Fixed Deposit: ఫిక్స్డ్ డిపాజిట్ చేస్తున్నారా?ఈ రిస్క్ల గురించి తెలుసా?
Fixed Deposit: బ్యాంకులో డబ్బు ఫిక్స్డ్ డిపాజిట్ చేస్తే.. స్థిర రాబడితో పాటు బ్యాంకులో డబ్బు సురక్షితంగా ఉంటుందనేది పెట్టుబడిదారుల నమ్మకం. అయితే ఫిక్స్డ్ డిపాజిట్లలో కూడా కొన్ని రిస్క్లు ఉంటాయి.
ఇంటర్నెట్ డెస్క్: మ్యూచువల్ ఫండ్లు, ఈటీఎఫ్లు, బాండ్లు, షేర్లు, యాన్యుటీలు, పీపీఎఫ్, ఎన్పీఎస్.. పెట్టుబడులు పెట్టేందుకు ఇలా అనేక మార్గాలు అందుబాటులో ఉన్నాయి. అయినప్పటికీ చాలా మంది బ్యాంకు ఫిక్స్డ్ డిపాజిట్లకే (Fixed Deposit) అధిక ప్రాధాన్యం ఇస్తుంటారు. బ్యాంకులో డబ్బు ఫిక్స్డ్ డిపాజిట్ చేస్తే స్థిర రాబడితో పాటు డబ్బు సురక్షితంగా ఉంటుందనేది వారి నమ్మకం. అయితే, ఫిక్స్డ్ డిపాజిట్లలో కూడా కొన్ని రిస్క్లు ఉన్నాయి. డిపాజిట్ చేసే ముందు వాటి గురించి తెలుసుకోవడం మంచిది.
1. లిక్విడిటీ రిస్క్: లిక్విడిటీ అంటే నగదు లభ్యత. అవసరమైన సమయానికి ఎటువంటి ఇబ్బందులూ లేకుండా నగదు విత్డ్రా చేసుకోగలిగితే.. అటువంటి పెట్టుబడులకు అధిక లిక్విడిటీ ఉందని అర్థం. ఫిక్స్డ్ డిపాజిట్ల విషయానికి వస్తే ఎఫ్డీని సులభంగానే బ్రేక్ చేయవచ్చు. అయితే, ముందస్తుగా ఎఫ్డీ బ్రేక్ చేస్తే ఆ మొత్తం మీ ఖాతాలో డిపాజిట్ అవ్వడానికి కొంత సమయం పడుతుంది. ఆన్లైన్ ఎఫ్డీకి 24-48 గంటల వరకు సమయం పట్టవచ్చు. మెచ్యూరిటీ కంటే ముందే బ్రేక్ చేస్తే పెనాల్టీ (ఎఫ్డీ వడ్డీపై 1 శాతం వరకు జరిమానా విధించవచ్చు) వర్తిస్తుంది. ఇక 5 సంవత్సరాల పన్ను ఆదా ఎఫ్డీలకు మధ్యలోనే తీసుకునే వీలుండదు.
- స్వీప్-ఇన్ ఎఫ్డీ: అత్యవసరంగా డబ్బు కావలసి వస్తుందనుకునే వారు స్వీప్-ఇన్ ఎఫ్డీని పరిశీలించవచ్చు. ఇది సాధారణంగా మీ పొదుపు ఖాతాకు అనుసంధానించి ఉంటుంది. పొదుపు ఖాతాలో నిర్దిష్ట పరిమితికి మించి డబ్బు డిపాజిట్ చేస్తే అదనపు మొత్తం ఎఫ్డీకి బదిలీ చేస్తారు. ఈ మొత్తాన్ని ఎటువంటి పెనాల్టీ చెల్లించకుండా ఎప్పుడైనా విత్డ్రా చేసుకోవచ్చు.
2. డీఫాల్ట్ రిస్క్: బ్యాంకులు దివాళా తీసే సందర్భాలు చాలా అరుదు. అయినా అలాంటి ఉదంతాలను మనం చూశాం. కాబట్టి సాధ్యమైనంత వరకు డిపాజిట్ ఇన్సురెన్స్ అండ్ క్రెడిట్ గ్యారెంటీ కార్పొరేషన్ (డిఐసీజీసీ) కిందకి వచ్చే బ్యాంకులలో ఫిక్స్డ్ డిపాజిట్ చేయడం మంచిది. దీని ప్రకారం బ్యాంకులు నష్టాల్లో ఉండి, ఖాతాను స్తంభింపచేసినప్పుడు రూ. 5 లక్షల వరకు నిధుల (పొదుపు, ఫిక్స్డ్ డిపాజిట్లుతో సహా అన్ని రకాల డిపాజిట్లు.. వాటిపై వచ్చిన వడ్డీతో సహా)ను బీమా ద్వారా పొందే వీలుంది. ఇంతకు మించిన మొత్తం డిపాజిట్ చేస్తే దానిపై రిస్క్ తప్పదు.
3. వడ్డీ రేటు రిస్క్: బ్యాంక్ ఎఫ్డీ వడ్డీ రేటు లాక్ అయ్యి ఉంటాయి. ఎఫ్డీ చేసినప్పుడు ఉన్న వడ్డీ రేటు మెచ్యూరిటీ వరకు కొనసాగుతుంది. కాబట్టి, తక్కువ వడ్డీ రేటు వద్ద డిపాజిట్ చేస్తే మీ డిపాజిట్లు తక్కువ వడ్డీ రేటు వద్దే లాక్ అయ్యే ప్రమాదం ఉంటుంది.
4. ద్రవ్యోల్బణం రిస్క్: బ్యాంకులో ఫిక్స్డ్ డిపాజిట్ చేస్తే వచ్చే వడ్డీ రేటు కంటే ద్రవ్యోల్బణ రేటు ఎక్కువగా ఉంటే.. మనం రిస్క్ తీసుకున్నట్లే అవుతుంది. ఉదాహరణకు మనం రెండు సంవత్సరాల తర్వాత టూర్కి వెళ్లాలని ప్లాన్ చేసి అందుకు కావాల్సిన మొత్తం రూ. 2 లక్షలను ఫిక్స్డ్ డిపాజిట్ చేశామనుకుందాం. బ్యాంకు రెండు సంవత్సరాల డిపాజిట్పై 5.50 శాతం వడ్డీ ఇస్తుందనుకుంటే.. మెచ్యూరిటీ పూర్తయ్యే నాటికి వచ్చే మొత్తం దాదాపు రూ.2,22,200. ప్రస్తుతం ద్రవ్యోల్బణ రేటును 6 శాతంగా అంచనా వేస్తే 2 సంవత్సరాల తర్వాత టూర్కి వెళ్లేందుకు దాదాపు రూ.2,25,300 అవసరమవుతాయి. అంటే రూ.3,100 అదనంగా కావాల్సి వస్తుంది. ఎఫ్డీ చేసే ముందు ద్రవ్యోల్బణాన్ని తప్పకుండా పరిగణనలోకి తీసుకోవాలి.
5. రీ ఇన్వెస్ట్మెంట్ రిస్క్: సాధారణంగా ఎఫ్డీ మెచ్యూర్ అయిన తర్వాత.. డబ్బు విత్డ్రా చేసుకుంటాం. లేదా తిరిగి పెట్టుబడి పెడతాం. ఒకవేళ మీ ఎఫ్డీ మెచ్యూరిటీ సమయానికి ఎఫ్డీ రేట్లు తక్కువగా ఉంటే.. తక్కువ వడ్డీ రేటుకు డబ్బును తిరిగి పెట్టుబడి పెట్టాల్సి రావచ్చు. కాబట్టి, దీర్ఘకాలిక లక్ష్యాల కోసం చేసే పెట్టుబడులు దెబ్బతినే అవకాశం ఉంటుంది.
6. ట్యాక్స్ రిస్క్: ఎఫ్డీలపై వచ్చే వడ్డీ పన్ను పరిధిలోకి వస్తుంది. ఒకవేళ మీరు 30 శాతం పన్ను స్లాబ్లో ఉండి, ఎఫ్డీపై 7 శాతం వడ్డీ పొందుతున్నప్పటికీ.. పన్ను చెల్లింపుల తర్వాత వచ్చే రాబడి 4.90 శాతానికి తగ్గిపోతుంది. 60 ఏళ్లలోపు వారు సెక్షన్ 80 TTA ప్రకారం రూ.10 వేల వరకు, 60 ఏళ్ల కంటే ఎక్కువ వయసు ఉన్న వారు సెక్షన్ 80 TTB ప్రకారం రూ.50 వేల వరకు వడ్డీ ఆదాయంపై మినహాయింపు పొందొచ్చు. అయితే, సెక్షన్ 80 TTA పొదుపు ఖాతాకి మాత్రమే వర్తిస్తుంది. సెక్షన్ 80 TTBలో వడ్డీ ఆదాయం పొదుపు, ఎఫ్డీ, రికరింగ్ డిపాజిట్లకు కూడా వర్తిస్తుంది. కాబట్టి స్వల్పకాలిక లక్ష్యాల కోసం ఫిక్స్డ్ డిపాజిట్ చేసేవారు.. పైన తెలిపిన రిస్క్లు అన్నింటినీ తెలుసుకున్న తర్వాత మాత్రమే పెట్టుబడులు పెట్టడం మంచిది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి.
తాజా వార్తలు (Latest News)
-
20 నుంచి పవన్ రాష్ట్రవ్యాప్తంగా ప్రచారం
-
మహిళకు శస్త్రచికిత్స చేసి.. తల్లీ బిడ్డను కాపాడిన దర్శి అభ్యర్థి
-
నా భర్తపై రెబల్గా పోటీ చేస్తా.. టెక్కలి వైకాపా అభ్యర్థి దువ్వాడ భార్య వాణి
-
పేదరాలు బుట్టమ్మ ఆస్తులు రూ.161.21 కోట్లు
-
మనిషికి రూ.200.. యువతకు పెట్రోలు కూపన్లు
-
నడుం నొప్పి, కుంగుబాటు, తలనొప్పి.. అనారోగ్యానికి ప్రధాన కారణాలివే