LPG: వాణిజ్య ఎల్‌పీజీ సిలిండర్‌ ధర పెంపు..!

ఇంటర్నెట్‌డెస్క్‌: నూతన సంవత్సరం తొలిరోజే చమురు మార్కెటింగ్‌ కంపెనీలు 19 కేజీల వాణిజ్య ఎల్‌పీజీ సిలిండర్‌ ధర(LPG price)ను రూ.25 పెంచాయి. ఇది దేశవ్యాప్తంగా అమల్లోకి వచ్చింది. దీంతో వాణిజ్య సిలిండర్‌ ధర దిల్లీలో రూ.1768, ముంబయిలో రూ.1,721, కోల్‌కతాలో రూ.1,870, చెన్నైలో రూ. 1,971కి చేరుకొన్నాయి. తాజా పెంపు ప్రభావం రెస్టారెంట్లు ఇతర వాణిజ్య సంస్థలపై పడనుంది.

ఇక గృహాల్లో వినియోగించే సిలిండర్‌ ధర(LPG price)ల్లో ఏ మార్పులు చేయలేదు. హైదరాబాద్‌లో వాణిజ్య సిలిండర్‌ ధర రూ.1973కు చేరింది. నగరంలో 14.2 కేజీల డొమెస్టిక్‌ గ్యాస్ సిలిండర్‌ ధర రూ.1,105గా ఉంది. ఈ విభాగంలో నవంబర్‌, డిసెంబర్‌ ధరల్లో ఎటువంటి మార్పు రాలేదు. గతేడాది జనవరిలో రూ.952 సిలిండర్‌ ధర డిసెంబర్‌ నాటికి రూ.1,105కు చేరుకొంది.