Jio New prepaid plans: డిస్నీ+ హాట్‌స్టార్‌తో జియో కొత్త ప్రీపెయిడ్‌ ప్లాన్స్‌.. వివరాలివే

ఇంటర్నెట్‌ డెస్క్‌: ప్రముఖ టెలికాం సంస్థ రిలయన్స్ జియో (Jio prepaid plans) డిస్నీ+ హాట్‌స్టార్‌ (Disney+ hotstar) మొబైల్‌ సబ్‌స్క్రిప్షన్‌తో కూడిన మూడు కొత్త ప్రీపెయిడ్‌ ప్లాన్లను తీసుకొచ్చింది. వాటి ధరలను ₹333, ₹583, ₹783లుగా జియో పేర్కొంది. ఈ ప్లాన్లలో డిస్నీ హాట్‌స్టార్‌ సబ్‌స్క్రిప్షన్‌తో పాటు 1.5జీబీ డైలీ డేటా, అన్‌లిమిటెడ్‌ వాయిస్‌ కాలింగ్‌ వంటి సదుపాయాలు కూడా పొందొచ్చు. వీటితో పాటు రూ.151 విలువైన కొత్త డేటా యాడ్‌-ఆన్‌తో ప్యాక్‌ను సైతం జియో తీసుకొచ్చింది.

• ₹333 ప్లాన్‌ గడువు 28 రోజులు. రోజుకు 1.5 జీబీ డేటాతో పాటు అపరిమిత కాల్స్‌, రోజుకు 100 ఎస్సెమ్మెస్‌లు లభిస్తాయి. డిస్నీ+ హాట్‌స్టార్‌ మొబైల్‌ సబ్‌స్క్రిప్షన్‌ ఉచితంగా లభిస్తుంది.
• ₹583 ప్లాన్‌ గడువు 56 రోజులు. ఇందులో కూడా 1.5 జీబీ డేటా, అపరిమిత కాల్స్‌, డిస్నీ+హాట్‌స్టార్‌ మొబైల్‌ సబ్‌స్క్రిప్షన్‌ ఉంటుంది.
• ₹783 ప్లాన్‌ గడువు 84 రోజులు. 1.5 జీబీ డేటా, అపరిమిత కాల్స్‌, 100 ఎస్సెమ్మెస్‌లు, డిస్నీ+ హాట్‌స్టార్‌ మొబైల్‌ సబ్‌స్క్రిప్షన్‌ లభిస్తుంది.

ఈ మూడు ప్లాన్లలో జియో యాప్స్‌ ఉచితంగా లభిస్తాయి. అలాగే డేటా పరిమితి దాటిన తర్వాత ఇంటర్నెట్‌ వేగం 64 కేబీపీఎస్‌ మాత్రమే వస్తుంది. ఇక డిస్నీ+ హాట్‌స్టార్‌ సేవలు పొందాలంటే రీఛార్జి చేసిన నంబర్‌తో యాప్‌లో లాగిన్‌ అవ్వాల్సి ఉంటుంది. జియో నంబర్‌కు వచ్చిన ఓటీపీని ఎంటర్‌ చేయడం ద్వారా ప్రక్రియను పూర్తి చేయొచ్చు. మూడు నెలల సబ్‌స్క్రిప్షన్‌ను ఆనందించాలంటే ఏదైనా యాక్టివ్‌ ప్లాన్‌ను కలిగి ఉండాలి. అలాగే, ₹151 డేటా యాడ్‌-ఆన్‌ ప్లాన్‌తో 8జీబీ డేటా లభిస్తుంది. యాక్టివ్‌ ప్లాన్‌ గడువు పూర్తయ్యే వరకు ఈ ప్లాన్‌ పనిచేస్తుంది.