Stock Market: సెన్సెక్స్‌ @ 80,000.. రికార్డు గరిష్ఠానికి నిఫ్టీ

Stock Market Opening bell: ఉదయం 9:54 గంటల సమయంలో సెన్సెక్స్‌ 592 పాయింట్ల లాభంతో 80,033, నిఫ్టీ 175 పాయింట్లు ఎగబాకి 24,299 దగ్గర కొనసాగుతున్నాయి.

Updated : 03 Jul 2024 09:59 IST

Stock Market Opening bell | ముంబయి: దేశీయ స్టాక్‌ మార్కెట్‌ సూచీలు బుధవారం భారీ లాభాల్లో ట్రేడవుతున్నాయి. అంతర్జాతీయ సూచీల్లోని సానుకూల పవనాలు మన మార్కెట్లకు దన్నుగా నిలుస్తున్నాయి. ఆరంభ ట్రేడింగ్‌లోనే రెండు ప్రధాన సూచీలు రికార్డు గరిష్ఠాలను తాకాయి. 79,787 దగ్గర సెన్సెక్స్‌, 24,209 వద్ద నిఫ్టీ ట్రేడింగ్‌ను ప్రారంభించాయి. అనంతరం కొనుగోళ్ల అండతో తొలిసారి 80,000 కీలక మైలురాయిని తాకిన సెన్సెక్స్‌ 80,074 వద్ద సరికొత్త రికార్డును నెలకొల్పింది. నిఫ్టీ 24,296 దగ్గర తాజా జీవనకాల గరిష్ఠాన్ని నమోదుచేసింది. డాలరుతో పోలిస్తే రూపాయి మారకం విలువ రూ.83.53 వద్ద ప్రారంభమైంది. ఉదయం 9:54 గంటల సమయంలో సెన్సెక్స్‌ 592 పాయింట్ల లాభంతో 80,033, నిఫ్టీ 175 పాయింట్లు ఎగబాకి 24,299 దగ్గర కొనసాగుతున్నాయి.

సెన్సెక్స్‌-30 (Sensex) సూచీలో హెచ్‌డీఎఫ్‌సీ బ్యాంక్‌, యాక్సిస్‌ బ్యాంక్‌ ఐసీఐసీఐ బ్యాంక్‌, కోటక్ మహీంద్రా బ్యాంక్‌, ఇండస్‌ఇండ్‌ బ్యాంక్‌, బజాజ్‌ ఫిన్‌సర్వ్‌, నెస్లే ఇండియా, ఎం అండ్‌ ఎం, ఐటీసీ, బజాజ్‌ ఫైనాన్స్‌, టాటా స్టీల్‌, జేఎస్‌డబ్ల్యూ స్టీల్‌ షేర్లు లాభాల్లో ఉన్నాయి. టీసీఎస్‌, టాటా మోటార్స్‌, అల్ట్రాటెక్‌ సిమెంట్‌, పవర్‌గ్రిడ్‌, రిలయన్స్, టైటన్‌, మారుతీ, ఇన్ఫోసిస్‌, హెచ్‌సీఎల్‌ టెక్‌ నష్టాల్లో కొనసాగుతున్నాయి.

అమెరికా మార్కెట్లు (Stock Market) మంగళవారం లాభాలతో ముగిశాయి. నేడు ఆసియా సూచీలూ సానుకూలంగా ట్రేడవుతున్నాయి. అంతర్జాతీయ మార్కెట్‌లో బ్యారెల్‌ బ్రెంట్‌ చమురు ధర 86.72 డాలర్ల వద్ద కొనసాగుతోంది. విదేశీ సంస్థాగత మదుపర్లు (FIIs) మంగళవారం నికరంగా రూ.2,000 కోట్ల విలువ చేసే షేర్లను విక్రయించారు. దేశీయ సంస్థాగత మదుపర్లు (DIIs) రూ.648 కోట్ల వాటాలను కొనుగోలు చేశారు.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని