Mutual funds: లార్జ్‌ క్యాప్‌ ఫండ్లపై రాబడులు ఎంతెంత?

ఇంటర్నెట్‌ డెస్క్‌: ప్రస్తుతం దేశంలో రిస్క్‌ను తట్టుకోగల మదుపర్లు తమ డబ్బును ఇన్వెస్ట్‌ చేయడానికి మ్యూచువల్‌ ఫండ్లను ఎక్కువగా ఆశ్రయిస్తున్నారు. ఇందులో లభించే రాబడులు ఆశాజనకంగా ఉండడంతో సంప్రదాయేతర ఇన్వెస్టర్లు కూడా మ్యూచువల్‌ ఫండ్ల వైపు మొగ్గుచూపుతున్నారు. ELSS ఫండ్ల తర్వాత రెండో అత్యధిక ఆస్తులు (AUM) కలిగిన పెట్టుబడులుగా లార్జ్‌ క్యాప్‌ పథకాలు ప్రజాదరణ పొందుతున్నాయి. AMFIకి సంబంధించిన 2023 ఏప్రిల్‌ డేటా ప్రకారం లార్జ్‌ క్యాప్‌ ఫండ్ల AUM రూ.2.40 లక్షల కోట్లకు పైగా ఉంది.

మ్యూచువల్ ఫండ్ పథకాల్లో పెట్టుబడి పెట్టేందుకు ఆన్‌లైన్‌, ఆఫ్‌లైన్‌ పద్ధతులుంటాయి. బ్రోకింగ్ కంపెనీలు, పంపిణీదారుల ద్వారా ఆఫ్‌లైన్‌ పద్ధతి లేదా వారి ఆన్‌లైన్‌ వెబ్‌సైట్‌ ద్వారా అయినా పెట్టుబడి చేయవచ్చు. దీన్ని రెగ్యులర్ ప్లాన్ అంటారు. ఇందులో కొంత కమీషన్ తీసుకుంటారు. నేరుగా ఫండ్ సంస్థలు, ఇతర వెబ్‌సైట్లు (www.mfuindia.com, www.kuvera.in, myCAMS/పేటీఎం మొబైల్ యాప్‌ లాంటివి) ద్వారా  డైరెక్టు ప్లాన్‌లో మదుపు చేయొచ్చు. ఇందులో కమీషన్ చెల్లించనవసరం లేదు కాబట్టి, వీటిలో రెగ్యులర్ ప్లాన్ల కంటే 1-2 శాతం వరకు రాబడి ఎక్కువగా ఉంటుంది.

3, 5, 10 సంవత్సరాలలో 11% కంటే ఎక్కువ రాబడిని అందించే ఫండ్ల జాబితా ఇక్కడ ఉంది. 2023, మే 17 వరకు అత్యుత్తమ పనితీరు కనబరిచిన లార్జ్‌ క్యాప్‌ మ్యూచువల్‌ ఫండ్లను ఇక్కడ చూడొచ్చు.

గమనిక: మ్యూచువల్‌ ఫండ్లలో పెట్టుబడులు మార్కెట్‌ రిస్క్‌లకు లోబడి ఉంటాయి. ఇవే ఫలితాలు భవిష్యత్తులోనూ వస్తాయని హామీ లేదు. ఇందులో పెట్టుబడులు పెట్టేముందు ఆఫర్‌ డాక్యుమెంట్స్‌ను తప్పక చదవండి.