India GDP: భారత్‌ వృద్ధి రేటు అంచనాలను సవరించిన ప్రపంచబ్యాంక్‌

దిల్లీ: భారత జీడీపీ (GDP) వృద్ధి రేటు అంచనాలను ప్రపంచ బ్యాంక్‌ (World Bank) సవరించింది. భారత్‌ ఆర్థిక వ్యవస్థ మెరుగ్గా రాణిస్తుండడంతో గతంలో తగ్గించిన అంచనాలను తాజాగా మెరుగుపరిచింది. 2022-23 ఆర్థిక సంవత్సరంలో 6.9 శాతం వృద్ధి నమోదు కావొచ్చని అంచనా వేసింది. ప్రపంచ పరిణామాలను తట్టుకుని భారత్‌ ఆర్థిక వ్యవస్థ రాణిస్తోందని ఈ సందర్భంగా పేర్కొంది.

ఈ ఏడాది అక్టోబర్‌లో భారత జీడీపీ వృద్ధి రేటు అంచనాలను ప్రపంచ బ్యాంక్‌ 7.5 శాతం నుంచి 6.5 శాతానికి తగ్గించింది. అయితే, ప్రపంచ షాకుల నుంచి తట్టుకుని రెండో త్రైమాసికంలో మెరుగైన గణాంకాలు వెలువరించడంతో అంచనాలను సవరించినట్లు ప్రపంచ బ్యాంక్‌ తెలిపింది. ఈ ఆర్థిక సంవత్సరంలో ద్రవ్యోల్బణం 7.1 శాతానికి చేరొచ్చని అంచనా వేసింది.