Credit Card: స్టూడెంట్ క్రెడిట్ కార్డు.. ఎవరు అర్హులు?
విద్యార్థుల ఆర్థిక అవసరాలకు అనుగుణంగా ఈ క్రెడిట్ కార్డులను రూపొందించి అందిస్తున్నాయి.
ఇంటర్నెట్ డెస్క్: ఈ రోజుల్లో క్రెడిట్ కార్డు (Credit card) వాడకం సర్వసాధారణమైపోయింది. క్రెడిట్ కార్డు వల్ల అనేక ప్రయోజనాలు లభిస్తున్న దృష్ట్యా చాలా మంది వీటిని వాడుతున్నారు. సాధారణంగా ఆదాయం ఉన్న వారికి మాత్రమే కార్డు జారీ సంస్థలు/బ్యాంకులు క్రెడిట్ కార్డులను ఆఫర్ చేస్తుంటాయి. కానీ కొన్ని బ్యాంకులు విద్యార్థులకు కూడా క్రెడిట్ కార్డులను అందిస్తున్నాయి. విద్యార్థుల ఆర్థిక అవసరాలకు అనుగుణంగా ఈ క్రెడిట్ కార్డులను రూపొందించి కాలేజీ లెవల్ విద్యార్థులకు అందిస్తున్నాయి.
అర్హత
విద్యార్థులకు సంపాదన ఉండదు కాబట్టి సాధారణంగా స్టూడెంట్ క్రెడిట్ కార్డులకు ఆదాయం అర్హతగా చూడరు. కానీ, దరఖాస్తుదారు వయసు 18 సంవత్సరాలకు పైబడి ఉండాలి. ఇతర అర్హత ప్రమాణాలు వేరు వేరు బ్యాంకులకు వేరు వేరుగా ఉండొచ్చు. స్టూడెంట్ క్రెడిట్ కార్డులు భారత్లో పరిమితంగానే అందుబాటులో ఉన్నాయి. విద్యా రుణాల రూపంలో బ్యాంకులు/ఆర్థిక సంస్థలు విద్యార్థులకు ఆర్థికంగా సహాయపడుతున్నాయి. వీటికి తోడు సెక్యూర్ క్రెడిట్ కార్డులు, స్టూడెంట్ ఫారెక్స్ కార్డులు కూడా అందుబాటులో ఉన్నాయి.
క్రెడిట్ కార్డు కోసం బ్యాంకుకి సమర్పించాల్సిన పత్రాలు..
- పాన్/ప్రభుత్వం జారీచేసిన ఏదైనా ఫోటోతో కూడిన గుర్తింపు పత్రం
- ఆధార్/ప్రభుత్వ ఆమోదం ఉన్న నివాస ధ్రువ పత్రం
- పుట్టిన తేదీ ధ్రువీకరణ కోసం జన్మ నమోదు పత్రం
- కాలేజీ యాజమాన్యం జారీచేసిన గుర్తింపు కార్డు లేదా కాలేజీలో చదువుతున్నట్లు ధ్రువీకరించే ఎన్రోల్మెంట్ రుజువు
- పాస్పోర్ట్ సైజు ఫోటోలు
ఎలా దరఖాస్తు చేసుకోవాలి?
దరఖాస్తు విధానం మీరు ఎంచుకునే క్రెడట్ కార్డును బట్టి ఉంటుంది. కొన్ని బ్యాంకులు ఫిక్స్డ్ డిపాజిట్ ఉంటే క్రెడిట్ కార్డును జారీచేస్తున్నాయి. మరికొన్ని బ్యాంకులు తమ బ్యాంకులలో విద్యారుణం ఉన్నవారికి క్రెడిట్ కార్డు ఆఫర్ చేస్తున్నాయి.
యాడ్-ఆన్ కార్డు..
మీరు 18 సంవత్సరాలు నిండిన వారైతే, కుటుంబంలో సంపాదించే వ్యక్తి సాధారణ క్రెడిట్ కార్డుకి అనుబంధంగా యాడ్-ఆన్ కార్డు కోసం దరఖాస్తు చేసుకోవచ్చు. బేసిక్ కేవైసీ పత్రాలను సమర్పించడం ద్వారా దరఖాస్తు ప్రక్రియ సులభంగా పూర్తవుతుంది. యాడ్-ఆన్ కార్డులలో బిల్లు చెల్లింపు బాధ్యత ప్రాథమిక కార్డుదారునిపై ఉంటుంది.
సెక్యూర్డ్ క్రెడిట్ కార్డ్..
ఇందుకోసం మీరు బ్యాంకులో ఫిక్స్డ్ డిపాజిట్ ఖాతాను తెరవాల్సి ఉంటుంది. ఇప్పటికే మీకు బ్యాంకులో ఎఫ్డీ ఖాతా ఉంటే.. దాని ఆధారంగా సెక్యూర్డ్ క్రెడిట్ కార్డు కోసం దరఖాస్తు చేసుకోవచ్చు.
స్టూడెంట్ లోన్ ఉన్నవారు..
ఇప్పటికే బ్యాంకులో విద్యారుణం తీసుకుని ఉంటే.. మీరు స్టూడెంట్ క్రెడిట్ కార్డును పొందవచ్చు. దీనికి ఉదాహరణ ఎస్బీఐ అందించే ఎస్బీఐ స్టూడెంట్ ప్లస్ అడ్వాంటేజ్ క్రెడిట్ కార్డు.
స్టూడెంట్ కార్డు ఫీచర్లు..
- ఇతర క్రెడిట్ కార్డులతో పోలిస్తే.. స్టూడెంట్ కార్డులపై బ్యాంకులు ఆఫర్ చేసే క్రెడిట్ పరిమితి తక్కువగా ఉంటుంది. స్టూడెంట్ కార్డులు సగటున రూ. 15 వేల పరిమితితో వస్తాయి. కార్డు హోల్డర్లు పరిమితికి మించి ఖర్చు చేయకుండా ఇది నియంత్రిస్తుంది.
- స్టూడెంట్ క్రెడిట్ కార్డుల కాలపరిమితి సాధారణంగా 5 సంవత్సరాలు ఉంటుంది.
- ఒకవేళ విద్యార్థులు క్రెడిట్ కార్డు పోగొట్టుకుంటే.. ఉచితంగా/నామమాత్రపు రుసుములతో డూప్లికేట్ కార్డును పొందవచ్చు.
- చాలా వరకు స్టూడెంట్ క్రెడిట్ కార్డులను జాయినింగ్ ఫీజు లేకుండానే జారీ చేస్తారు. వార్షిక రుసుము కూడా చాలా తక్కువగా ఉంటుంది. విద్యార్థులు సులభంగా నిర్వహించగలిగేలా రుసుములు ఉంటాయి.
- దరఖాస్తు ప్ర్రక్రియ కూడా సులభంగానే ఉంటుంది. కనీస పత్రాలను ఇచ్చి దరఖాస్తు ప్రక్రియ పూర్తిచేయవచ్చు.
- కార్డు ఉపయోగించి చేసే ఖర్చుపై రివార్డు పాయింట్లు, క్యాష్బ్యాక్లు వంటివి లభిస్తాయి.
- కార్డుదారులు తమ కార్డు వాడుతున్న సమయంలో ఎప్పుడైనా.. కావాల్సిన ప్రతాలను ఇచ్చి స్టూడెంట్ కార్డు నుంచి సాధారణ క్రెడిట్ కార్డుకు అప్గ్రేడ్ చేసుకోవచ్చు.
చివరిగా..
ఈ కార్డులతో విద్యార్థులు వారి ఖర్చులను సులభంగా నిర్వహించవచ్చు. క్రెడిట్ కార్డుల ద్వారా చేసే ఖర్చుపై రివార్డు పాయింట్లు లభిస్తాయి. కాబట్టి స్టూడెంట్ స్థాయి నుంచే ఖర్చులను సమర్థంగా నిర్వహించగలుగుతారు. మంచి క్రెడిట్ స్కోరు కూడా సాధించగులుగుతారు.
గమనిక: స్టూడెంట్ క్రెడిట్ కార్డు కోసం దరఖాస్తు చేసుకునేవారికి ఆదాయ ధ్రువీకరణ అవసరం ఉండదు. చదువుకుంటూనే ఉద్యోగం కూడా చేస్తున్న విద్యార్థులకు కొన్ని బ్యాంకులు రెగ్యులర్ క్రెడిట్ కార్డును ఆఫర్ చేస్తుంటాయి. ఇటువంటి కార్డు తీసుకునేవారు ఆదాయ ధ్రువ పత్రాలు (శాలరీ స్లిప్, ఐటీఆర్, బ్యాంకు స్టేట్మెంట్ వంటివి) చూపించాలి. బ్యాంకు/క్రెడిట్ జారీ సంస్థను అనుసరించి, ఎంచుకున్న కార్డును బట్టి క్రెడిట్ కార్డు ఫీచర్లు కూడా మారుతుంటాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి. -
పొదుపు ఖాతాలో ఎంత డబ్బు ఉండాలి?
వ్యక్తిగత ఆర్థిక విషయాల్లో పొదుపు ఖాతాకు ఒక ప్రత్యేక స్థానం ఉంది. మనం చేసే ఆదాయ-వ్యయాలన్నింటికీ ఆధారం ఇదే. బ్యాంకు, మీరు ఎంచుకున్న ఖాతా రకాన్ని బట్టి, ఇందులో కనీస నిల్వ ఎంత ఉండాలన్నది ఆధారపడి ఉంటుంది. వేతనం ఖాతాలో సున్నా నిల్వ ఉన్నా ఇబ్బందేమీ ఉండదు.