టర్మ్ ఇన్సూరెన్స్ తీసుకుంటున్నారా..ఈ పొరపాట్లు చేయొద్దు!
ఆర్థిక సలహాదారుతో మాట్లాడటంతో మీ సమస్యకు పరిష్కారం దొరుకుతుంది
జీవిత బీమా పాలసీని కొనుగోలు చేయడం ద్వారా మీ ప్రియమైనవారి ఆర్థిక ఆరోగ్యాన్ని కాపాడుకోవడం మీరు చేయగలిగే ప్రాథమిక పని అని కోవిడ్-19 మహమ్మారి సృష్టించిన సంక్షోభంతో చాలా మంది తెలుసుకున్నారు. జీవిత బీమా పాలసీ తీసుకునేందుకు ముఖ్య ఉద్దేశ్యం ఒకరి ఆర్థిక ఆరోగ్యాన్ని కాపాడటానికి మించినది. కుటుంబంలో ఆదాయం ఉన్నవారు ఆకస్మికంగా మరణిస్తే వివాహం, ఉన్నత విద్య లేదా పదవీ విరమణ కోసం పొదుపు వంటి దీర్ఘకాలిక లేదా స్వల్పకాలిక ఆర్థిక లక్ష్యాలను చేరుకోవడంలో ఇబ్బందులు ఎదురుకాకుండా ఇది ఆర్థిక రక్షణ ఇస్తుంది.
అయితే జీవిత బీమా కొనుగోలు చేసేటప్పుడు సాదారణంగా చేసే తప్పిదాలు:
క్లిష్టమైన సమాచారాన్ని బహిర్గతం చేయకపోవడం:
క్లెయిమ్ ప్రాసెసింగ్ కోసం కీలకమైన సమాచారాన్ని వెల్లడించడం చాలా ముఖ్యం. అంటే ముందుగా ఉన్న వ్యాదులు, కుటుంబ వైద్య చరిత్ర, ధూమపానం, ప్రమాదకర వృత్తులలో పాల్గొనడం వంటివి. మొదట, అటువంటి సమాచారాన్ని బహిర్గతం చేయకపోవడం వల్ల తక్కువ ప్రీమియం వస్తుంది. అవాంచనీయ పరిస్థితికి దారితీసే దావాను తిరస్కరించే హక్కు బీమా కంపెనీకి ఉంది. అందువల్ల, మీ ప్రకటనలలో నిజాయితీగా, పారదర్శకంగా ఉండండి.
క్లెయిమ్ పరిష్కార నిష్పత్తి:
బీమా సంస్థను ఎన్నుకునేటప్పుడు చాలా ముఖ్యమైన అంశం కంపెనీ క్లెయిమ్ సెటిల్మెంట్ నిష్పత్తిని తెలుసుకోవడం. క్లెయిమ్ సెటిల్మెంట్ అనేది క్లెయిమ్లను చెల్లించే విషయంలో బీమా సంస్థ విశ్వసనీయతను అంచనా వేయడానికి ఉపయోగపడుతుంది. క్లెయిమ్ త్వరగా పరిష్కారిస్తారని తెలిస్తే ఉపశమనం ఉంటుంది. క్లెయిమ్ సెటిల్మెంట్ నిష్పత్తి, సంస్థ మొత్తం పనితీరును అర్థం చేసుకోవడంలో కూడా సహాయపడుతుంది. అందువల్ల, బీమా సంస్థను ఎన్నుకునేటప్పుడు ఇవన్నీ అర్థంచేసుకోవాలి.
అవసరమైన బీమా కవరేజీని లెక్కించకపోవడం:
కుటుంబంలో ఆదాయం ఉన్న వ్యక్తి అకాల మరణం చెందితే ఏదైనా ఇతర తప్పిదాల విషయంలో కుటుంబాన్ని ఆర్థికంగా స్థిరంగా, భద్రంగా ఉంచడానికి మీకు సహాయపడుతుంది. సరైన అవసర-ఆధారిత విశ్లేషణ తర్వాత మీకు అవసరమైన కవర్ను అంచనా వేయాలి. ఇది మీ కోల్పోయిన ఆదాయాన్ని మాత్రమే కాకుండా, పిల్లల విద్య, వివాహం వంటి దీర్ఘకాలిక లక్ష్యాల వంటి ఇతర ఊహించిన ఖర్చులను కూడా కవర్ చేయాలి. అందువల్ల, తగినంత కవర్ పొందడం అవసరం.
తప్పు పాలసీని ఎంచుకోవడం:
ప్రస్తుతం మార్కెట్లో చాలా టర్మ్ లైఫ్ ఇన్సూరెన్స్ పాలసీలు అందుబాటులో ఉన్నాయి. ప్రతి పాలసీ ఫీచర్లను అర్థం చేసుకోవడం చాలా ముఖ్యం. మీ ఆర్థిక బాధ్యతలు, మీ పరిస్థితి, ఆర్థిక లక్ష్యాలు దృష్టిలో పెట్టుకొని మీకు, మీ కుటుంబానికి ఏ రకమైన కవరేజ్ సరైనదో తెలుసుకోవడం మంచిది. అందుబాటులో ఉన్న చాలా పాలసీల్లో ఒకదాన్ని ఎంచుకోవడం కొంత కష్టమనే చెప్పుకోవాలి. ఆర్థిక సలహాదారుతో మాట్లాడటంతో మీ సమస్యకు పరిష్కారం దొరుకుతుంది. మీరు లేనప్పుడు కూడా మీ కుటుంబం కోసం ఆ లక్ష్యాలను చేరుకునేందుకు ఇది సహాయపడుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.