Life Insurance: ఫోన్ పేలో..మ్యాక్స్ లైఫ్ స్మార్ట్ సెక్యూర్ ప్లాన్‌

డిజిట‌ల్‌పై అవ‌గాహ‌న ఉండి, డిజిట‌ల్ లో కొనుగోళ్లు ఇష్ట‌ప‌డే వినియోగ‌దారుల కోసం మ్యాక్స్ లైఫ్ స్మార్ట్ సెక్యూర్ ప్ల‌స్ ప్లాన్‌ను.. ఫోన్‌-పే భాగ‌స్వామ్యంతో మ్యాక్స్ లైఫ్ ఇన్సురెన్స్ లాంచ్ చేసింది. ఇది నాన్-లింక్డ్, నాన్-పార్టిసిటింగ్ ఇండివిడ్యువ‌ల్‌ ప్యూర్‌ రిస్క్ ప్రీమియం లైఫ్ ఇన్సురెన్స్‌ ప్లాన్. 

ఈ ప్లాన్‌తో ఫోన్ పే వినియోగ‌దారులు వారి కుటుంబం మొత్తానికి స‌మ‌గ్ర ఆర్థిక క‌వ‌రేజ్‌ను అందించ‌వ‌చ్చు. వార్షిక ప్రారంభ ప్రీమియం రూ. 4,426. రూ. 10 కోట్ల వ‌ర‌కు హామీ మొత్తాన్ని ఎంపిక చేసుకునే అవ‌కాశం ఉంది. ఎంచుకున్న హామీ మొత్తం, ఇత‌ర అంశాల‌ ఆధారంగా ప్రీమియం మారుతుంటుంది. ఫోన్‌పే యాప్ ద్వారా బీమాను విక్ర‌యించేందుకు ఐఆర్‌డీఏఐ నుంచి లైసెన్స్ పొందింది. ఫోన్‌పే యాప్ ద్వారా చాలా త‌క్కువ పేప‌ర్ వ‌ర్క్‌తోనే సుల‌భంగా కొనుగోలు చేయ‌వ‌చ్చ‌ని బీమా సంస్థ తెలిపింది. ప్ర‌స్తుతం ఉన్న డిజిటల్ ప్ర‌పంచంలో వినియోగ‌దారుల‌కు జీవిత‌ బీమా కొనుగోలు, క్లెయిమ్ ప‌రిష్కార ప్ర‌క్రియ‌ను సర‌ళీకృతం చేయ‌డంతో పాటు, ట‌ర్మ్ ప్లాన్ అధిక మొత్తం లో వినియోగదారులకు అందించడమే లక్ష్యమని సంస్థ ప్ర‌తినిధులు వెల్ల‌డించారు.