Ola scooter: ఓలా ఎల‌క్ట్రిక్ స్కూట‌ర్ల డెలివ‌రీ షురూ.. ఈ రాష్ట్రంలోనే చవక!

ఇంటర్నెట్‌ డెస్క్‌: ఎల‌క్ట్రిక్ స్కూట‌ర్ల బుకింగ్ విష‌యంలో మొద‌టి నుంచి సంచ‌ల‌నం సృష్టిస్తున్న ఓలా ఎస్‌1, ఎస్‌1 ప్రో ఎల‌క్ట్రిక్ స్కూట‌ర్ డెలివ‌రీలు డిసెంబ‌ర్ 15 నుంచి ప్రారంభం అయ్యాయి.  ఎస్‌1, ఎస్‌1 ప్రో ఎల‌క్ట్రిక్ స్కూట‌ర్ల ఎక్స్-షోరూమ్ ధ‌ర‌లు రూ. 99,999, రూ. 1,29,999గా ఉండ‌గా.. అధికారికంగా విడుదల చేసిన 4 నెల‌ల త‌ర్వాత ఎట్ట‌కేల‌కు వీటి డెలివరీలను ఓలా ప్రారంభించింది. ఈ స్కూట‌ర్లు లాంచ్ కాక‌ముందే కేవ‌లం 24 గంట‌ల్లోనే ఒక ల‌క్ష‌కు పైగా ప్రీ-బుక్ అయ్యాయి. కొన్ని సాంకేతిక కార‌ణాల వ‌ల్ల డెలివ‌రీలు ఆలస్యం జరిగిన విషయం తెలిసిందే. కంపెనీ బెంగళూరులో మొద‌టి 50 మంది వినియోగ‌దారుల కోసం ప్ర‌త్యేక డెలివ‌రీ ఈవెంట్‌ను కూడా నిర్వ‌హిస్తోంది.

4.40 - 6.30 గంట‌ల్లో స్కూట‌ర్‌ బ్యాట‌రీలు పూర్తి ఛార్జ్‌ అవుతాయి. పోర్ట‌బుల్ హోమ్ చార్జ‌ర్ కూడా డెలివ‌రీ సమయంలో ఇస్తారు. ఓలా ఎస్‌1, ఎస్‌1 ప్రో గంట‌కు 90 కి.మీ, 115 కి.మీ గ‌రిష్ఠ వేగంతో వెళతాయి. ఈ స్కూట‌ర్ల ధ‌ర‌లు ఫేమ్‌-II స‌బ్సిడీతో స‌హా ఎక్స్‌-షోరూమ్ ధ‌ర‌లు రాష్ట్రాలు ఇచ్చే స‌బ్సిడినీ బ‌ట్టి మారే (త‌గ్గే) అవ‌కాశ‌ముంది. మిగ‌తా రాష్ట్రాల‌తో పోలిస్తే గుజ‌రాత్‌లో ఈ స్కూట‌ర్ ధ‌ర‌లు అత్య‌ల్పంగా ఉన్నాయి. కొన్ని రాష్ట్రాల్లో ప్రకటించిన ధరలు దిగువ టేబుల్‌లో ఇస్తున్నాం.