Updated : 02 Aug 2022 12:25 IST

ITR e-verification: ఐటీఆర్‌ ఇ-వెరిఫై వెంటనే పూర్తి చేయండి.. ఎందుకంటే?

ఈనాడు, హైదరాబాద్‌: ఆదాయపు పన్ను రిటర్నులు దాఖలు చేసి, ఇ-వెరిఫై (ITR e-verification) చేయలేదా.. అయితే, వెంటనే ఆ పనిని పూర్తి చేయండి. ఆగస్టు 1 నుంచి ఈ గడువును 30 రోజులకు తగ్గిస్తూ ఆదాయపు పన్ను విభాగం నోటిఫికేషన్‌ జారీ చేసింది. ఇప్పటివరకు ఈ గడువు 120 రోజులుగా ఉంది. ఆన్‌లైన్‌లో ఆదాయపు పన్ను రిటర్నులు దాఖలు చేశాక, వెంటనే ఇ-వెరిఫై చేయాల్సి (ITR e-verification) ఉంటుంది. సాధారణంగా ఆధార్‌ ఓటీపీ, నెట్‌ బ్యాంకింగ్‌, బ్యాంక్‌ ఈవీసీ, డిజిటల్‌ సంతకం తదితర మార్గాల్లో ఇ-వెరిఫై చేయొచ్చు. లేదా ఫారం-5లో సంతకం చేసి, సీపీసీ, బెంగళూరుకు పోస్టులో పంపించే అవకాశమూ ఉంది. ఇ-వెరిఫై లేదా ఫారం-5ను సీపీసీకి పంపించకపోతే.. రిటర్నులు దాఖలు చేసినా.. అవి అధీకృతం కావు. గడువు దాటితే ఆ రిటర్నులను తిరస్కరించే ఆస్కారమూ ఉంది.

ఇకపై రిటర్నులు సమర్పించిన నాటి నుంచి 30 రోజుల్లోగా ఇ-వెరిపై చేయాలి. లేదా సంతకం చేసిన ఫారం-5ను సీపీసీ, బెంగళూరుకు పంపించాల్సి ఉంటుంది. లేకపోతే రిటర్నులు ఆలస్యంగా దాఖలు చేసినట్లు పరిగణిస్తామని ఆదాయపు పన్ను విభాగం జులై 29 తేదీతో ఇచ్చిన నోటిఫికేషన్‌లో వెల్లడించింది. స్పీడ్‌ పోస్టులో పంపించినప్పుడు.. ఏ తేదీన పంపించారో చూస్తామని ఐటీ విభాగం పేర్కొంది. రిటర్నుల దాఖలు చేసిన 30 రోజుల తర్వాత పంపిన వాటిని ఆలస్యంగానే పరిగణిస్తామని స్పష్టం చేసింది.

ఇదీ చదవండి: డిసెంబరు 31 వరకు ఐటీఆర్‌ దాఖలు చేసే అవకాశం..మరి లేట్‌ ఫీజు ఎంతో తెలుసా?

ఆధార్‌ ఓటీపీ ద్వారా...

  • www.incometax.gov.in లింక్‌పై క్లిక్‌ చేసి మీ ఇ-ఫైలింగ్ ఖాతాకు లాగిన్ అవ్వండి
  • ‘ఇ-ఫైల్’ ట్యాబ్ కింద, ‘Income Tax Returns’పై క్లిక్ చేయండి
  • ‘ఇ-వెరిఫై రిటర్న్స్‌’పై క్లిక్ చేయండి
  • ఇప్పుడు ‘ఆధార్‌తో రిజిస్టర్ అయిన మొబైల్ నంబర్‌లో OTPని ఉపయోగించి ఇ-వెరిఫై చేయాలనుకుంటున్నాను’ అని ఉన్న ఆప్షన్‌ను ఎంచుకోండి.
  • స్క్రీన్‌పై కనిపించే విండోలో, ‘నేను నా ఆధార్ వివరాలను ధ్రువీకరించడానికి అంగీకరిస్తున్నాను’పై క్లిక్ చేయండి.
  • ఇప్పుడు ‘జనరేట్ ఆధార్ OTP’ బటన్‌పై క్లిక్ చేయండి
  • మీరు రిజిస్టర్డ్ ఫోన్ నంబర్‌కు OTP వస్తుంది
  • ఇచ్చిన బాక్స్‌లో OTPని నమోదు చేసి, ‘సబ్మిట్‌’పై క్లిక్ చేయండి

నెట్‌ బ్యాంకింగ్‌ ద్వారా...

  • www.incometax.gov.in లింక్‌పై క్లిక్‌ చేసి మీ ఇ-ఫైలింగ్ ఖాతాకు లాగిన్ అవ్వండి
  • ‘ఇ-ఫైల్’ ట్యాబ్ కింద, ‘Income Tax Returns’పై క్లిక్ చేయండి
  • ‘ఇ-వెరిఫై రిటర్న్స్‌’పై క్లిక్ చేయండి
  • ఇప్పుడు ‘త్రూ నెట్ బ్యాంకింగ్’ ఎంచుకుని, ‘కంటిన్యూ’పై క్లిక్ చేయండి
  • ఇప్పుడు, మీరు ITRని ధ్రువీకరించాలనుకుంటున్న బ్యాంకును ఎంచుకుని, ‘కంటిన్యూ’పై క్లిక్ చేయండి. మీ బ్యాంక్ నెట్ బ్యాంకింగ్ పేజీకి వెళతారు
  • ‘మీ బ్యాంక్ నెట్ బ్యాంకింగ్ వెబ్‌సైట్ నుండి ఈ-ఫైలింగ్ ఖాతాకు లాగిన్ అవ్వండి’ అని ఉండే ఆప్షన్‌పై క్లిక్ చేయండి
  • ఇప్పుడు, మీరు ITR పోర్టల్‌కి వెళతారు
  • మీ ITR ఫారంలో 'e-verify'పై క్లిక్ చేయండి
  • మీ ITR ధ్రువీకరణ ప్రక్రియ పూర్తవుతుంది

ఆఫ్‌లైన్‌ మార్గంలో...

  • ITR వెబ్‌సైట్‌కి వెళ్లి, మీ ITR ధ్రువీకరణ పత్రాన్ని ప్రింట్ తీసుకోండి
  • ఇప్పుడు ఫారంపై సంతకం చేసి కొరియర్ రూపంలో ప్యాక్ చేయండి
  • కొరియర్‌ను సెంట్రలైజ్డ్ ప్రాసెసింగ్ సెంటర్ (CPC), ఆదాయపు పన్ను శాఖ, బెంగళూరు (560500)కి పంపండి
  • అది అందిన వెంటనే సీపీసీ దాన్ని ధ్రువీకరిస్తుంది
  • మీకు, ఎస్‌ఎంఎస్‌ రూపంలో సమాచారం అందుతుంది

 

 

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని