Meesho: తెలుగులో మీషో సేవలు.. మరో 7 ప్రాంతీయ భాషల్లోనూ!

Meesho: ప్రముఖ ఇ-కామర్స్‌ సంస్థ మీషో కొత్తగా మరో 8 భాషలను అందుబాటులోకి తీసుకొచ్చింది....

Published : 12 Aug 2022 14:10 IST

దిల్లీ: ప్రముఖ ఇ-కామర్స్‌ సంస్థ మీషో వినియోగదారులకు మరింత చేరువయ్యే దిశగా కీలక నిర్ణయం తీసుకుంది. తమ ప్లాట్‌ఫామ్‌పై కొత్తగా మరో 8 భాషలను అందుబాటులోకి తీసుకొచ్చింది. తెలుగు సహా బెంగాలీ, మరాఠీ, తమిళం, గుజరాతీ, కన్నడ, మలయాళం, ఒడియా భాషల్లోనూ మీషో సేవల్ని ఆనందించవచ్చు. ప్రాంతీయ భాషల్లో సేవల్ని కోరుకునే వినియోగదారులను లక్ష్యంగా చేసుకొని ఈ నిర్ణయం తీసుకున్నారు.

ఇకపై మీషో యూజర్లు తమ మాతృభాషలో ఉత్పత్తుల సమాచారాన్ని వీక్షించొచ్చు. చెల్లింపులు, ఆర్డర్ల స్థితి వంటి వివరాలను సైతం ఎంచుకున్న భాషలోనే తెలుసుకోవచ్చు. గత ఏడాదే మీషో హిందీని ప్రవేశపెట్టింది. దాదాపు 20 శాతం మంది ఈ భాషలో సేవల్ని పొందుతున్నారు. టైర్‌-2 పట్టణాలు సహా గ్రామీణ ప్రాంతాల యూజర్లకు చేరువకావడమే లక్ష్యంగా మీషో ఈ దిశగా అడుగులు వేస్తోంది.

Read latest Business News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts