NPS చందాదారుల‌కు అల‌ర్ట్‌.. ఇక‌పై UPI ద్వారా పేమెంట్స్

ఇక‌పై మీ పెట్టుబ‌డుల‌ను యూపీఐ (యూనిఫైడ్ పేమెంట్స్ ఇంట‌ర్‌ఫేజ్‌) ద్వారా చేయ‌వ‌చ్చు.

Published : 13 Aug 2022 12:56 IST

ఇంటర్నెట్‌ డెస్క్‌: మీరు ఎన్‌పీఎస్ (NPS) చందాదారులా? అయితే, ఇక‌పై మీ పెట్టుబ‌డుల‌ను యూనిఫైడ్ పేమెంట్స్ ఇంట‌ర్‌ఫేజ్‌ (UPI) ద్వారా కూడా చేయొచ్చు. చందాదారులకు ప్ర‌యోజ‌నం చేకూర్చేందుకు ఈ విధానాన్ని ప్ర‌వేశ‌పెట్టిన‌ట్లు పెన్ష‌న్ ఫండ్ నియంత్ర‌ణ‌, అభివృద్ధి సంస్థ (PFRDA) తెలిపింది. ప్ర‌స్తుతం చందాదారులు ఇంట‌ర్నెట్‌ బ్యాంకింగ్‌ మాధ్యమాలైన‌ IMPS, NEFT, RTGS ద్వారా కాంట్రిబ్యూట్ చేస్తున్నారు. ఇప్పుడు దేశీయ ఇన్‌స్టంట్‌ రియ‌ల్-టైమ్ పేమెంట్స్ సిస్ట‌మ్‌ UPI ద్వారా కూడా చందాదారులు మ‌రింత సుల‌భంగా, వేగంగా, స‌ర‌ళంగా పెట్టుబ‌డులు పెట్టొచ్చు.

ఇందుకోసం యూపీఐ హ్యాండిల్‌ (PFRDA.15digitVirtualAccount@axisbank)ను కొత్త‌గా అందుబాటులోకి తెచ్చారు. అలాగే డీ-రెమిట్ వర్చువ‌ల్ అకౌంట్, అనుబంధిత శాశ్వత ఖాతా సంఖ్య (PRAN)కి భిన్నంగా ఉంటుంది. ఇది 6001 లేదా 6002 నుంచి ప్రారంభ‌మ‌వుతుంద‌ని పీఎఫ్ఆర్‌డీఏ తెలియజేసింది. అలాగే, టైర్ I & II ఖాతాల‌కి కూడా డీ-రెమిట్ వర్చువల్ ఖాతా సంఖ్య వేరు వేరుగా ఉంటుంది. ఈ యూపీఐ ఫీచ‌ర్ ద్వారా ఖాతాదారులు NPS స్కీమ్ పెట్టుబ‌డుల‌ను ఒకే రోజులో పూర్తిచేయొచ్చు.

డీ-రెమిట్ కాంట్రిబ్యూష‌న్లు ట్ర‌స్టీ బ్యాంక్ ఉద‌యం 09:30 ముందే స్వీక‌రించిన‌ట్ల‌యితే అదే రోజు పెట్టుబ‌డులు పెట్టిన‌ట్లుగా ప‌రిగ‌ణిస్తారు. ఒక‌వేళ ఉద‌యం 09:30 త‌ర్వాత కాంట్రిష‌న్ల‌ను ట్ర‌స్టీ బ్యాంక్ స్వీక‌రిస్తే వాటిని త‌ర్వాతి రోజు పెట్టుబ‌డులుగా ప‌రిగ‌ణిస్తార‌ని పీఎఫ్ఆర్‌డీఏ మార్గ‌ద‌ర్శకాల‌లో తెలిపింది. అంతే కాకుండా యూపీఐ హ్యాండిల్ పిరియాడిక‌ల్ (నెల‌వారీ, త్రైమాసిక‌, అర్ధవార్షిక‌.. మొద‌లైన‌) ఆటో డెబిట్ ప్ర‌యోజ‌నాన్ని అందిస్తుంది.

డీ-రెమిట్ కింద కాంట్రిబ్యూట్‌ చేసే క‌నీస మొత్తం రూ.500 లేదా అంత‌కంటే ఎక్కువ ఉండాలి. అందువ‌ల్ల యూపీఐ ఆధారిత డిపాజిట్లు రూ.500 కంటే తక్కువ ఉంటే వాటిని ఆమోదించ‌రు. ట్ర‌స్టీ బ్యాంకుకి తిరిగి పంపిస్తారు. ఒక‌వేళ చందాదారులు స్తంభించిన/క్రియారహితంగా ఉన్న ప్రాన్‌ల కోసం కాంట్రిబ్యూట్ చేసిన‌ట్లు సెంట్ర‌ల్ రికార్డు కీపింగ్ ఏజ‌న్సీ (CRA) నిర్ధారిస్తే అటువంటి చెల్లింపుల‌ను కూడా తిరిగి ట్రస్టీ బ్యాంకుకి పంపిస్తారు.

యూపీఐ హ్యాండిల్ వినియోగం ఇలా..

  • స్టెప్ - 1: ముందుగా సీఆర్‌ఏ సిస్ట‌మ్ వెబ్‌సైట్‌లో అందుబాటులో ఉండే E-NPS పేజీని ఓపెన్ చేయండి.
  • స్టెప్‌ - 2: ప్రాన్ నంబ‌రు వెరిఫై చేసేందుకు ఇక్క‌డ ప్రాన్ నంబ‌రు, పుట్టిన తేదీ త‌దిత‌ర వివరాలను ఇచ్చి వెరిఫై పై క్లిక్ చేయాలి.
  • స్టెప్ - 3: మీ మొబైల్‌ నంబ‌రు/ఈ-మెయిల్ ఐడీకి ఓటీపీ వ‌స్తుంది. దాన్ని స‌బ్మిట్ చేయాలి.
  • స్టెప్ - 4: మీరు టైర్ I లేదా టైర్ II ఖాతాల‌లో దేనికి వర్చువ‌ల్ అకౌంట్‌ను కావాలనుకుంటున్నారో ఎంచుకోండి.
  • స్టెప్ - 5: ఇక్క‌డ ఇచ్చిన వివ‌రాల‌ను పూర్తిగా చ‌దివి మీ స‌మ్మ‌తి తెలియ‌జేయండి. 
  • స్టెప్ - 6: ఆ త‌ర్వాత జన‌రేట్ వర్చువ‌ల్ అకౌంట్‌పై క్లిక్ చేయాలి. ఇది పూర్తి చేసిన త‌ర్వాత మీ అభ్య‌ర్థ‌న ట్ర‌స్టీ బ్యాంకుకి ఫార్వ‌ర్డ్ అవుతుంది. ఇక్క‌డ ఎక్‌నాలెడ్జ్‌మెంట్‌ నంబ‌ర్‌ కనిపిస్తుంది. టైర్ I, టైర్ II ఖాతాల‌కు విడివిడిగా నంబ‌రు జనరేట్‌ అవుతుంది.
  • స్టెప్ - 7: ప్రాన్‌కి నిధుల‌ను పంపించ‌డం కోసం యూపీఐ హ్యాండిల్లో 15 అంకెల వర్చువ‌ల్ అకౌంట్ నంబ‌రును ఇక్కడ తెలిపిన ఫార్మాట్‌ PFRDA.15digitVirtualAccount@axisbankలో న‌మోదు చేయాలి.
  • స్టెప్ - 8: ఏదైనా ప‌నిదినాల్లో ఉద‌యం 9:30లోపు నిధుల‌ను పంపితే అదే రోజు NAV (నెట్ ఎసెట్ వాల్యూ)తో లెక్క‌లోకి తీసుకుంటారు. ఒక‌వేళ ఉద‌యం 9:30 దాటిన త‌ర్వాత అయితే, త‌ర్వాతి రోజు పెట్టుబ‌డులు పెట్టిన‌ట్లు చూపిస్తుంది.
Read latest Business News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని