Breaking | Feedback | E-PAPER | Pratibha

Google Drive: గూగుల్ కీలక నిర్ణయం.. ఆగస్టు నుంచి డ్రైవ్‌ సేవలు బంద్‌!

సైబర్‌ దాడులు, యూజర్ డేటా భద్రత వంటి వాటిని దృష్టిలో ఉంచుకుని గూగుల్ (Google) కీలక నిర్ణయం తీసుకుంది. విండోస్‌ పాత వెర్షన్‌ యూజర్లకు గూగుల్ డ్రైవ్‌ (Google Drive) సేవలు నిలిపివేయనున్నట్లు ప్రకటించింది.

Published : 09 Jun 2023 21:41 IST

ఇంటర్నెట్‌ డెస్క్‌: మారుతున్న సాంకేతికతకు అనుగుణంగా యూజర్లకు మెరుగైన సేవలు అందిచాలనే ఉద్దేశంతో గూగుల్ (Google) కీలక నిర్ణయం తీసుకుంది. ఆగస్టు 2023 నుంచి విండోస్‌ (Windows) (32-బిట్‌ వెర్షన్‌) ఆపరేటింగ్‌ సిస్టమ్‌ ఉపయోగిస్తున్న యూజర్లకు గూగుల్ డ్రైవ్‌ (Google Drive) సేవలు నిలిపివేయనున్నట్లు ప్రకటించింది. ఇందులో భాగంగా విండోస్‌ 8, విండోస్ 8.1, విండోస్ సర్వర్‌ 2012 యూజర్లకు ఇకపై గూగుల్ డ్రైవ్‌ సేవలు అందుబాటులో ఉండవని తెలిపింది. ప్రస్తుతం విండోస్‌ 8 (32-బిట్‌ వెర్షన్‌) ఓఎస్‌ ఉపయోగిస్తున్న యూజర్ల తమ కంప్యూటర్లలో ఓఎస్‌ను విండోస్‌ 10 (64-బిట్‌ వెర్షన్‌)కు అప్‌గ్రేడ్ చేసుకోవాలని సూచించింది. అయితే, గూగుల్ బ్రౌజర్‌ ద్వారా యూజర్లు డ్రైవ్‌ను యాక్సెస్‌ చేసుకోవచ్చని తెలిపింది. సైబర్‌ దాడులు, యూజర్‌ డేటా భద్రత వంటి వాటి దృష్టిలో ఉంచుకుని ఈ నిర్ణయం తీసుకున్నట్లు తెలిపింది.

ప్రస్తుతం డ్రైవ్‌ యాప్‌, డెస్క్‌టాప్‌ వెర్షన్లలో అందుబాటులో ఉంది. ఈ ఏడాది ఏప్రిల్‌లో డ్రైవ్‌లో కొత్త ఫైల్స్ క్రియేషన్, స్టోరేజ్‌పై గూగుల్ పరిమితి విధించింది. దీంతో గతంలో మాదిరి యూజర్లు అపరిమిత ఫైల్స్‌ క్రియేట్ చేయలేరు. కేవలం ఐదు మిలియన్‌ ఫైల్స్‌ను మాత్రమే క్రియేట్ చేసుకునేందుకు అనుమతి ఉంటుంది. దానితోపాటు డ్రైవ్‌లో సెర్చ్ చిప్స్‌ (Search Chips)పేరుతో కొత్త ఫీచర్‌ను గూగుల్ ప్రవేశపెట్టింది. ఈ ఫీచర్‌ సాయంతో యూజర్లు తమకు అవసరమైన ఫైల్స్‌ను ఫిల్టర్ల సాయంతో సులువుగా వెతకొచ్చని తెలిపింది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.