FDs: ఫిక్స్‌డ్‌ డిపాజిట్లపై వడ్డీ రేట్లను పెంచిన కోటక్‌ మహీంద్రా బ్యాంక్‌

 దిల్లీ: ఆర్‌బీఐ రెపో రేట్లను 25 బేసిస్‌ పాయింట్లు పెంచిన తర్వాత కోటక్‌ మహీంద్రా బ్యాంకు ఎంపిక చేసిన కాలపరిమితి ఫిక్స్‌డ్‌ డిపాజిట్లపై వడ్డీ రేట్లను 25 బేసిస్‌ పాయింట్ల వరకు పెంచింది. 180 నుంచి 363 రోజుల సాధారణ డిపాజిట్లపై 6%, 364 రోజుల డిపాజిట్‌పై 6.25%, 365 రోజుల నుంచి 389 రోజుల ఎఫ్‌డీపై 6.90%, 390 రోజుల నుంచి 2 సంవత్సరాల లోపు ఎఫ్‌డీలపై 7.10% వడ్డీ పొందొచ్చు. ఈ డిపాజిట్లన్నింటిలోనూ సీనియర్‌ సిటిజన్లు అదనంగా 0.50% వడ్డీ రేటును  పొందొచ్చు. అంటే సీనియర్‌ సిటిజన్లు ఈ బ్యాంకులో గరిష్ఠంగా 7.60% వడ్డీ రేటు వరకు పొందుతారు. ఈ కొత్త రేట్లు 2023 ఫిబ్రవరి 10 నుంచి అమల్లోకి వస్తాయి. సవరించిన వడ్డీ రేట్లు దేశీయ, ఎన్‌ఆర్‌ఓ, ఎన్‌ఆర్‌ఈ రూ.2 కోట్ల లోపు డిపాజిట్లకు వర్తిస్తాయి.