Jio offer: జియో ఫ్రీడమ్‌ ఆఫర్‌.. ₹2999 రీఛార్జిపై ₹3000 విలువైన కూపన్స్‌ ఫ్రీ!

Jio new prepaid plan: స్వాతంత్ర్య దినోత్సవ ఆఫర్‌ కింద .2999 రీఛార్జిపై ఏడాది వ్యాలిడిటీతో రూ.3వేలు విలువైన ప్రయోజనాలను కూపన్ల రూపంలో ప్రకటించింది.

Updated : 15 Aug 2022 11:36 IST

Jio new prepaid plan: ఏటా స్వాతంత్ర్య దినోత్సవాన్ని పురస్కరించుకుని కొత్త ప్లాన్‌ను తీసుకొచ్చే రిలయన్స్‌ జియో (Jio).. ఈసారి ఓ లాంగ్‌ టర్మ్‌ ప్లాన్‌ను ప్రకటించింది. స్వాతంత్ర్య దినోత్సవ ఆఫర్‌ కింద రూ.2999 రీఛార్జిపై ఏడాది వ్యాలిడిటీతో రూ.3వేలు విలువైన ప్రయోజనాలను కూపన్ల రూపంలో ప్రకటించింది. ఆగస్టు 9 నుంచి ఈ ప్లాన్‌ అందుబాటులోకి తీసుకొచ్చినట్లు జియో పేర్కొంది. ఏడాది వ్యాలిడిటీ ప్లాన్‌ కోసం చూసేవారు దీన్ని ఎంపిక చేసుకోవచ్చు.

ప్లాన్‌ విషయానికొస్తే.. రూ.2999తో రీఛార్జి చేసుకునే జియో ప్రీపెయిడ్‌ వినియోగదారులకు 365 రోజుల వ్యాలిడిటీ లభిస్తుంది. అన్‌లిమిటెడ్‌ కాల్స్‌, 100 ఎస్సెమ్మెస్‌లతో పాటు రోజుకు 2.5 జీబీ డేటా చొప్పున మొత్తం 912.5 జీబీ డేటా లభిస్తుంది. ఏడాది పాటు డిస్నీ+ హాట్‌స్టార్‌ మొబైల్‌ సబ్‌స్క్రిప్షన్‌ కూడా పొందొచ్చు. వీటితో పాటు రూ.750 చొప్పున అజియో, నెట్‌మెడ్స్‌, ఇక్సిగో కూపన్లను అందిస్తోంది. రూ.750 విలువైన 75జీబీ అదనపు డేటాను సైతం జియో తన యూజర్లకు ఇస్తోంది. ఆన్‌లైన్‌ లేదా ఆఫ్‌లైన్‌ ద్వారా రీఛార్జిపై ఈ ప్రయోజనాలను పొందొచ్చు. రీఛార్జి చేసిన 72 గంటల్లో మై జియో యాప్‌లో ఈ కూపన్లు కనిపిస్తాయి.

Also Read: టెలికాం కంపెనీల ప్రీపెయిడ్‌ ప్లాన్స్‌ ఇవిగో.. 

75జీబీ అదనపు డేటాను వినియోగదారుడు తనకు అవసరం అయినప్పుడు వాడుకోవచ్చు. నెట్‌మెడ్స్‌, అజియో, ఇక్సిగో కూపన్లను ఆయా వేదికలపై నిర్దేశిత మొత్తంలో కొనుగోళ్లపై రిడీమ్‌ చేసుకోవచ్చు. ఇప్పటికే జియో రెండు లాంగ్‌టర్మ్‌ ప్లాన్లను అందిస్తోంది. రూ.2879, రూ.2545 ప్లాన్లను కొంతకాలంగా కొనసాగిస్తోంది. రూ.2879 ప్లాన్‌పై 2జీబీ రోజువారీ డేటాతో పాటు జియో యాప్స్‌ను ఉచితంగా అందిస్తోంది. రూ.2545 రీఛార్జిపై 336 రోజుల వ్యాలిడిటీతో 1.5జీబీ చొప్పున డేటా అందిస్తోంది. ఈ రెండు ప్లాన్లకు డిస్నీ+ హాట్‌స్టార్ సబ్‌స్క్రిప్షన్‌ ఉండదు.

Read latest Business News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని