60 లేదా అంతకంటే ఎక్కువ వయస్సు ఉన్నవారు ప్రధాన్ మంత్రి వయ వందన యోజన ( పీఎంవివివై) పథకం ప్రయోజనాలను పొందవచ్చు

ఫిక్స్‌డ్ డిపాజిట్లు, నెలవారీ పెన్షన్ పథకాలు సీనియర్ సిటిజన్లకు రెండు అత్యంత ప్రాచుర్యం పొందిన పెట్టుబడి ప‌థ‌కాలు. భారతదేశ అతిపెద్ద రుణదాత అయిన స్టేట్ బ్యాంక్ ఆఫ్ ఇండియా ఇటీవల సీనియ‌ర్ సిటిజ‌న్ల కోసం ప్ర‌త్యేకంగా ఎస్‌బీఐ వీకేర్ అనే కొత్త ఫిక్స్‌డ్ డిపాజిట్‌ ప‌థ‌కాన్ని ప్రారంభించింది. 60 ఏళ్లు పైబడిన వారికి స్థిర ఆదాయ వ‌న‌రుగా మంచి ఆప్ష‌న్‌గా దీనిని చెప్పుకోవ‌చ్చు.

లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసి) ఇటీవల ప్రధాన్ మంత్రి వయా వందన యోజన (పిఎంవివివై) వడ్డీ రేట్లను సవరించింది. 2017 లో సీనియర్ సిటిజన్ల కోసం ప్రారంభించిన‌ ఈ పెన్షన్ పథకం 2020-21 ఆర్థిక సంవత్సరానికి స్థిర వడ్డీ రేటు ఉంటుంది. వడ్డీ రేట్లు తగ్గుతున్న నేపథ్యంలో సీనియర్ సిటిజన్లకు - పిఎంవివివై స్కీమ్ లేదా ఎస్‌బీఐ వీకేర్ ఎఫ్‌డీ ఏది మంచిది తెలుసుకుందాం.

ఎస్బిఐ వీకేర్ ఎఫ్‌డీ పథకం: అరవై సంవత్సరాలు, అంతకంటే ఎక్కువ వయస్సు ఉన్న భార‌త‌ సీనియర్ సిటిజన్లు మాత్రమే దీనికి అర్హులు. ప్రస్తుతం, బ్యాంక్ 6.2% వడ్డీ రేటును అందిస్తుంది, ఇది ప్రభుత్వ పెన్షన్ పథకం కంటే తక్కువ. ఈ పథకంపై ఎటువంటి అదనపు పన్ను ప్రయోజనాలు కూడా లేవు. ఎస్‌బీఐ వీకేర్ ఎఫ్‌డీ పథకంలో కనీసం ఐదేళ్లు, గరిష్టంగా 10 సంవత్సరాలు పెట్టుబడి పెట్టవచ్చు. ఈ పథకం కింద ఎఫ్‌డీని ముందస్తుగా ఉపసంహరించుకోవాలని అనుకుంటే 5.8% వడ్డీ రేటు మాత్ర‌మే వ‌ర్తిస్తుంది. ఇందులో పెట్టుబడుల‌కు వినియోగదారులకు సెప్టెంబర్ 30 వరకు సమయం ఉంది.

ప్రధాన్ మంత్రి వయా వందన యోజన లేదా పిఎంవివివై పథకం:
60 లేదా అంతకంటే ఎక్కువ వయస్సు ఉన్న ఏ వ్యక్తి అయినా ప్రధాన్ మంత్రి వయా వందన యోజన (పిఎంవివివై) పథకం ప్రయోజనాలను పొందవచ్చు. ప్రవేశ వయస్సు లేదు. పెన్షన్ పథకానికి 10 సంవత్సరాల పాలసీ వ్యవధి ఉంది. పెన్షనర్ నెలవారీ, త్రైమాసిక, అర్ధ వార్షిక లేదా వార్షిక పెన్షన్ మోడ్‌ను ఎంచుకోవచ్చు. ఇప్పుడు, ప్రధాన్ మంత్రి వయా వందన యోజన (పిఎంవివివై) పై ఆసక్తి ఎస్‌బీఐ అందించే స్థిర డిపాజిట్ పథకం కంటే ఎక్కువ. ఈ పథకం ప్ర‌స్తుత ఆర్థిక‌ సంవత్సరానికి 7.40 శాతం రాబడిని ఇస్తుంది.

లైఫ్ ఇన్సూరెన్స్ కార్పొరేషన్ ఆఫ్ ఇండియా నుంచి పిఎమ్‌వివివై పథకాన్ని కొనుగోలు చేయవచ్చు. ఈ పెన్షన్ పథకం ఆఫ్‌లైన్, ఆన్‌లైన్ ద్వారా లభిస్తుంది. సీనియర్ సిటిజన్లు ఈ పథకంలో పెట్టుబడి పెట్టిన మొత్తాన్ని బట్టి నెలకు కనీసం రూ.1,000 వ‌ర‌కు పెన్షన్ పొందవచ్చు. ఉపసంహరించుకోగల గరిష్ట పెన్షన్ మొత్తం నెలకు, 9,250.

ఈ పెన్షన్ పథకంలో రూ. 15 లక్షల వరకు పెట్టుబడి పెట్టవచ్చు. కనీస పెట్టుబడి కూడా సవరించారు. సంవత్సరానికి రూ.12,000 పెన్షన్ కోసం, కనీసం రూ. 1,56,658 పెట్టుబడి పెట్టాలి. రూ. 1,62,162 పెట్టుబడి పెడితే ఈ పథకం కింద కనీస పెన్షన్ మొత్తాన్ని నెలకు రూ. 1000 పొందగలదని ఎల్ఐసీ తెలిపింది. పెట్టుబడిదారుడు లేదా జీవిత భాగస్వామి వైద్య చికిత్స కోసం ముంద‌స్తుగా పెట్టుబ‌డిలో 98 శాతాన్ని ఉప‌సంహ‌రించుకోవ‌చ్చు.