సంవత్సరంలో రూ. 17,000 వరకు వడ్డీ ఆదాయంపై పన్ను మినహాయింపు
ఉమ్మడి ఖాతా విషయంలో రూ. 7,000 వరకు వడ్డీ ఆదాయం పన్ను మినహాయింపు లభిస్తుంది
మీరు మీ పన్ను రిటర్నులను దాఖలు చేసేటప్పుడు, వడ్డీ ఆదాయంపై పన్ను ఆదా చేయడానికి ఈ తగ్గింపులు, మినహాయింపులను క్లెయిమ్ చేయడం మర్చిపోవద్దు.
ఆదాయపు పన్ను చట్టంలోని సెక్షన్ 80 టిటిఎ కింద పొదుపు బ్యాంకు ఖాతాలో సంపాదించిన వడ్డీపై రూ.10,000 వరకు మినహాయింపు పొందవచ్చని తెలిసిందే. ఇది వాణిజ్య బ్యాంకు, సహకార బ్యాంకు లేదా పోస్టాఫీసుతో పొదుపు ఖాతాలో సంపాదించిన వడ్డీ ఏదైనా కావొచ్చు.
అయితే ఆర్థిక సంవత్సరంలో రూ. 3,500 వరకు పోస్టాఫీసు పొదుపు ఖాతాలో సంపాదించిన వడ్డీపై అదనపు మినహాయింపు పొందవచ్చని మీకు తెలుసా? ఉమ్మడి ఖాతా విషయంలో రూ. 7,000 వరకు వడ్డీ ఆదాయం పన్ను మినహాయింపు లభిస్తుంది. కాబట్టి, మీరు మీ భాగస్వామితో పోస్టాఫీసులో ఉమ్మడి పొదుపు ఖాతా తెరిచినట్లయితే, మీరిద్దరూ విడిగా రూ. 3,500 పన్ను మినహాయింపు పొందవచ్చు. కాబట్టి, మొత్తంగా మీరు పొదుపు బ్యాంకు ఖాతా నుండి రూ.10,000 వరకు, పోస్టాఫీసు పొదుపు ఉమ్మడి ఖాతా నుంచి, రూ. 7,000 వరకు వడ్డీ ఆదాయంపై పన్ను ఆదా చేయవచ్చు. ఇది ఆదాయపు పన్ను చట్టంలోని సెక్షన్ 10 (15) కింద వస్తుంది.
పోస్టాఫీస్ పొదుపు ఖాతాల నుంచి వడ్డీ ఆదాయంపై, మీరు సెక్షన్ 80 టీటీఏ కింద రూ. 10,000 వరకు తగ్గింపును క్లెయిమ్ చేయవచ్చు, దీంతోపాటు సెక్షన్ 10 (15) కింద రూ. 3,500 వరకు పన్ను మినహాయింపు పొందవచ్చు. అయితే, ఒకేసారి ఈ రెండింటిని క్లెయిమ్ చేసేందుకు వీలుండదు.
కానీ, మీకు పోస్ట్ ఆఫీస్ పొదుపు ఖాతా నుండి రూ. 10,000 వడ్డీ ఆదాయం ఉంటే, మీరు మినహాయింపు ఆదాయంలో, రూ. 3,500 ను క్లెయిమ్ చేయవచ్చు, మిగిలిన, రూ. 6,500 ను సెక్షన్ 80 టీటీఏ కింద మినహాయింపుగా క్లెయిమ్ చేయవచ్చు.
అలాగే, మీరు ఆదాయపు పన్ను రిటర్న్ (ఐటిఆర్) లో వడ్డీ ఆదాయాన్ని, పన్ను మినహాయింపుగా లేదా పన్ను తగ్గింపుగా క్లెయిమ్ చేస్తున్నారా అనే దానిపై ఆధారపడి ఉంటుంది. మీరు సెక్షన్ 80 టీటీఏ కింద పన్ను మినహాయింపుగా క్లెయిమ్ చేస్తుంటే, మీ వడ్డీ ఆదాయాన్ని ఇతర వనరుల నుంచి వచ్చే ఆదాయం కింద చూపించవలసి ఉంటుంది. మీరు పన్ను మినహాయింపును క్లెయిమ్ చేస్తుంటే, మినహాయింపు ఆదాయంలో భాగంగా దానిని చూపించవచ్చు.
అయితే, ఈ సంవత్సరం నుంచి, బ్యాంకులు, పోస్టాఫీసులు వ్యక్తులు సంపాదించిన వడ్డీ వివరాలను పన్ను శాఖకు పంపాల్సిన అవసరం ఉన్నందున ఈ సమాచారం మీ ఐటీఆర్ ఫారంలో ముందే ఉండే అవకాశం ఉంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
‘మా చిత్రాన్ని మరో ‘అన్బే శివం’ చేయొద్దు’: విజయ్ ఆంటోనీ వైరల్ పోస్ట్
-
నా భార్య ఆహారంలో టాయిలెట్ క్లీనర్ కలుపుతున్నారు: ఇమ్రాన్ ఖాన్ ఆరోపణలు
-
చెరో రూ. 12 లక్షలు కట్టండి.. కెప్టెన్లకు జరిమానా
-
స్మిత ఇంట సీతారాముల కల్యాణం.. నాని సందడి
-
కుప్పంలో చంద్రబాబు జన్మదిన వేడుకలు.. కేక్ కట్ చేసిన నారా భువనేశ్వరి
-
భారత్లో ఎలాన్ మస్క్ పర్యటన వాయిదా