Home Loan: రెగ్యులర్ ఈఎంఐ vs ప్రీ- ఈఎంఐ ఏది మేలు?
నిర్మాణంలో ఉన్న ఇంటిని కొనుగోలు చేసినప్పుడు ప్రీ-ఈఎంఐ ఆప్షన్ అందుబాటులో ఉంటుంది.
ఇంటర్నెట్ డెస్క్: గృహ రుణం (Home loan) తీసుకున్నప్పుడు చెల్లింపుల్లో ఈఎంఐ (EMI) ఆప్షన్ ఉంటుంది. నిర్మాణంలో ఉన్న ఇంటి విషయంలో ప్రీ-ఈఎంఐ (Pre- EMI) ఆప్షన్ ఉంటుంది. అసలు ప్రీ ఈఎంఐ అంటే ఏంటి? రెగ్యులర్ ఈఎంఐకి, ప్రీ ఈఎంఐకి వ్యత్యాసం ఏంటి? రెండింటిలో ఏది ఎంచుకోవడం ప్రయోజనకరం? తదితర విషయాలను తెలుసుకుందాం.
రెగ్యులర్ ఈఎంఐ..
గృహ రుణాన్ని నెలవారీ సమాన వాయిదాల రూపంలో చెల్లించవచ్చు. రుణ మొత్తానికి సంబంధించిన అసలు, వడ్డీ మొత్తాలను కలిపి లెక్కించి, ఎంచుకున్న కాలపరిమితితో పాటు నెలవారీగా స్థిర మొత్తాన్ని చెల్లించేలా ఏర్పాటు చేస్తారు. దీన్నే ఈఎంఐ అంటారు.
ప్రీ-ఈఎంఐ అంటే..?
నిర్మాణంలో ఉన్న ఇంటిని కొనుగోలు చేసినప్పుడు ప్రీ-ఈఎంఐ ప్రస్తావన వస్తుంది. నిర్మాణంలో ఉన్న ఇంటికి చెల్లించే ఈఎంఐ మొదట్లో మీరు ఊహించిన దానికంటే తక్కువ ఉంటుంది. దీనికి కారణం ఆ సమయంలో చెల్లించే ఈఎంఐలో వడ్డీ మాత్రమే ఉంటుంది. అసలు ఉండదు. దీన్నే ప్రీ-ఈఎంఐ అంటారు. ఒకసారి నిర్మాణం పూర్తయిన తర్వాత ప్రీ-ఈఎంఐ పేమెంట్లు ముగిసి అసలుతో కూడిన రెగ్యులర్ ఈఎంఐలు ప్రారంభమవుతాయి.
ఉదాహరణకు మీరు నిర్మాణంలోని ఇంటిని 20 ఏళ్ల కాలపరిమితితో కొనుగోలు చేశారనుకుందాం. నిర్మాణం పూర్తయ్యేందుకు 4 ఏళ్లు సమయం పడుతుందని అనుకుందాం. ఇప్పుడు మీరు నిర్మాణం పూర్తయ్యే వరకు, అంటే నాలుగేళ్ల పాటు వడ్డీ మాత్రమే చెల్లిస్తారు. అసలు అలాగే ఉంటుంది. ఆ తర్వాత 20 ఏళ్ల పాటు రెగ్యులర్ ఈఎంఐ చెల్లించాలి. అంటే గృహ రుణం పూర్తయ్యే సరికి 24 ఏళ్ల కాలం పడుతుంది.
ప్రీ-ఈఎంఐ ప్రయోజనకరమేనా?
ప్రీ-ఈఎంఐ వల్ల లాభనష్టాలు రెండూ ఉన్నాయి. అవేంటంటే..
అనుకూలత: నిర్మాణంలో ఉన్న ఇంటిని కొనుగోలు చేసినప్పుడు.. ఈఎంఐతో పోలిస్తే ప్రీ-ఈఎంఐ తక్కువగా ఉండడం వల్ల కొంత వరకు భారం తగ్గుతుంది. చెల్లించడం సులభం అవుతుంది. ఒకసారి నిర్మాణం పూర్తయిన తర్వాత రెగ్యులర్ ఈఎంఐ ప్రారంభమవుతుంది. నిర్మాణంలో ఉన్న ఇల్లు సాధారణంగా తక్కువ ధరకు వస్తుంది. కాబట్టి, ప్రీ-ఈఎంఐలో అసలు మొత్తం చెల్లించకపోయినప్పటికీ దీర్ఘకాలంలో ఇది ప్రయోజనకరమనే చెప్పాలి.
ప్రతికూలతలు: ఇల్లు స్వాధీనం చేసుకున్న తర్వాత అసలుతో కూడిన రెగ్యులర్ ఈఎంఐ ప్రారంభమవుతుంది. కాబట్టి, ఇల్లు స్వాధీనం చేసుకునేంత వరకు అసలు మొత్తం ఏ మాత్రం తగ్గదు. ఒకవేళ ప్రాజెక్టు ఆలస్యమైనా లేదా నిలిచిపోయినా మీరు సంవత్సరాల పాటు ప్రీ-ఈఎంఐలో ఉండిపోయే ప్రమాదం ఉంది. ఇది అప్పు ఇచ్చిన బ్యాంకుకు లాభం చేకూర్చుతుంది. మీకు నష్టమే.
పన్ను ప్రయోజనం కోల్పోవచ్చు: ప్రీ-ఈఎంఐ ఎంపికలో పన్ను ప్రయోజనం లేదు. ప్రాజెక్టు పూర్తయ్యే వరకు కొనుగోలుదారుడు ఎటువంటి పన్ను మినహాయింపునూ క్లెయిం చేసుకోలేరు. సాధారణంగా గృహ రుణం అసలు చెల్లింపులకు సెక్షన్ 80సి కింద రూ.1.50 లక్షల వరకు, వడ్డీ చెల్లింపులపై సెక్షన్ 24బి కింద రూ.2 లక్షల వరకు మినహాయింపు క్లెయిం చేసుకునే అవకాశం ఉంది. అయితే, నిర్మాణం పూర్తయి ఆస్తి స్వాధీనం చేసుకునే వరకు పన్ను క్లెయిం చేసుకునేందుకు వీలులేదు. ఆస్తిని స్వాధీనం చేసుకున్న తర్వాత, అప్పటివరకు చెల్లించిన మొత్తాన్ని(వడ్డీ మాత్రమే) 5 సమభాగాలుగా చేసి ఐదేళ్ల పాటు సెక్షన్ 24బి కింద గరిష్ఠ పరిమితి వరకు క్లెయిం చేసుకునే వీలుంది.
ఏం చేయాలి?
నిర్మాణ దశలో ఉన్నప్పుడు కొంచెం ఎక్కువ ఈఎంఐ చెల్లించగల సామర్థ్యం ఉన్నవారు అసలుతో కూడిన ఈఎంఐలను ఎంచుకోవడమే మంచిది. కొంత మొత్తం అసలును చెల్లిస్తారు కాబట్టి రుణ భారం తగ్గి.. త్వరగా చెల్లింపులు చేయగలుగుతారు. ఒకవేళ మీరు ఈఎంఐ భారం అవుతుందనుకుంటే.. ప్రీ-ఈఎంఐకు వెళ్లచ్చు. కానీ, రుణ కాలపరిమితి పెరగడంతో పాటు గృహ రుణం పూర్తయ్యేసరికి చెల్లించే వడ్డీ మొత్తం కూడా పెరుగుతుంది. ఒకవేళ మీరు పెట్టుబడి పరంగా ఇల్లు కొనుగోలు చేస్తూ, ఐదేళ్లలో అమ్మేయానుకుంటే ప్రీ-ఈఎంఐ ఆప్షన్ ఎంచుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి.
తాజా వార్తలు (Latest News)
-
ఎన్నికలను మేం నియంత్రించలేం: ‘వీవీప్యాట్’ కేసులో సుప్రీం కీలక వ్యాఖ్యలు
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు
-
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్