Term Insurance: టర్మ్ బీమా పాలసీతో ఇన్ని ప్రయోజనాలు ఉన్నాయా?
సంపాదించే వ్యక్తిపై కుటుంబం ఆధారపడితే..ఆ వ్యక్తికి తగినంత టర్మ్ బీమా ఉండడం చాలా అవసరం. టర్మ్ ప్లాన్లో ఎలాంటి ప్రయోజాలను పొందొచ్చో చూద్దాం..
ఇంటర్నెట్ డెస్క్: జీవిత బీమా గురించి తెలియని వారుండరు. గతంలో పెట్టుబడులతో కూడిన జీవిత బీమా (ఎండోమెంట్) పాలసీలను భారీగా కొనుగోలు చేసేవారు. ఇప్పుడు అనేక ప్రైవేట్ బీమా కంపెనీల రాకతో టర్మ్ ఇన్సూరెన్స్ పాలసీలకు డిమాండ్ పెరిగింది. ఎవరైనా కుటుంబానికి ఏకైక సంపాదనదారు అయితే, వారు కచ్చితంగా టర్మ్ బీమా పాలసీ వెంటనే కొనుగోలు చేయాలి. ఇందులో ప్రీమియం తక్కువ.. కవరేజీ ఎక్కువ ఉంటుంది.
చిన్న వయసులోనే ఈ పాలసీ కొనుగోలు చేయడం మంచిది. ప్రీమియంలు తక్కువగా ఉంటాయి. వయసు బట్టి ప్రీమియం ధరలు మారతాయి. ఉదాహరణకు 25 సంవత్సరాల వ్యక్తి 60 ఏళ్ల కాలవ్యవధికి నెలకు రూ.1,000-1,200 ప్రీమియం చెల్లిస్తే రూ.1 కోటి వరకు టర్మ్ బీమాను పొందొచ్చు. మీరు పాలసీ వ్యవధి అంతటా ఈ స్థిర మొత్తాన్ని చెల్లిస్తారు. దురదృష్టవశాత్తు పాలసీదారు ఏ కారణంచేతైనా మరణం చెందితే ఈ మొత్తం ఆ కుటుంబానికి అందుతుంది.
టర్మ్ కవర్ అంచనా
టర్మ్ ప్లాన్ను కొనుగోలు చేసేటప్పుడు, హామీ మొత్తం మీ వార్షిక వేతనానికి 10-12 రెట్లు ఉండాలని నిపుణులు సూచిస్తున్నారు. పాలసీదారుని పిల్లల విద్య, వివాహ ఖర్చులు, ఇల్లు, కారు వంటి వాటికి తీసుకునే రుణాలు, ఇంటి ఖర్చులు, ద్రవ్యోల్బణం వంటి ఇతర అంశాలను కూడా పరిగణనలోకి తీసుకోవాలి. టర్మ్ ప్లాన్ కవరేజీని నిర్ణయించుకునేటప్పుడు పాలసీదారుని అన్ని ఆర్థిక బాధ్యతలను దృష్టిలో పెట్టుకోవాలి.
మెచ్యూరిటీ
పాలసీదారుడు పాలసీ కాలపరిమితి ముగిసేవరకు జీవించి ఉంటే.. మెచ్యూరిటీ అనంతరం బీమా కంపెనీ ఎలాంటి చెల్లింపులు చేయదు. ప్రతి సంవత్సరం పాలసీని పునరుద్ధరించుకోవడం మంచిది. చాలా బీమా సంస్థలు 'రిటర్న్ ఆఫ్ ప్రీమియం'తో కూడిన టర్మ్ ప్లాన్లను కూడా ఇస్తున్నాయి. ఇక్కడ పాలసీదారుడు పాలసీ కాలవ్యవధి ముగిసేవరకు జీవించి ఉన్నా కూడా వారు చెల్లించిన ప్రీమియం మొత్తాన్ని బీమా కంపెనీలు తిరిగి ఇచ్చేస్తాయి. కానీ, ఈ పాలసీల్లో ప్రీమియం అధికంగా ఉంటుంది.
నామినీ సౌకర్యం
నామినీగా సాధారణంగా పాలసీదారు తల్లిదండ్రులు, జీవిత భాగస్వామి లేదా పిల్లలు ఉండే అవకాశం ఎక్కువ ఉంటుంది. కొన్ని సందర్భాల్లో బంధువులను కూడా నామినీలుగా పేర్కొనవచ్చు. నామినేషన్ ప్రకియ ద్వారా, పాలసీదారు మరణించిన సందర్భంలో బీమా ప్రయోజనాలను బీమా కంపెనీ నామినీ బ్యాంకు ఖాతాకు బదిలీ చేస్తారు.
పాలసీదారు వారి అవసరాలకు అనుగుణంగా వారి టర్మ్ ప్లాన్ను రూపొందించుకునే అవకాశం ఉంది. వీటిని రైడర్స్ అని పిలుస్తారు. ఇవి పాలసీదారుని ప్రయోజనాలను పెంచడానికి పాలసీకి జోడించిన యాడ్ ఆన్లు. పాలసీదారునికి ఇవి ఎలా ఉపయోగపడతాయో చూద్దాం.
వైకల్యం నుంచి రక్షణ
ఈ రైడర్తో ఏదైనా ప్రమాదం లేదా అనారోగ్యం కారణంగా పాక్షిక వైకల్యం కలిగిన వారు కొన్ని నెలల వరకు ఆదాయం పొందుతారు. శాశ్వత వైకల్యం చెందితే పాలసీదారు జీవితాంతం ప్రతి నెలా బీమా సంస్థ నిర్థేశించిన మొత్తాన్ని పొందుతారు.
ఇన్కమ్ బెనిఫిట్ రైడర్
ఈ రైడర్ ఇప్పటికే ఉన్న టర్మ్ బీమా పాలసీకి అదనం. పాలసీదారుడు మరణిస్తే.. పాలసీదారునిపై ఆధారపడినవారు సుమారు 5-10 సంవత్సరాల పాటు అదనపు ఆదాయాన్ని పొందుతారు. ఇది పాలసీదారుడి నెలవారీ ఆదాయానికి సమానమైన మొత్తాన్ని లబ్ధిదారులకు చెల్లిస్తుంది. కుటుంబానికి ఏకైక సంపాదన కలిగిన పాలసీదారునికి ఈ రైడర్ అనుకూలంగా ఉంటుంది.
క్రిటికల్ ఇల్నెస్ రైడర్
పాలసీ వ్యవధిలో పాలసీదారు తీవ్ర అనారోగ్యంతో ఉన్నట్లు నిర్ధారణ అయినట్లయితే, బీమా చేసిన వ్యక్తికి నిర్దేశిత మొత్తం అందుతుంది. ఈ రైడర్ ఆసుపత్రిలో, వెలుపల క్లిష్టమైన చికిత్స ఖర్చుకు ఆసరాగా ఉంటుంది. క్లిష్టమైన అనారోగ్య ప్రయోజనంతో కూడిన రైడర్ను కలిగి ఉండడం మంచిది. అయితే, రైడర్లో నిర్ధిష్ట వ్యాధులు, అనారోగ్యాలకు కవరేజీని అందించని పరిస్థితులు ఉంటాయి. అందువల్ల రైడర్ తీసుకునేటప్పుడు ఏ వ్యాధులకు బీమా కవరేజీ ఉంటుందో, ఉండదో తెలుసుకోవాలి.
ప్రీమియం మినహాయింపు రైడర్
పాలసీదారునికి ఆదాయ నష్టం, శారీరక బలహీనత/వైకల్యం ఏర్పడి భవిష్యత్లో ప్రీమియంలు చెల్లించలేకపోవచ్చు. ఈ రైడర్ ఉంటే.. ప్రీమియంలు చెల్లించకపోయినా బీమా సంస్థ వాటిని మాఫీ చేస్తుంది. అంతేకాకుండా టర్మ్ బీమా కవరేజీ యాక్టివ్గానే ఉంటుంది.
పన్ను ప్రయోజనాలు
టర్మ్ ప్లాన్ ప్రీమియంపై సెక్షన్ 80సి కింద పాలసీదారు క్లెయిమ్ చేయగల గరిష్ఠ మొత్తం సంవత్సరానికి రూ. 1.50 లక్షలు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా