Plot Loan: ప్లాట్ లోన్.. ఇవన్నీ తెలుసుకున్న తర్వాతే..!
Plot Loan: ఇల్లు కట్టుకోవడానికి రుణం ఇచ్చినట్లుగానే.. ప్లాట్ కొనడానికి కూడా లోన్ ఇస్తారు. అయితే కొన్ని నిబంధనలు ఉంటాయి.
ఇంటర్నెట్ డెస్క్: ఇల్లు నిర్మించుకోవడానికి కావాల్సిన స్థలాన్ని కొనేందుకు కూడా బ్యాంకులు రుణాలు (Loans) ఇస్తాయి. వీటినే ప్లాట్ లోన్లు (Plot Loan) లేదా రియాల్టీ లోన్లు అని అంటుంటారు. ప్లాట్ ఉన్న స్థలం, రుణ గ్రహీత క్రెడిట్ చరిత్ర, వార్షికాదాయం, ఇప్పటికే ఉన్న రుణాల మొత్తం వంటి అంశాలను పరిగణనలోకి తీసుకొని బ్యాంకులు ఈ రుణాల (Loans)ను మంజూరు చేస్తాయి. గరిష్ఠంగా ప్లాట్ విలువలో 80 శాతం వరకు రుణంగా ఇస్తుంటాయి.
ఈ లోన్ నిబంధనలు బ్యాంకులను బట్టి మారుతుంటాయి. కొన్ని బ్యాంకులు వీటిని హోంలోన్ కిందే ఓ విభాగంగా పరిగణిస్తున్నాయి. మరికొన్ని బ్యాంకులు కచ్చితంగా ఇల్లు నిర్మిస్తామన్న హామీ ఇస్తేనే రుణాన్ని మంజూరు చేస్తాయి. ఎందుకంటే కొంత మంది తక్కువ వడ్డీరేటుతో వచ్చే ఈ రుణాన్ని తీసుకొని ప్లాట్ కొంటారు. తిరిగి కొన్నాళ్ల తర్వాత కొంత లాభంతో అమ్మేసి రుణాన్ని పూర్తిగా చెల్లించేస్తుంటారు. ఇది నిబంధనలకు విరుద్ధం. ఆర్బీఐ, ప్రభుత్వం ఇలాంటి రుణాలను అనుమతించడానికి ప్రధాన కారణం.. దేశంలో అందరికీ నివాస వసతి కల్పించడం. కానీ, దీన్ని దుర్వినియోగం చేస్తూ.. స్వలాభం కోసం తక్కువ వడ్డీ రుణాలను వాడుకోవడం చట్టవిరుద్ధమని నిపుణులు చెబుతున్నారు.
అన్నీ ధ్రువీకరించుకున్న తర్వాతే..
వేతన జీవులు, స్వయం ఉపాధి పొందుతున్న వారికి మాత్రమే బ్యాంకులు ప్లాట్ లోన్లను ఇస్తుంటాయి. ఎందుకంటే ఇవి చాలా రిస్క్తో కూడుకున్న రుణాలు. ప్లాట్ కొన్న తర్వాత బ్యాంకుకు సమాచారం లేకుండా నకిలీ పత్రాలను సృష్టించి విక్రయించడం వంటి ఉదంతాలు తరచుగా జరుగుతున్నాయి. అందుకే వీటి మంజూరులో బ్యాంకులు చాలా అప్రమత్తంగా ఉంటాయి. పైగా అన్ని రకాలుగా ధ్రువీకరించుకున్న తర్వాతే బ్యాంకులు ఈ లోన్ ఇస్తాయి. భూమికి సంబంధించిన టైటిల్ డీడ్, సేల్ డీడ్, నిరభ్యంతర ధ్రువపత్రాన్ని పరిశీలిస్తాయి.
ఎంత మొత్తం ఇస్తాయి?
ప్లాట్ విలువలో గరిష్ఠంగా 80 శాతం వరకు రుణాన్ని మంజూరు చేస్తాయి. ఇతర అంశాలనూ పరిగణనలోకి తీసుకుంటారు. ఎంత మొత్తం ఈఎంఐ చెల్లించగలరు? ఇప్పటికే ఏయే రుణాలున్నాయి? క్రెడిట్ హిస్టరీ, వార్షికాదాయం వంటి అంశాలను కూడా బ్యాంకులు లెక్కలోకి తీసుకుంటాయి. సేల్ డీడ్లో పేర్కొన్న ధరనే బ్యాంకులు ప్లాట్ విలువగా పరిగణనలోకి తీసుకుంటాయి. నిజానికి మార్కెట్ విలువ అంతకంటే ఎక్కువ ఉండే అవకాశం ఉంది. కొన్ని ప్రైవేటు బ్యాంకులు స్థలం ఉన్న ప్రదేశంలో మార్కెట్ విలువను లెక్కలోకి తీసుకుంటున్నాయి. దీనికోసం వారు వారి సొంత అధీకృత ఏజెన్సీల ద్వారా ప్లాట్ విలువను నిర్ధారిస్తాయి.
వడ్డీరేటు..
సాధారణంగా చాలా వరకు బ్యాంకులు గృహరుణ వడ్డీరేటునే ప్లాట్ లోన్కు వర్తింపజేస్తున్నాయి. ఇల్లు కట్టుకుంటారన్న నమ్మకంతోనే తక్కువ వడ్డీరేటును ఆఫర్ చేస్తుంటాయి. ఈ నేపథ్యంలో బ్యాంకులు ఇంటి నిర్మాణం పూర్తి కావడానికి కొంత గడువును విధిస్తాయి. ఆ సమయంలోగా పూర్తి చేసి సంబంధిత పత్రాలు సమర్పిస్తే తక్కువ వడ్డీరేటునే కొనసాగిస్తాయి. లేదంటే హోంలోన్ను సాధారణ రుణం కిందకు మార్చి వడ్డీరేటును వసూలు చేస్తాయి. పైగా లోన్ తీసుకున్నప్పటి నుంచి కొత్త రేటును వర్తింపజేసి ఆ మొత్తాన్ని లోన్కి జత చేస్తాయి.
ఒకవేళ మధ్యలోనే అమ్మేస్తే..
బ్యాంకు నిబంధనలు మాత్రం ప్లాట్ను మధ్యలో విక్రయించడానికి ఎట్టి పరిస్థితుల్లోనూ అనుమతించవు. అయితే, కొన్ని బ్యాంకులు కేవలం ప్లాట్ను కొనడానికి మాత్రమే అనే నిబంధన కింద లోన్ ఇస్తున్నాయి. అలాంటప్పుడు రుణదాత, గ్రహీత మధ్య కుదిరిన ఒప్పందంపై అమ్మడం ఆధారపడి ఉంటుంది. అలా కాకుండా సాధారణ ప్లాట్ లోన్ విషయంలో అయితే.. కచ్చితంగా ఇల్లు కట్టుకోవాల్సిందే. అయినప్పటికీ.. కొందరు బ్యాంకుల కళ్లుగప్పి అమ్మేస్తున్న ఉదంతాలు వెలుగులోకి వస్తున్నాయి. దీన్ని నివారించడం కోసం బ్యాంకులు సేల్ డీడ్ను హామీగా పెట్టుకుంటాయి. ఇది లేకుండా ప్లాట్ అమ్మడం కుదరదు. అయినప్పటికీ.. నకిలీ పత్రాల ద్వారా అమ్మేస్తే బ్యాంకులు చట్టరీత్యా చర్యలు తీసుకునేందుకు అవకాశం ఉంటుందని నిపుణులు చెబుతున్నారు. ఈ నేపథ్యంలో కచ్చితంగా ఇల్లు నిర్మించాలనుకుంటేనే ప్లాట్ లోన్ తీసుకోవాలని సూచిస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి.
తాజా వార్తలు (Latest News)
-
హైదరాబాద్ శివారులో వర్ష బీభత్సం.. శ్రీశైలం హైవేపై ట్రాఫిక్ జామ్
-
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
ఎన్నికల కోడ్ ఉల్లంఘనపై షర్మిలకు ఈసీ నోటీసులు
-
కావ్య బాధ.. శారీలో లావణ్య, మౌనీరాయ్
-
విప్రో క్యూ4 ఫలితాలు.. లాభంలో 8 శాతం క్షీణత