ప్రామాణిక గృహ బీమా ప‌థ‌కం భార‌త్ గృహ ర‌క్ష‌ 

భార‌త బీమా నియంత్ర‌ణ సంస్థ (ఐఆర్‌డీఏఐ) ఒక ప్రామాణిక గృహ బీమా పాలసీని ప్రవేశపెట్టాలని నిర్ణయించింది, ఇది అగ్ని ప్రమాదాలకు, అనుబంధ ప్రమాదాలు జరిగిన‌ప్పుడు హామీనిస్తుంది.

మునుపటి ఆల్ ఇండియా ఫైర్ టారిఫ్ (ఏఐఎఫ్‌టీ) 2001 లో అందించిన స్టాండర్డ్ ఫైర్ అండ్ స్పెషల్ పెరిల్స్ (ఎస్ఎఫ్ఎస్‌పీ) పాలసీని ఈ క్రింది ప్రామాణిక ఉత్పత్తుల ద్వారా భర్తీ చేస్తామని ప్రకటించిన ఐఆర్‌డీఏఐ జనవరి 4 న మార్గదర్శకాలను జారీ చేసింది. ఏప్రిల్ 1 నుంచి సాదార‌ణ బీమా  సంస్థ‌లు అగ్ని, సంబంధిత‌ ప్రమాదాలు జ‌రిగిన‌ప్పుడు  ఇక‌పై ఈ ప్రామాణిక బీమానే అందిస్తాయి.

'భారత్ గృహ ర‌క్ష‌' విధానం వివరాలు :
 అగ్ని, ప్ర‌కృతి వైప‌రిత్యాలు ( తుఫాన్లు, హరికేన్, సుడిగాలి, సునామి, వరద, ఉప్పొంగడం, భూకంపం, ఉపద్రవం, కొండచరియలు), అడవి మంటలు, గొడ‌వ‌లు, అల్లర్లు, సమ్మెలు, ఉగ్రవాద చర్యలు, పేలుళ్లు, నీటి ట్యాంకులు, ఉపకరణాలు, లీకేజ్, దొంగ‌త‌నం వంటి పైన పేర్కొన్న సంఘటనలు జరిగిన 7 రోజుల్లో హామీ ల‌భిస్తుంద‌ని తెలిపింది.

గృహనిర్మాణానికి కవరేజీని అందించడంతో పాటు, పాలసీ బీమా చేసిన మొత్తంలో 20 శాతం గరిష్టంగా రూ.10 లక్షలకు లోబడి స్వయంచాలకంగా (వివరాల ప్రకటన అవసరం లేకుండా) కవర్ చేస్తుంది. వివరాలను ప్రకటించడం ద్వారా ముందుగా బీమా చేసిన‌దాని కంటే అధిక మొత్తాన్ని కూడా ఎంచుకోవచ్చు.

పాలసీ రెండు ఆప్ష‌న్లు కవర్లను అందిస్తుంది - ఒక‌టి ఆభరణాలు, వ‌స్తువులు వంటి విలువైన వాటిపై బీమా, రెండ‌వ‌ది పాల‌సీదారు, భాగ‌స్వామీకి ఆ ప్ర‌మాదంలో ఏదైనా జరిగితే హామీ ల‌భించే ఆప్ష‌న్ కూడా ల‌భిస్తుంది. అయితే ప్ర‌మాధానికి త‌గినంత బీమా హామీ పొందాలంటే స‌రైన వివ‌రాల‌ను అందించాల్సి ఉంటుంది.
   
ఉదాహరణకు, మీరు మీ సాధారణ ఇంటి విషయాలలో దేనినైనా (ఫ్రిజ్, టెలివిజన్, వాషింగ్ మెషీన్ వంటివి) రూ. 50,000 బీమా చేసినట్లయితే, అసలు విలువ రూ. 1 లక్ష అయిన‌ప్ప‌టికీ మీకు రూ.50,000 బీమాను కంపెనీ చెల్లిస్తుంది. దీనికి విరుద్ధంగా, కొన్ని కంపెనీలు బీమా చేసిన దానిలో 50 శాతం అంటే రూ. 25,000  చెల్లిస్తాయి.