మ‌హీంద్రా ఫైనాన్స్‌ అధిక వ‌డ్డీ రేటు డిజిటల్ డిపాజిట్

మ‌హీంద్రా ఫైనాన్స్ 0.25% అధిక వ‌డ్డీ రేటుతో ప్ర‌త్యేక డిపాజిట్ ప‌థ‌కాన్ని ప్రారంభించింది. ఈ కంపెనీ డిజిట‌లైజేష‌న్ డ్రైవ్‌లో భాగంగా ప్ర‌త్యేకంగా త‌గిన‌ మొత్తంలో డిపాజిట్ చేసే సంప‌న్న డిపాజిటర్ల కోసం ఈ ప‌థ‌కాన్ని ప్ర‌వేశ‌పెట్టింది. నేటి డిజిట‌ల్ ప్ర‌పంచంలో డ‌బ్బు డిపాజిట్ చేసే మ‌దుపుదారులు త‌గిన సంస్థ‌ల/క‌ంపెనీల‌తో నేరుగా క‌లుసుకునే అవ‌కాశం ఉంద‌ని కంపెనీ తెలిపింది. ఈ అవ‌కాశాన్ని ఉప‌యోగించుకోవ‌డానికి ఈ ప‌థ‌కం ఎంత‌గానో దోహద పడుతుందని కంపెనీ ప్ర‌తినిధి తెలిపారు.

డిపాజిట‌ర్లు  వాయిదాల ప‌ద్ధ‌తిలో వ‌డ్డీ తీసుకోవ‌డానికి లేదా డిపాజిట్ మెచ్యూరిటీ అయిన త‌ర్వాత తీసుకోవ‌డానికి నాన్‌-క్యుములేటివ్, క్యుములేటివ్ ఎంపిక‌లు ఇందులో అందుబాటులో ఉన్నాయి. ఈ ప‌థ‌కం కంపెనీ ఇప్ప‌టికే అందిస్తున్న ప్ర‌స్తుత డిపాజిట్ ప‌థ‌కాల‌కు అద‌నం. ఈ ప్ర‌త్యేక డిపాజిట్ ప‌థ‌కం డిజిటల్ పద్ధతి లో కంపెనీ యొక్క బ‌హుళ ఆర్ధిక/పెట్టుబ‌డి పథకాలలో భాగం. మ‌హీంద్రా ఫైనాన్స్ ఫిక్స్‌డ్ డిపాజిట్ ప‌థ‌కాలు 'క్రిసిల్‌ FAAA' రేటింగ్ చేయ‌బ‌డ్డాయి. ఇది అత్య‌ధిక ఆర్ధిక భ‌ద్ర‌త‌ను సూచించే క్రెడిట్ రేటింగ్‌.

కంపెనీ వెబ్‌సైట్ ద్వారా ఈ డిపాజిట్ ప‌థ‌కాల‌ను అందిస్తుంది. ఈ ప‌థ‌కాల కింద మ‌దుపుదార్లు త‌మ పెట్టుబ‌డుల‌ను 30, 42 నెల‌ల కాల వ్య‌వ‌ధిలో డిపాజిట్ చేయ‌వ‌చ్చు. ఇది 6.20%, 6.50% వ‌డ్డీ రేట్ల‌ను క‌లిగి ఉంది.  ఇంకా సీనియ‌ర్ సిటిజ‌న్లు మ‌రో 0.20% అధిక వ‌డ్డీ రేట్లు పొందేందుకు అర్హులు.