ఐదేళ్ల త‌ర్వాత పీఎఫ్‌ఫై ప‌న్ను లేదు

నేను సంస్థ A లో 5 ఏళ్ళు పనిచేసి , ఆ తరువాత సంస్థ B లో చేరాను. సంస్థ A నుంచి నా ప్రావిడెంట్ ఫండ్ మొత్తాన్ని సంస్థ B కి మార్చుకున్నాను. సంస్థ B లో 5 ఏళ్ల కన్నా తక్కువ కాలం పనిచేసి మానేశాను. ఇప్పుడు నేను నా మొత్తం పీ ఎఫ్ డబ్బులు ఉపసంహరించుకుంటే , మొత్తం మీదా పన్ను వర్తిస్తుందా (సంస్థ A తాలూకు పీఎఫ్ తో కలిపి)?

జవాబు : ఆదాయపు పన్ను చట్టం సెక్షన్ 10(12) (షెడ్యూల్ 4 లోని రూల్ 8 ) ద్వారా , మీరు 5 ఏళ్ళు అంతకంటే ఎక్కువ కాలం నిరంతరం పనిచేసి ఉండి , ఆ తరువాత ఉద్యోగం మానివేసిన నాటికి మీ పీఎఫ్ ఖాతాలో ఉన్న నిల్వను ఉపసంహరించుకుంటే , ఎటువంటి పన్ను వర్తించదు .

ఒక ఉద్యోగి వివిధ సంస్థలలో పనిచేసి, గత సంస్థల నుంచి పీఎఫ్ మొత్తాన్ని చివరిగా పనిచేసిన సంస్థకు బదిలీ చేసుకుని ఉంటే , 5 లేదా అంతకంటే ఎక్కువ ఏళ్ళు నిరంతరంగా పనిచేసిన కాలాన్ని లెక్కించేందుకు , అన్ని సంస్థలలో పనిచేసిన ఏళ్లను లెక్కలోకి తీసుకుంటారు. మీ విషయంలో సంస్థ B నుంచి కూడా ఉద్యోగ మానివేసి , పీఎఫ్ ఖాతాలో ఉన్న నిల్వను ఉపసంహరించుకుంటే పన్ను వర్తించదు . ఎందుకంటే మీ మొత్తం పనిచేసి కాలం 5 ఏళ్ల కన్నా ఎక్కువగానే వుంది . అయితే, ఆ తరువాత జమ అయ్యే మొత్తాలకు పన్ను వర్తిస్తుంది