Updated : 26 Jul 2022 21:37 IST

Unclaimed deposits: బ్యాంకుల వద్ద అన్‌క్లెయిమ్డ్‌ డిపాజిట్లు ఎన్నో తెలుసా?

ముంబయి: దేశవ్యాప్తంగా బ్యాంకుల్లో ఎవరూ క్లెయిమ్‌ చేయని డిపాజిట్లు (Unclaimed deposits) పెరుగుతున్నాయి. గతేడాది ₹39,264 కోట్లుగా ఉన్న ఈ మొత్తం ప్రస్తుత ఆర్థిక సంవత్సరంలో ₹48,264 కోట్లకు చేరింది. వార్షిక నివేదికలో ఈ విషయాన్ని ఆర్‌బీఐ (RBI) ఇటీవల వెల్లడించింది. ఈ క్రమంలో అన్‌క్లెయిమ్డ్‌ డిపాజిట్‌ మొత్తాలను క్లెయిమ్‌ చేసుకోవాలని సూచిస్తూ ఆర్‌బీఐ జాతీయ స్థాయిలో క్యాంపెయిన్‌ నిర్వహించనుంది. అన్‌క్లెయిమ్డ్‌ డిపాజిట్లు 8 రాష్ట్రాల్లో అధికంగా ఉన్నట్లు ఆర్‌బీఐ తెలిపింది. తమిళనాడు, పంజాబ్‌, గుజరాత్‌, మహారాష్ట్ర, బెంగాల్‌, కర్ణాటక, బిహార్‌, తెలంగాణ/ఏపీ ఈ జాబితాలో ఉన్నాయి. క్యాంపెయిన్‌లో భాగంగా ఈ 8 రాష్ట్రాల్లో స్థానిక భాషలతో పాటు హిందీ, ఇంగ్లీష్‌లో సైతం  ఆర్‌బీఐ ప్రచారం నిర్వహించనుంది. 

ఆర్‌బీఐ నిబంధనల ప్రకారం.. సేవింగ్స్‌/ కరెంట్‌ అకౌంట్‌లో ఉండే మొత్తాలను 10 ఏళ్ల పాటు నిర్వహించకపోతే దాన్ని అన్‌క్లెయిమ్డ్‌ డిపాజిట్లుగా పేర్కొంటారు. మెచ్యూరిటీ పూర్తయ్యి 10 ఏళ్లు అయినా టర్మ్‌ డిపాజిట్‌ మొత్తాలు క్లెయిమ్‌ చేయకపోతే వాటినీ అన్‌క్లెయిమ్డ్‌గానే పరిగణిస్తారు. ఈ మొత్తాన్ని ఆర్‌బీఐ నిర్వహించే ‘డిపాజిటర్‌ ఎడ్యుకేషన్‌ అండ్‌ అవేర్‌నెస్‌ ఫండ్‌’కు తరలిస్తారు.

సేవింగ్స్‌ ఖాతాలు, కరెంట్‌ ఖాతాలు క్లోజ్‌ చేయకపోవడం, ఖాతాలను నిర్వహించలేకపోవడం, డిపాజిటర్‌ ప్రాణాలు కోల్పోయిన సందర్భాల్లో అతడి వారసులు గానీ, చట్టబద్ధ వారసులుగానీ ఆ మొత్తాన్ని క్లెయిమ్‌ చేయని కారణంగా అన్‌క్లెయిమ్డ్‌ డిపాజిట్‌ మొత్తాలు పెరిగిపోతున్నట్లు ఆర్‌బీఐ విశ్లేషించింది. అన్‌క్లెయిమ్డ్‌ డిపాజిట్లుగా గుర్తించినప్పటికీ డిపాజిటర్లు గానీ, అతడి వారసులు/ చట్టబద్ధ వారసులు ఆ మొత్తాన్ని వడ్డీతో సహా పొందే వీలుంది. ఈ ఉద్దేశంతోనే క్యాంపెయిన్‌ నిర్వహించనున్నట్లు ఆర్‌బీఐ పేర్కొంది.

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని