Money tips: సంపాదన పెరిగినా.. అప్పుల భారం తగ్గించుకోలేకపోతున్నారా..?
సరైన ప్రణాళిక, ఖర్చుల పట్ల నియంత్రణ లేకపోతే సంపాదన పెరిగినా..అప్పులు మాత్రం తీర్చలేకపోవచ్చు. సరైన వ్యూహాన్ని అనుసరిస్తే తొందరగానే రుణ విముక్తులు కావచ్చు.
ఇంటర్నెట్ డెస్క్: అప్పు అనేది ఆర్థికంగానే కాదు.. మానసికంగానూ ఒత్తిడికి గురయ్యేలా చేస్తుంది. అందుకే అప్పు చేసినప్పుడు సాధ్యమైనంత త్వరగా చెల్లించి.. బయటపడాలని చూస్తుంటాం. ఒక్క రోజులోనే అప్పు చేయొచ్చు.. కానీ, ఒక్క రోజులోనే తిరిగి చెల్లించలేం. తీసుకున్న రుణం, ఆర్థిక స్థితిగతులను అనుసరించి.. తిరిగి చెల్లించేందుకు కొన్ని నెలల నుంచి, కొన్ని సంవత్సరాల సమయం పట్టొచ్చు. కొంతమంది సంపాదన పెరిగిన తర్వాత ఎక్కువ ఈఎంఐ చెల్లించి త్వరగా అప్పు నుంచి బయట పడదాం అనుకుంటారు. కానీ జీతం పెరిగినా, ఈఎంఐలు పెంచడంలో విఫలం అవుతుంటారు. దీనికి కారణం సరైన ప్రణాళిక, ఖర్చుల పట్ల నియంత్రణ లేకపోవడమే. సరైన వ్యూహాన్ని అనుసరిస్తే తొందరగానే రుణ విముక్తులు కావచ్చు.
ఆదాయం, ఖర్చులు..
ఒక నెలలో ఆర్జించిన మొత్తం ఆదాయం, ఖర్చు చేసిన మొత్తం ఒక చోట రాసుకుంటే.. ఒక నెల ఆదాయంలో ఎంత ఖర్చు చేస్తున్నారో తెలుస్తుంది. కాబట్టి ముందుగా 30 రోజుల మీ సంపాదన, ఖర్చుల జాబితాను రూపొందించండి. ప్రతి నెలా ఉండే తప్పనిసరి ఖర్చులను ఒకచోట, మిగిలినవి మరోచోట రాసుకోండి. అలాగే, కొన్ని ఖర్చులు ప్రతి నెలా ఉండకపోవచ్చు. కాబట్టి ప్రతి మూడు/ఆరు నెలలకు, ఏడాదికి ఒకసారి చెల్లించాల్సినవి జాబితా చేయండి. ఉదాహరణకు పిల్లల స్కూలు ఫీజు తీసుకంటే.. ఇది ప్రతి నెలా ఉండకపోవచ్చు. కొంత మంది ఏడాదికి ఒకసారి చెల్లిస్తే, మరికొందరు ఆరు నెలలకు, ఇంకొందరు మూడు నెలలకు చెల్లిస్తారు. కాబట్టి, ఇలాంటి వాటి కోసం జాబితాను తయారు చేయండి.
అవసరం కాకపోతే కట్ చేయండి..
కొన్నిసార్లు మనం తెలియకుండానే వృథా ఖర్చులు చేస్తుంటాం. చిన్న మొత్తమే కదా అని తేలిగ్గా తీసుకుంటాం. కానీ నెల చివరిలో చిన్న చిన్న ఖర్చులే ఆదాయాన్ని హరించి వేస్తాయి. ఉదాహరణకు కొందరు టీవీ సబ్స్క్రిప్షన్తో పాటు, వివిధ ఆన్లైన్ స్ట్రీమింగ్ సబ్స్క్రిప్షన్లు తీసుకుంటారు. కానీ, వాటిని నెలలో కొన్ని గంటలు కూడా చూడరు. మరి అలాంటప్పుడు డబ్బు వృథానే అవుతుంది. అలాగే బయటకు వెళ్లిన ప్రతిసారీ అవసరం లేకపోయినా షాపింగ్ చేయడం, డిస్కౌంట్లో వస్తుంది కదా అని అవసరం లేకపోయినా కొనుగోలు చేయడం, ఇవన్నీ అనవసరపు ఖర్చులే అవుతాయి. కాబట్టి ఖర్చుల జాబితాలో అనవసరమైన వాటిని కట్ చేయండి.
వాయిదా వేస్తే.. మరింత నష్టం
అనవసరపు ఖర్చులను వాయిదా వేయాలి. కానీ, కొన్నింటిని సమయానికి చెల్లించాలి. కరెంటు, ఫోన్, ఇతర బిల్లులు గడువు తేదీలోపు చెల్లించే అలవాటు చేసుకోవాలి.. లేకపోతే అపరాధ రుసుములు చెల్లించాల్సి వస్తుంది. చిన్న మొత్తాలే కదా అని కొందరు నిర్లక్ష్యం చేస్తుంటారు. కానీ, ఇది సరికాదు. అలాగే రుణ సంబంధిత ఈఎంఐలను ఆలస్యం చేసినా, దాటవేసినా బ్యాంకులు అపరాధ రుసుములు వసూలు చేస్తాయి. దీంతో మరింత భారం పెరుగుతుంది. అలాగే క్రెడిట్ స్కోరుపైనా దీని ప్రభావం పడుతుంది.
ఈఎంఐ చెల్లింపులు..
రుణం ఉన్నప్పుడు.. ఈఎంఐ చెల్లింపులకు మొదటి ప్రాధాన్యత ఉండాలి. ఇందుకోసం ఆటో-డెబిట్ ఆప్షన్ ఎంచుకోవచ్చు. ప్రతి నెలా జీతం ఖాతాలో పడిన ఒకటి, రెండు రోజుల్లోనే ఆటో-డెబిట్ ఆప్షన్తో ఈఎంఐ చెల్లించేలా ఏర్పాటు చేసుకోవాలి. ఈఎంఐ సరైన సమయానికి చెల్లించడం వల్ల పెనాల్టీలు, అదనపు ఛార్జీలు పడకుండా ఉంటాయి. అలాగే, క్రెడిట్ స్కోరు పెరుగుతూ ఉంటుంది.
క్రెడిట్ కార్డు ఉంటే..
క్రెడిట్ కార్డు వినియోగిస్తున్నవారు.. గడువు తేదీకి ముందుగానే బకాయి ఉన్న మొత్తాన్ని చెల్లించేలా ఏర్పాటు చేసుకోవాలి. కనీస మొత్తాన్ని చెల్లించి మిగిలిన మొత్తాన్ని తర్వాతి నెలకు బదిలీ చేయడం వంటి వాటికి దూరంగా ఉండాలి. అలాగే, క్రెడిట్ కార్డు ద్వారా నగదు విత్డ్రా చేసుకోవడం వంటివి చేయకూడదు.
సరైన రుణ చెల్లింపుల వ్యూహం ఉండాలి..
- ఇప్పటికే ఎక్కువ సంఖ్యలో ఎక్కువ మొత్తంలో రుణాలు ఉన్నవారు, చెల్లింపులకు తగిన వ్యూహాన్ని ఎంచుకోవాలి.
- ఇప్పటికే రుణాలు ఉన్నవారు కొత్త రుణాన్ని తీసుకోవడాన్ని నివారించాలి.
- ఎక్కువ రుణాలు ఉన్నప్పుడు.. ఖర్చుల నియంత్రణలో కఠినంగా వ్యవహరించాల్సి ఉంటుంది. అప్పుడే ఈఎంఐ చెల్లింపులను పెంచగలుగుతారు.
- ఈఎంఐలు చెల్లించడం కష్టంగా ఉన్నట్లయితే.. పెట్టుబడులను లేదా ఆదాయం లేని ఆస్తులు విక్రయించి రుణ చెల్లింపుల కోసం వినియోగించవచ్చు.
- బోనస్, జీతం ఇంక్రిమెంట్ లేదా ఇతర మార్గాల ద్వారా ఆదాయం వచ్చినప్పుడు వాటిని రుణ చెల్లింపుల కోసం వినియోగించవచ్చు.
- క్రెడిట్ కార్డు వంటి రుణాలపై వడ్డీ రేటు ఎక్కువగా ఉంటుంది. కాబట్టి సాధ్యమైనంత వరకు వాటికి దూరంగా ఉండాలి. ఒకవేళ ఇప్పటికే ఉంటే ముందు వాటిని క్లియర్ చేసేందుకు ప్రయత్నించాలి.
- చిన్న మొత్తాల్లో ఎక్కువ సంఖ్యలో స్వల్పకాలిక రుణాలు ఉంటే ఈఎంఐ చెల్లింపుల్లో గందరగోళం ఏర్పడే అవకాశం ఉంటుంది. కాబట్టి ముందుగా వీటిని క్లియర్ చేసుకోవడం మంచిది.
- ఇప్పటికే గృహ రుణం ఉన్నవారు.. టాప్-అప్ లోన్ తీసుకుని చిన్న చిన్న రుణాలను క్లియర్ చేసుకుని.. ఒకటే ఈఎంఐ ఉండేలా చేసుకోవచ్చు.
చివరిగా..
క్రమశిక్షణతో, సరైన ప్రణాళికతో వ్యవహరిస్తే రుణ భారం నుంచి తొందరగానే బయటపడొచ్చు. కాబట్టి ప్రస్తుతం మీకు ఉన్న రుణాలను అనుసరించి సరైన ప్రణాళికతో చెల్లింపులు చేయండి. ఎక్కువ మొత్తంలో రుణాలు ఉన్నవారు.. టర్మ్ బీమా హామీ మొత్తం కూడా ఎక్కువగానే ఉండేలా చేసుకోవడం మంచిది. ఇది మీరు లేనప్పుడు రుణ భారం కుటుంబ సభ్యులపై పడకుండా రక్షణను అందిస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి. -
పొదుపు ఖాతాలో ఎంత డబ్బు ఉండాలి?
వ్యక్తిగత ఆర్థిక విషయాల్లో పొదుపు ఖాతాకు ఒక ప్రత్యేక స్థానం ఉంది. మనం చేసే ఆదాయ-వ్యయాలన్నింటికీ ఆధారం ఇదే. బ్యాంకు, మీరు ఎంచుకున్న ఖాతా రకాన్ని బట్టి, ఇందులో కనీస నిల్వ ఎంత ఉండాలన్నది ఆధారపడి ఉంటుంది. వేతనం ఖాతాలో సున్నా నిల్వ ఉన్నా ఇబ్బందేమీ ఉండదు.