వోల్వో ఇండియా ఎండీగా జ్యోతి మల్హోత్రా

దిల్లీ: ప్రముఖ కార్ల తయారీ సంస్థ వోల్వో.. ఇండియాలో తన సంస్థ కార్యకలాపాలను కొత్త సారథికి అప్పగించింది. వోల్వో కార్స్‌ ఇండియా మేనేజింగ్‌ డైరెక్టర్‌(ఎండీ)గా జ్యోతి మల్హోత్రాను నియమించింది. మార్చి 1, 2021 నుంచి ఆయన బాధ్యతలు స్వీకరించనున్నారు. ఆగస్టు 2016లో సంస్థలో చేరిన మల్హోత్రా ప్రస్తుతం సేల్స్‌ అండ్‌ మార్కెటింగ్‌ విభాగానికి డైరెక్టర్‌గా వ్యవహరిస్తున్నారు. అంతకు ముందు మహీంద్రా అండ్‌ మహీంద్రా, మారుతీ సుజుకీ, ఫియట్‌ ఇండియా వంటి ప్రముఖ వాహన తయారీ సంస్థల్లో వివిధ హోదాల్లో పనిచేశారు. వాహనరంగంలో ఆయనకు 24 సంవత్సరాల అనుభవం ఉంది. సంస్థ ఎండీగా బాధ్యతలు స్వీకరిస్తున్న తొలి భారతీయుడు ఆయనే కావడం విశేషం. ఇప్పటి వరకు ఈ బాధ్యతల్లో ఉన్న ఛార్లెస్‌ ఫ్రంప్‌.. సంస్థ అంతర్జాతీయ కార్యకలాపాల్లో భాగం కానున్నారు. స్వీడన్‌కు చెందిన వోల్వో.. ఫ్రంప్‌ హయాంలోనే భారత్‌లో స్థానికంగా ఉత్పత్తికి శ్రీకారం చుట్టింది.

ఇవీ చదవండి...

పర్సనల్‌ లోన్‌ తీసుకుంటున్నారా..అయితే,

మీ పిల్లలకు నేర్పుతున్నారా ఈ పాఠాలు..?