Interest Rates: ఎఫ్‌డీలపై వడ్డీ రేట్లను పెంచిన కోటక్‌ మహీంద్రా బ్యాంక్‌

దిల్లీ: ప్రముఖ ప్రైవేట్‌ రంగ బ్యాంకు, కోటక్‌ మహీంద్రా.. తమ ఎఫ్‌డీలపై వడ్డీ రేట్లను పెంచింది. 7-14 రోజుల ఎఫ్‌డీపై సాధారణ డిపాజిటర్లు కనిష్ఠంగా 2.75% వడ్డీని అందిస్తోంది. ఒక సంవత్సరం ఎఫ్‌డీపై 7% వడ్డీ లభిస్తుంది. 391 రోజుల నుంచి 23 నెలల లోపు ఎఫ్‌డీలపై సాధారణ డిపాజిటర్లు గరిష్ఠంగా 7.20% వడ్డీ రేటును పొందుతారు. ఇదే కాలవ్యవధుల డిపాజిట్లపై సీనియర్‌ సిటిజన్లు అదనంగా 0.50% వడ్డీ పొందుతారు. అంటే, సీనియర్‌ సిటిజన్లు కనిష్ఠంగా 3.25%, గరిష్ఠంగా 7.70% వరకు వడ్డీ రేటును పొందుతారు. ఈ బ్యాంకులో కనీస ఫిక్స్‌డ్‌ డిపాజిట్‌ రూ.5,000. పెంచిన వడ్డీ రేట్లు మార్చి 20 నుంచి అమల్లోకి వస్తాయి. రూ.2 కోట్ల లోపు డిపాజిట్లపై ఈ వడ్డీ రేట్లు వర్తిస్తాయి.