అందుబాటులోకి రానున్న స్పుత్నిక్-వి టీకా
రష్యా తయారు చేసిన స్పుత్నిక్-వి వ్యాక్సిన్ వినియోగానికి భారత్లో మరికొన్ని వారాల్లో అనుమతి లభించే అవకాశం ఉన్నట్లు డాక్టర్ రెడ్డీస్ ల్యాబ్స్ ఏపీఐ, సర్వీసెస్ సీఈఓ దీపక్ సప్రా వెల్లడించారు.....
డాక్టర్ రెడ్డీస్ ల్యాబ్స్ అంచనా
హైదరాబాద్: రష్యా తయారు చేసిన స్పుత్నిక్-వ్యాక్సిన్ వినియోగానికి భారత్లో మరికొన్ని వారాల్లో అనుమతి లభించే అవకాశం ఉన్నట్లు డాక్టర్ రెడ్డీస్ ల్యాబ్స్ ఏపీఐ, సర్వీసెస్ సీఈఓ దీపక్ సప్రా తెలిపారు. భారత్లో ఈ టీకాను సరఫరా చేసేందుకు ‘రష్యా డైరెక్ట్ ఇన్వెస్ట్మెంట్ ఫండ్ (ఆర్డీఐఎఫ్)’తో డాక్టర్ రెడ్డీస్ ఒప్పందం కుదుర్చుకున్న విషయం తెలిసిందే. అందులో భాగంగా భారత్లో రెండు, మూడో దశ క్లినికల్ ట్రయల్స్ నిర్వహించారు. వాటి మధ్యంతర ఫలితాల్ని భారత ఔషధ నియంత్రణ సంస్థకు అందజేశారు.
స్పుత్నిక్-వి రెండు డోసుల టీకా అని దీపక్ తెలిపారు. తొలి డోసు ఇచ్చిన తర్వాత 21వ రోజు రెండో డోసు ఇవ్వాల్సి ఉంటుందన్నారు. 28 నుంచి 42 రోజుల మధ్య కరోనా వైరస్ను సమర్థంగా ఎదుర్కొనే రోగనిరోధకత అభివృద్ధి చెందుతుందని వెల్లడించారు. భారత్, రష్యా, యూఏఈ సహా మరికొన్ని దేశాల్లో క్లినికల్ ట్రయల్స్ నిర్వహించినట్లు తెలిపారు. 91.6 శాతం సామర్థ్యం కనబరిచినట్లు వెల్లడించారు. ఈ ఫలితాలు ప్రముఖ మెడికల్ జర్నల్ లాన్సెట్లోనూ ప్రచురితమైనట్లు తెలిపారు.
రష్యాలో రూపొందించిన స్పుత్నిక్-వి టీకాకు భారత్లో అనుమతి లభించాలంటే.. వ్యాక్సిన్కు సంబంధించి రెండు, మూడో దశ ప్రయోగాలను ఇక్కడ కూడా నిర్వహించాల్సి ఉంటుంది. ఇందులో భాగంగానే డాక్టర్ రెడ్డీస్ ల్యాబ్స్ భారత్లో క్లినికల్ ట్రయల్స్ నిర్వహిస్తోంది. అంతేకాకుండా ప్రయోగాల అనంతరం పది కోట్ల డోసులను భారత్లో సరఫరా చేసేందుకు ఒప్పందం కుదుర్చుకుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
తెదేపా కార్యాలయం వద్ద టాస్క్ఫోర్స్ కదలికలు
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?