Air India: వచ్చే 15 నెలల్లో ఎయిరిండియా సేవల్లోకి మరో 30 విమానాలు

దిల్లీ: టాటా గ్రూప్‌ యాజమాన్యంలోని విమానయాన సంస్థ ఎయిరిండియా దేశీయ, అంతర్జాతీయ సేవల్ని మరింత విస్తరించే యోచనలో ఉంది. అందులో భాగంగా ఈ ఏడాది డిసెంబరు నుంచి క్రమంగా 30 కొత్త విమానాలను సేవల్లో చేర్చనున్నట్లు సోమవారం ప్రకటించింది. వీటిలో ఐదు బోయింగ్‌ పెద్ద విమానాలు, 25 ఎయిర్‌బస్‌ చిన్న విమానాలు ఉండనున్నట్లు తెలిపింది. ఈ మేరకు ఇప్పటికే ఆయా కంపెనీలతో లీజు ఒప్పందాలపై సంతకాలు చేసినట్లు వెల్లడించింది. 

ఈ కొత్త వాటి చేరికతో ఎయిరిండియా వద్ద ఉన్న మొత్తం విమానాల సంఖ్య మరో 25 శాతం పెరుగుతుందని కంపెనీ తెలిపింది. సంస్థ లీజుకు తీసుకొన్న వాటిలో 21 ఎయిర్‌బస్‌ ఏ320 నియోస్‌, 4 ఎయిర్‌బస్‌ ఏ321, ఐదు బోయింగ్‌ బీ777-200ఎల్‌ఆర్‌ విమానాలు ఉండనున్నట్లు పేర్కొంది. బోయింగ్‌ విమానాలు 2022 డిసెంబరు నుంచి 2023 మార్చి మధ్య సేవల్లో చేరనున్నట్లు తెలిపింది. కొత్త వాటిని భారత్‌లో వివిధ మెట్రో నగరాల నుంచి అమెరికాకు వెళ్లే మార్గాల్లో నడపనున్నట్లు వెల్లడించింది.