్ కిరీటం నా తలపై ఉండాలనే కోరిక నాకేం లేదు. ధనికుడిగా కాకుండా సంపద సృష్టించే వ్యక్తిగా, ఉపాధి కల్పించే యజమానిగా, మంచి తండ్రిగా పిలిపించుకోవడం నాకు ఇష్టం’
ఫోర్బ్స్ అంచనా ప్రకారం జెఫ్ ప్రపంచంలోనే మొదటి ట్రిలియనీర్ కాబోతున్నాడు. ఈ విజయంపై మీ స్పందన ఏంటని ఓ విలేకరి అడిగినప్పుడు చెప్పిన మాటలివి. కేవలం మాటలే కాదు.. జెఫ్ ఆచరణ అలాగే ఉంటుంది. డబ్బు, పేరుతో వచ్చే గర్వాన్ని ఎప్పుడూ తలకెక్కించుకోలేదు. కిందిస్థాయి ఉద్యోగుల భుజంపై చేయి వేసి మాట్లాడతాడు. కుటుంబ సభ్యులకు అధిక ప్రాధాన్యం ఇస్తాడు.
లక్ష్యం గురిచూసి కొట్టాలి
‘మన వ్యాపారంలో పోటీదారుడికన్నా మిన్నగా ఎలా ఉండాలి అని ఆలోచించవద్దు. మన లక్ష్యం వినియోగదారుడిని ఎలా ఆకట్టుకోవాలి అన్నదానిపైనే ఉండాలి’
వ్యాపారంలో పోటీదారులు సహజం. ముందుకెళ్లడానికి ఎన్నో ఎత్తులు వేస్తుంటారు. అమెజాన్ మొదలైనప్పుడు చిన్న స్టార్టప్నే. కానీ, అప్పటికే ఆ రంగంలో వాల్మార్ట్లాంటి దిగ్గజ సంస్థలున్నాయి. బెజోస్ ఆత్మస్థైర్యం కోల్పోలేదు. వినియోగదారుడి మనసు మెచ్చే ప్రయోగాలు చేశాడు. కస్టమర్ మిస్కాల్ ఇస్తే తిరిగి చేయడం, ప్రోడక్ట్ నచ్చకపోతే ఎలాంటి ప్రశ్నలు వేయకుండా వెనక్కి తీసుకోవడం.. ఇలాంటి విప్లవాత్మకమైన మార్పులు ఎన్నో తీసుకొచ్చాడు.
నిరంతర శ్రమ
‘విజయం ఒక్కోసారి సులువు, మరోసారి కష్టం కావొచ్చు. కానీ దక్కిన విజయాన్ని నిలుపుకోవడం మరింత కష్టం’
వ్యాపారం విస్తరించడానికి, ముందుకెళ్లడానికి రెండు మార్గాలుంటాయి అంటాడు జెఫ్. విజయవంతంగా కొనసాగుతున్న వ్యాపారాన్ని కొనసాగించడం. మరింత అభివృద్ధి చెందడానికి ఎప్పటికప్పుడు కొత్త దారులు వెతకడం. ఆన్లైన్లో పుస్తకాలు అమ్మడంతో మొదలైంది అమెజాన్. తర్వాత దాన్ని అన్ని రంగాలకు విస్తరించాడు. ఉప్పు, పప్పులతో సహా ఇప్పుడు అమెజాన్లో ప్రతిదీ అందుబాటులో ఉంటుంది. ఈ సామ్రాజ్య విస్తరణ ఒక్కరోజులో సాధ్యం కాలేదు. ఎక్కడెక్కడ అనుకూలం? ఎలాంటి ఉత్పత్తులు అమ్ముకోవచ్చు? అని విశ్లేషించడానికి అమెజాన్లో పెద్ద బృందమే నిరంతరం పని చేస్తోంది.
వ్యాపార ఆచరణ
‘ప్రపంచంలో కార్యాచరణ లేని ఆలోచనలు వ్యర్థం. కొన్నిసార్లు నిర్ణయాల్లో అంతులేని వేగం ఉండాలి. ఒక్క సెకనులోనే మంచి ఆలోచన పుట్టొచ్చు. ఆచరణ ఒక్కోసారి జీవిత కాలం పట్టొచ్చు. వెనుకడుగేయొద్దు’
ఈ ప్రపంచంలో సమర్థులు, అత్యంత తెలివైనవాళ్లకు కొదవలేదు. వాళ్ల మెదళ్లలో కోట్లకొద్దీ సరికొత్త ఆలోచనలు మెదులుతుంటాయి. కానీ, ఒక మంచి ఆలోచన కార్యరూపం దాల్చినప్పుడే విజయం సాధ్యమవుతుంది. ఈ మధ్యలో ఎన్నో ఎత్తుపల్లాలు దాటాలి. 1994లో బెజోస్ ఉద్యోగం మానేసి ఆన్లైన్ బుక్స్టోర్ మొదలు పెట్టాలనుకున్నాడు. ఇది కొత్త ప్రయోగాలకు నాంది అని అంచనా వేశాడు. అప్పుడు అతడి వార్షిక వేతనం లక్షల్లోనే. కొనసాగితే రెండింతల జీతం ఇస్తానన్నాడు బాస్. అయినా అతడు నిర్ణయం మార్చుకోలేదు. ఒకవేళ ప్రయత్నించకుండా అలా ఆగిపోయి ఉంటే ఎప్పుడో ఒకరోజు బాధపడేవాడినని ఓ సందర్భంలో బెజోస్ చెప్పుకొచ్చాడు. ప్రయత్నించి ఓడిపోయినా బాధపడేవాడిని కాదని చెప్పాడు.
ఖాళీ సమయాల్లో ఇలా..
జెఫ్బెజోస్ ఎంత బిజీగా ఉంటాడో చెప్పక్కర్లేదు. అయినా కాస్త ఖాళీ దొరిందనుకున్నప్పుడు మొదట చేసే పని హాయిగా స్టార్ట్రెక్ అనే కార్యక్రమం చూడటం. ఆ తరువాత ఎప్పటికప్పుడు నాసా విడుదల చేసే రాకెట్ల నుంచి సముద్రాల్లో పడిపోయే శకలాలను సేకరిస్తుంటాడట. అదే తన హాబీ అని చెప్పే ఈ సంపన్నుడు ఆ శకలాలను వెతికేందుకు అప్పుడప్పుడూ తన పిల్లల్నీ తీసుకెళ్తుంటాడట.
₹1200 కోట్ల ఇల్లా!
కాలిఫోర్నియాలోని బెవర్లీ హిల్స్లో నిర్మించిన వార్నర్ ఎస్టేట్ను ఇటీవల బెజోస్ కొనుగోలు చేశారు. దీని విలువ 165 మిలియన్ డాలర్లు (సుమారు రూ.1200 కోట్లు) ఉంటుందట. ప్రముఖ హాలీవుడ్ నిర్మాత డేవిడ్ గిఫెన్ నుంచి ఆయన ఈ ఇంటిని కొనుగోలు చేశారు. ఈ డీల్తో లాస్ ఏంజిల్స్ ప్రాంతంలో ఇదే అత్యంత ఖరీదైన ఇల్లుగా నిలిచింది. గతంలో ప్రముఖ మీడియా అధినేత లాచ్లాన్ ముర్దోక్ 150 మిలియన్ డాలర్లు వెచ్చించి ఒక ఇంటిని కొనుగోలు చేశారు. బెజోస్ ఆ రికార్డును అధిగమించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఇంటి కోసం సిద్ధం ఇలా
సొంతిల్లు కొనాలనే ఆలోచనతో ఉన్నారా? మీ దగ్గర ఎంత డబ్బుంది? గృహరుణం ఎంత తీసుకోవాలి? ఇలాంటి లెక్కలన్నీ వేసుకున్నారా? ఈ సమయంలో తీసుకునే చిన్న జాగ్రత్తలతోనే లక్షల రూపాయలు ఆదా చేసుకునేందుకు మార్గం దొరుకుతుంది -
ఫిక్స్డ్ డిపాజిట్లు వడ్డీపై పన్ను పడకుండా...
బ్యాంకులో ఫిక్స్డ్ డిపాజిట్లు ఉన్నాయా? ఆదాయపు పన్ను పరిధిలో లేనప్పుడు మూలం వద్ద పన్ను కోత (టీడీఎస్) పడకుండా చూసుకుంటున్నారా? ఇందుకోసం ఏం చేయాలో తెలుసా? బ్యాంకు లేదా సంస్థల దగ్గర ఫారం 15జీ లేదా 15హెచ్ను సమర్పించాల్సి ఉంటుంది. అప్పుడే మీకు మూలం వద్ద పన్ను కోత విధించరు. -
జీవిత బీమా.. మీ బాధ్యతలను తీర్చేలా
మీ నెలవారీ ఆదాయం కిరాణా సామగ్రి, బిల్లులు చెల్లించడం, పిల్లల ఫీజులు, ఇతర ఖర్చులను తీర్చడంలో మీకు ఎలాంటి ఇబ్బందులూ రాకుండా చూసుకుంటుంది. మీ బడ్జెట్ ఖర్చులను పక్కన పెడితే.. మీ నెలవారీ ఆదాయంలో కొంత భాగాన్ని ఆరోగ్య అత్యవసర ఖర్చులు, పదవీ విరమణ ప్రణాళికలు, పిల్లల ఉన్నత విద్యలాంటి వాటి కోసం పొదుపు, మదుపు చేయాల్సిన అవసరమూ ఉంటుంది. -
బేరమాడితే తగ్గేను ప్రీమియం
కారు బీమా ఒక బాధ్యత. ఏడాదికోసారి దీన్ని పునరుద్ధరిస్తూనే ఉండాలి. అప్పుడే దీన్ని మీరు రోడ్డు మీద ఎలాంటి భయాలూ లేకుండా నడపగలరు. బీమా రక్షణ లేకుంటే.. అటు చట్టపరంగానూ, ఇటు ఆర్థికంగానూ చిక్కులు తప్పవు. -
నిఫ్టీ 50 షేర్లలో పెట్టుబడికి...
నవి మ్యూచువల్ ఫండ్ కొత్తగా ఒక నిఫ్టీ 50 ఈటీఎఫ్ పథకాన్ని తీసుకొచ్చింది. నవీ నిఫ్టీ 50 ఈటీఎఫ్ అనే ఈ పథకం ఎన్ఎఫ్ఓ నేటితో ముగియనుంది. ఎన్ఎఫ్ఓలో కనీస పెట్టుబడి రూ.250. ఓపెన్ ఎండెడ్ పథకం. -
Elon Musk: బాల్యంలో కష్టాలు పడ్డా.. వదంతులకు చెక్ పెడుతూ మస్క్ పోస్ట్
Elon Musk: ఎలాన్ మస్క్ ట్విటర్ వేదికగా అనేక విషయాలను పంచుకుంటుంటారు. అనేక మంది ట్వీట్లకు తన దైన శైలిలో స్పందిస్తుంటారు. ఇటీవల గనులపై వస్తున్న ఆరోపణలపై మరోసారి సుదీర్ఘ ట్వీట్ చేశారు. -
Mukesh Ambani: ముకేశ్ అంబానీ.. 20 ఏళ్ల ఇండస్ట్రీ
రిలయన్స్ ఇండస్ట్రీస్ విస్తరణలో ముకేశ్ అంబానీ కీలక పాత్ర పోషించారు. తండ్రి మరణం తర్వాత కంపెనీ బాధ్యతలు చేపట్టిన ఆయన సంస్థను అనేక రంగాలకు విస్తరించారు. -
Retirement: 50 ఏళ్లకే రిటైర్.. తర్వాత ఎలా? నితిన్ కామత్ సూచనలు
ఒకప్పటిలాగా 60 ఏళ్లు పనిచేసి, పదవీ విరమణ చేసే రోజులు కావివి. ఆధునిక యువత 50 ఏళ్లకే ఉద్యోగం మానేసి, తమకు నచ్చినట్లుగా జీవించేందుకు సిద్ధం అవుతున్నారు. వైద్యపరమైన పురోగతి కారణంగా ఆయుర్దాయం 80కి చేరింది. -
Nellore: చదువు మానేసి.. చాయ్తో రూ.5 కోట్లు
ఆంధ్రప్రదేశ్లోని నెల్లూరుకు చెందిన ఆ యువకుడు.. ఆస్ట్రేలియాలో ఓ దిగ్గజ యూనివర్సిటీలో బీబీఏ (బ్యాచిలర్స్ ఇన్ బిజినెస్ అడ్మినిస్ట్రేషన్) చదివి.. మంచి ఉద్యోగం చేయాలనే లక్ష్యంతో విమానం ఎక్కాడు. -
లక్ష కోట్లకు చేర్చిన ఉక్కు మహిళ!
తక్కువమంది ఎంచుకునే రంగంలో అడుగుపెట్టడానికి సంకోచించేవారే ఎక్కువ. అమ్మాయిలను చదివించడమే గొప్పనుకునే రోజుల్లో ఆ సాహసం చేశారు సోమ మోండల్. ఓ మహిళ.. నాయకురాలన్న ఊహే కష్టమైన వేళ ఆ స్థానాన్ని అధిరోహించారు. -
Zepto: చిటికేసి... వేల కోట్లు సృష్టించిన చిన్నోళ్లు!
ఇంకా వయసు 20 దాటలేదు... చదువు పూర్తి కాలేదు....అలాంటి వారు... అప్పటికే మార్కెట్లో 20 ఏళ్ల అనుభవమున్నవారిని ఇంటర్వ్యూ చేస్తుంటే వచ్చిన వారికి అనుమానం! ఈ కుర్రాళ్లా మా సామర్థ్యాన్ని నిర్ణయించేదని? వీళ్లా మాకు కొలువిచ్చేదని? ఆ -
Rakesh Jhunjhunwala: ఆయన జీవితమే ఓ ఆర్థిక మంత్రం..!
భారత స్టాక్ మార్కెట్ చరిత్రలో ఓ అధ్యాయం ముగిసింది. భారత్లో ఈక్విటీ మదుపర్లకు బెంచ్మార్క్గా చెప్పుకునే రాకేశ్ ఝున్ఝున్వాలా ఆదివారం ఉదయం కన్నుమూశారు. -
Savitri Jindal: ఆసియా సంపన్న మహిళ.. సావిత్రి జిందాల్
ఆసియాలోనే అత్యంత సంపన్న మహిళగా భారత్కు చెందిన సావిత్రి జిందాల్ అగ్రస్థానంలో నిలిచారు. జిందాల్ గ్రూప్ ఛైర్పర్సన్ అయిన ఆమె నికర సంపద 11.3 బిలియన్ -
తక్కువ నష్టానికీ వ్యూహాలు!
‘ప్రపంచమంతా అధిక ధరలతో.. ఆ ప్రభావం వల్ల ఏర్పడుతున్న మందగమనంలో నడుస్తోంది. ఈ నేపథ్యంలో, మదుపర్లు.. ముఖ్యంగా తొలిసారి డబ్బులు పెడుతున్నవారు తక్కువగా నష్టపోయే వ్యూహాన్ని అనుసరించాల’ని స్విస్ పెట్టుబడిదారు,‘ది గ్లూమ్ బూమ్ డూమ్’ ఎడిటర్ మార్క్ ఫాబర్ సూచిస్తున్నారు. ‘అమెరికాలో వడ్డీరేట్లు అధికంగా పెంచబోరని, 6 నెలల్లో తగ్గించడం ప్రారంభం కావచ్చ’ని వార్తా సంస్థ ‘ఇన్ఫామిస్ట్’కిచ్చిన ఇంటర్వ్యూలో పేర్కొన్నారు. ముఖ్యాంశాలివీ.. -
Gita Gopinath: ‘గీత’లు చెరిపేస్తూ.. మరో ఘనత సాధించిన గీతా గోపీనాథ్..!
ఈ ఏడాది ప్రారంభంలో అంతర్జాతీయ ద్రవ్యనిధి(IMF)కి డిప్యూటీ మేనేజింగ్ డైరెక్టర్గా నియమితులై రికార్డు సృష్టించారు భారత సంతతికి చెందిన గీతా గోపినాథ్. -
దాన లక్ష్ములు!
‘నా సంపదలో సగం దానం చేస్తా’ రెండేళ్ల క్రితం మెకంజీ స్కాట్ మాట ఇది! అన్నట్టుగానే ఏటా ఆమె దానాలతో అందర్నీ ఆశ్చర్యపరుస్తూ వచ్చారు. -
Microsoft India COO: జీవితం పిజ్జా లాంటిది.. ఆ ఐదూ ఉండాల్సిందే!
‘జీవితంలో ఎదగాలంటే నిత్య విద్యార్థిగా ఉండాల్సిందే!’ చాలామంది ప్రముఖులు ఆచరించే విజయసూత్రమిది. -
‘యూనికార్న్’ అంటే నమ్మలేకపోయా!
మహిళలు సాంకేతిక రంగంలో.. అదే విధంగా ఆర్థిక రంగంలో ఉండటం చూశాం. కానీ ఈ రెండూ కలగలసిన ఫిన్టెక్ రంగంలో మాత్రం చాలా అరుదు. -
జోడీ నెంబర్ 1
కంబైన్డ్ స్టడీతో మార్కులు కొల్లగొట్టిన విద్యార్థుల్ని చూశాం. సివిల్స్ సాధించిన భార్యాభర్తల గాథలు విన్నాం. -
ఆఫీసు బాయ్ నుంచి కోట్ల వ్యాపారం దాకా!
‘ఇది కాదు... ఇది కానే కాదు. నేను ఉండాల్సిన చోటు ఇది కాదు... నేను చేరుకోవాల్సిన గమ్యం ఇది కాదు... అందుకోవాల్సిన లక్ష్యం ఇంకా నా -
ఆ రోజు... చనిపోతాననుకున్నా!
గౌతమ్ అదానీ.. దేశంలోని అత్యంత ధనవంతుల జాబితాలో అంబానీతో పోటీపడుతున్న ఈ వ్యాపార దిగ్గజం అదానీ గ్రూప్ ఆఫ్ కంపెనీస్కు అధినేత.