Mutual Funds: సరైన మ్యూచువల్ ఫండ్ ఎంపిక కోసం 6 టిప్స్!
Mutual Funds: మన లక్ష్యాలకు అనుగుణంగా మ్యూచువల్ ఫండ్ను ఎంపిక చేసుకోవాలి. అలాగే పన్నులు, ఎక్స్పెన్స్ రేషియో సహా మరికొన్ని అంశాలనూ పరిగణనలోకి తీసుకోవాలి.
ఇంటర్నెట్ డెస్క్: ప్రతిఒక్కరూ తమ పెట్టుబడులు వేగంగా వృద్ధి చెంది మంచి రాబడి రావాలని ఆశిస్తారు. ఈ క్రమంలో మంచి మ్యూచువల్ ఫండ్ (Mutual Funds)లో మదుపు చేయాలని భావిస్తారు. మరి మన లక్ష్యానికి అనుగుణంగా ప్రతిఫలం ఇచ్చే మ్యూచువల్ ఫండ్ (Mutual Funds)ను ఎంపిక చేసుకోవడం ఎలా? ఏయే అంశాలను పరిగణనలోకి తీసుకోవాలి? చూద్దాం..
వాస్తవానికి మంచి మ్యూచువల్ ఫండ్ (Mutual Funds) అంటూ ఏమీ ఉండదు. ఈరోజు మంచి ప్రతిఫలం ఇచ్చే ఫండ్ సంవత్సరం తర్వాత నిరాశపర్చొచ్చు. ఒకప్పుడు నష్టాల్ని మిగిల్చినది ఇప్పుడు లాభాల పంట పండిస్తుండొచ్చు. పైగా ఒకరి లక్ష్యానికి సరిపోయిన ఫండ్.. మరొకరికి కావాల్సిన రాబడిని ఇవ్వకపోవచ్చు. వీటన్నింటినీ పరిగణనలోకి తీసుకుంటే మంచి మ్యూచువల్ ఫండ్స్ అంటూ ఏమీ ఉండవు. ఈ నేపథ్యంలో ఎంఎఫ్లో మదుపు చేద్దామని నిర్ణయించుకున్నప్పుడు అసలు మీ లక్ష్యం ఏంటనేది స్పష్టత ఉండాలి.
మీ లక్ష్యానికి ఏది సరిపోతుంది?
పిల్లల చదువులు, వారి పెళ్లి, రిటైర్మెంట్.. ఇలా ఒక నిర్దిష్టమైన లక్ష్యాన్ని తొలుత నిర్ణయించుకోవాలి. తర్వాత దానికి ఎంత మొత్తం అవసరమవుతుందో అంచనా వేసుకోవాలి. అంత మొత్తంలో రాబడి రావాలంటే ఎలాంటి ఫండ్ను ఎంచుకోవాలో శోధించాలి. అలాగే ఎంత కాలం ఇన్వెస్ట్ చేస్తారో కూడా నిర్ణయించుకోవాలి. అలాగే నష్టభయాన్ని కూడా పరిగణనలోకి తీసుకోవాలి.
ఉదాహరణకు కేవలం సంత్సరం నుంచి రెండేళ్ల వరకు మాత్రమే ఇన్వెస్ట్ చేయగలమనుకుంటే.. డెట్ ఫండ్లు అనువుగా ఉంటాయని ఆర్థిక నిపుణులు సూచిస్తుంటారు. అలాంటి స్వల్పకాలిక లక్ష్యాల కోసం స్మాల్, మిడ్ క్యాప్ ఫండ్లను ఎంచుకోవడం వల్ల పెద్దగా ప్రయోజనం ఉండకపోవచ్చు. కనీసం ఏడేళ్ల పాటు నిరాటంకంగా మదుపు చేయగలమనుకుంటే మాత్రమే స్మాల్, మిడ్ క్యాప్ ఫండ్లను పరిగణనలోకి తీసుకోవాలని ఆర్థిక నిపుణులు సూచిస్తున్నారు. అదే మూడు నుంచి ఐదేళ్ల వరకు మదుపు చేయగలమనుకుంటే హైబ్రిడ్ ఫండ్లను ఆశ్రయించవచ్చు. ఐదేళ్ల కంటే ఎక్కువ కాలం ఎంఎఫ్లలో మదుపు చేయాలనుకుంటే మాత్రమే ఈక్విటీ మ్యూచువల్ ఫండ్ల (Mutual Funds)ను ఎంచుకోవాలని నిపుణులు సూచిస్తున్నారు.
ఇలా లక్ష్యానికి అనుగుణంగా ఏ మ్యూచువల్ ఫండ్ (Mutual Funds) కేటగిరీ సరిపోతుందో నిర్ణయించుకోవాలి. తిరిగి ఆ కేటగిరీలో ఏ ఫండ్ను ఎంపిక చేసుకోవాలో చూడాల్సి ఉంటుంది. దానికి కొన్ని అంశాలను పరిగణనలోకి తీసుకోవాలి.
ఫండ్ గత చరిత్ర..
మ్యూచువల్ ఫండ్ (Mutual Funds)ను ఎంపిక చేసుకునే సమయంలో పరిగణనలోకి తీసుకోవాల్సిన ముఖ్యమైన అంశాల్లో ఇదొకటి. అయితే, ముందు చెప్పినట్లుగా ఫండ్ చరిత్ర భవిష్యత్ పనితీరును నిర్ణయించకపోవచ్చు. కానీ, ఒక అవగాహనకు రావడానికి మాత్రం ఇది ఉపయోగపడుతుంది. డౌన్సైడ్ ప్రొటెక్షన్ ఎంత వరకు ఉందో తెలుసుకోవచ్చు.
స్థిరత్వం..
ప్రస్తుతం ఒక ఫండ్ మంచి ప్రతిఫలాన్ని ఇస్తున్నప్పటికీ.. గతంలో అది తీవ్ర ఒడుదొడుకులను ఎదుర్కొని ఉండొచ్చు. ఇలా ఫండ్ పనితీరులో తీవ్ర హెచ్చుతగ్గులు ఉంటే ఆలోచించి నిర్ణయం తీసుకోవాలి. అస్థిరత ఎక్కువగా ఉన్న ఫండ్లను ఎంపిక చేసుకునేటప్పుడు ఆచితూచి వ్యవహరించాలి.
ఫండ్ మేనేజర్ పనితీరు..
ఒకవేళ ఫండ్ మేనేజర్ ద్వారా మ్యూచువల్ ఫండ్లలో ఇన్వెస్ట్ చేయాలని నిర్ణయించుకున్నారనుకుందాం. అలాంటప్పుడు ఆ మేనేజర్ గత పనితీరు ఎలా ఉందో తెలుసుకోవాలి. పెద్దగా లాభదాయక రాబడినివ్వని మేనేజర్లకు దూరంగా ఉండడమే మేలు.
నిర్వహణలోని ఆస్తుల మొత్తం..
ఒక మ్యూచువల్ ఫండ్ స్కీమ్ నిర్వహణలోని ఆస్తుల మొత్తాన్ని (AUM) కూడా పరిగణనలోకి తీసుకోవాలి. ఇది స్కీమ్ను ఎంతమంది సబ్స్క్రైబ్ చేసుకున్నారో సూచిస్తుంది. ఈక్విటీ ఫండ్లలో ముఖ్యంగా స్మాల్ క్యాప్ ఫండ్లలో ఏయూఎం ఎక్కువగా ఉంటే ఏ కంపెనీల్లో ఇన్వెస్ట్ చేయాలి, వేటి నుంచి నిష్క్రమించాలో నిర్ణయించుకోవడం ఫండ్ సంస్థలకు క్లిష్టంగా మారుతుంది. అదే లిక్విడ్, షార్ట్టర్మ్ డెట్ ఫండ్లలో అయితే ఏయూఎం ఎక్కువగా ఉంటే రీడెమ్షన్స్ రిస్క్ ఉండదు.
ఎక్స్పెన్స్ రేషియో..
మ్యూచువల్ ఫండ్ నిర్వహణ సంస్థ (ASM)లు ఫండ్ నిర్వహణ, ప్రమోషన్, డిస్ట్రిబ్యూషన్ వంటి వాటికి తీసుకునే ఫీజునే ఎక్స్పెన్స్ రేషియోగా వ్యవహరిస్తారు. ఒక ఫండ్ను రన్ చేసేందుకు అయ్యే ఖర్చు మొత్తం దీంట్లోనే మిళితమై ఉంటుంది. ఈ నేపథ్యంలో ఎక్స్పెన్స్ రేషియో తక్కువగా ఉండే ఎంఎఫ్ స్కీమ్ను ఎంపిక చేసుకోవడం ఉత్తమమని నిపుణులు సూచిస్తున్నారు.
పన్నులు..
మనం చేసే ప్రతి పెట్టుబడిపై వచ్చే లాభం ఆదాయ పన్ను పరిధిలోకి వస్తాయి. అలాగే మ్యూచువల్ ఫండ్లపై వచ్చే లాభాలపై కూడా పన్ను చెల్లించాల్సి ఉంటుంది. ఈక్విటీ ఫండ్లయితే, ఎంత కాలం ఇన్వెస్ట్ చేశామో.. దాని ఆధారంగా దీర్ఘకాల మూల ధన లాభాల పన్ను, స్వల్పకాల మూలధన లాభాల పన్ను వర్తిస్తుంది. డెట్ ఫండ్లలో క్యాపిటల్ గెయిన్స్పై ఇండెక్సేషన్ ప్రయోజనం ఉంటుంది.
వీటన్నింటి ఆధారంగా పక్కాగా ఒక మ్యూచువల్ ఫండ్ను ఎంపిక చేసుకొని మదుపు చేయడం ప్రారంభిస్తే సరిపోదు. దాని పనితీరును ఎప్పటికప్పుడు సమీక్షించుకోవాలి. అవసరమైతే.. ఫండ్ నుంచి నిష్క్రమించి మరో దానికి మారాలి. అలాగే మీ ఇన్వెస్ట్మెంట్ పోర్ట్ఫోలియోకు అనుగుణంగానూ మ్యూచువల్ ఫండ్ పెట్టుబడులను బ్యాలెన్స్ చేసుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా