Published : 05 Jul 2022 14:16 IST

Services PMI: ధరలు పెరిగినా.. సేవలకు డిమాండ్‌ తగ్గలే

దిల్లీ: భారత్‌లో సేవారంగ కార్యకలాపాలు జూన్‌ నెలలో 11 ఏళ్ల గరిష్ఠానికి చేరాయి. ధరలు పెరిగినప్పటికీ.. సేవలకు డిమాండ్‌ పుంజుకోవడం గమనార్హం. ఎస్‌అండ్‌పీ నెలవారీ పీఎంఐ సూచీ 59.2గా నమోదైంది. మే నెలలో ఇది 58.9గా ఉంది. వరుసగా 11వ నెలా సేవా కార్యకలాపాల్లో విస్తరణ నమోదైంది. పీఎంఐ 50 కంటే ఎగువన ఉంటే వృద్ధిగా.. దిగువన నమోదైతే క్షీణతగా లెక్కిస్తారు.

కొవిడ్‌ సంక్షోభం నుంచి ఆర్థిక వ్యవస్థ క్రమంగా పుంజుకుంటుండడంతో సేవలకు డిమాండ్‌ పెరుగుతోందని ఎస్‌అండ్‌పీ గ్లోబల్‌ మార్కెట్‌ ఇంటెలిజెన్స్‌ అసోసియేట్‌ డైరెక్టర్‌ పాలియానా డీ లిమా తెలిపారు. సేవలకు అధికంగా వసూలు చేస్తున్నప్పటికీ.. కొత్త ఆర్డర్లు అందుతున్నాయని పేర్కొన్నారు. మరోవైపు సేవల విక్రయ ధరలు వేగంగా పెరుగుతున్నట్లు తెలిపారు. పెరిగిన వ్యయ భారాన్ని కంపెనీలు వినియోగదారుల పైకి బదిలీ చేయడమే ఇందుకు కారణమన్నారు.

మరోవైపు సేవలకు డిమాండ్‌ పెరుగుతున్న కొద్దీ కొన్ని కంపెనీలు జూన్‌లో అదనపు నియామకాలు చేపట్టినట్లు లిమా తెలిపారు. మొత్తంగా ఈ రంగంలో ఉద్యోగ నియామకాలు పెరిగినట్లు వెల్లడించారు. తయారీ, సేవల కార్యకలాపాల విస్తరణను కలిపి సూచించే కాంపోజిట్‌ పీఎంఐ సూచీ జూన్‌ నెలలో 58.2గా నమోదైంది. మే నెలలో ఇది 58.3గా ఉంది

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts