Term Insurance: ఈ టర్మ్ ఇన్సూరెన్స్లో ప్రీమియం తిరిగిచ్చేస్తారు!
Term Insurance: సాధారణంగా టర్మ్ ఇన్సూరెన్స్ అంటే ప్రీమియం తిరిగి రాదు. కానీ, జీరో-కాస్ట్ టర్మ్ ఇన్సూరెన్స్లో మాత్రం పాలసీని ముందే సరెండర్ చేస్తే ప్రీమియం మొత్తాన్ని తిరిగి ఇచ్చేస్తారు.
ఇంటర్నెట్ డెస్క్: కరోనా మహమ్మారి వెలుగులోకి వచ్చిన తర్వాత భారత్లో బీమాపై అవగాహన పెరిగింది. దీని ప్రాధాన్యాన్ని గుర్తించి ఆర్థిక ప్రణాళికలో భాగం చేసుకుంటున్నారు. దీంతో జీవిత బీమా పథకాలకు గిరాకీ పుంజుకుంటోంది. ఈ క్రమంలో కస్టమర్లను ఆకర్షించేందుకు బీమా సంస్థలు సరికొత్త పథకాలతో ముందుకొస్తున్నాయి. అందులో భాగంగా వచ్చిందే ‘జీరో-కాస్ట్ టర్మ్ ఇన్సూరెన్స్’. అంటే ఖర్చు లేకుండానే బీమా హామీని పొందడం.
బీమా రంగంలో ఓ విప్లవం..
అవధి బీమా (term insurance) తీసుకోవాలా.. వద్దా.. అనే నిర్ణయం తీసుకోవడంలో ప్రీమియం కీలక పాత్ర పోషిస్తుంది. అధికంగా ఉంటే కస్టమర్లు వెనకడుగు వేస్తుంటారు. అలాగే బాధ్యతలన్నీ తీరిన తర్వాత టర్మ్ ఇన్సూరెన్స్ ఉపయోగం ఏంటి అని కూడా వినియోగదారులు ఆలోచిస్తుంటారు. అలాంటి వారిని దృష్టిలో ఉంచుకునే జీరో-కాస్ట్ టర్మ్ ఇన్సూరెన్స్ను తీసుకొచ్చారు. దీంట్లో పాలసీదారుడు తన పాలసీని సరెండర్ చేయడానికి ఒకసారి అవకాశం ఇస్తారు. అలా చేసినవారికి జీఎస్టీని తీసివేసి అప్పటి వరకు చెల్లించిన ప్రీమియం మొత్తాన్ని తిరిగిచ్చేస్తారు.
ఆ సంశయానికి సమాధానమే..
పాలసీ వ్యవధిలో తమకు ఏమీ జరగకపోతే అప్పటి వరకు కట్టిన ప్రీమియం మొత్తం తిరిగిరాదని చాలా మంది టర్మ్ ఇన్సూరెన్స్ తీసుకోవడానికి వెనకాడుతుంటారు. దీంతో దాని ప్రాధాన్యాన్ని గుర్తించేలోపే సమయం గడిచిపోతుంది. ప్రీమియం పెరిగిపోతుంది. అలాంటప్పుడు జీరో-కాస్ట్ టర్మ్ ఇన్సూరెన్స్ చాలా ఉపయోగపడుతుంది. యాక్టివ్గా పనిచేస్తున్నంత కాలం పాలసీదారుడికీ, వారి కుటుంబానికీ రక్షణగా ఉంటుంది. రిటైర్ అయ్యే వరకు పాలసీని క్లెయిం చేసుకోవాల్సిన అవసరం లేకపోతే సరెండర్ వెసులుబాటును ఉపయోగించుకోవచ్చు. తద్వారా అప్పటి వరకు కట్టిన ప్రీమియం మొత్తం తిరిగొచ్చేస్తుంది. అయితే, అప్పటికీ మీపై ఎలాంటి ఆర్థిక బాధ్యతలు ఉండొద్దు. కాబట్టి పాలసీని సరెండర్ చేయాలా.. లేదా.. అనేది పూర్తిగా మీ ఆర్థిక పరిస్థితి, అవసరాలు, లక్ష్యాలను బట్టే నిర్ణయించుకోవాలి. వయసు 45 ఏళ్లలోపు ఉన్నవారే ఈ పాలసీని తీసుకునేందుకు అర్హులు.
టీఆర్ఓపీ, జీరోకాస్ట్ అవధి బీమాకు వ్యత్యాసం ఇదే..
చాలా మంది జీరో-కాస్ట్ టర్మ్ ఇన్సూరెన్స్ ప్లాన్లకు, ‘టర్మ్ రిటర్న్-ఆఫ్-ప్రీమియం (TROP)’ ప్లాన్లకు మధ్య ఉన్న తేడాను గుర్తించలేకపోతుంటారు. రెండూ ఒకే తరహా అనుకొని పొరపడుతుంటారు.
☛ టర్మ్ ప్లాన్లలో ఒకవేళ పాలసీదారులు పాలసీ వ్యవధిలో మరణిస్తే.. నామినీకి హామీ మొత్తం లభిస్తుంది. ఒకవేళ గడువు తీరే వరకు జీవించి ఉంటే ఎలాంటి సొమ్ము తిరిగి రాదు.
☛ టీఆర్ఓపీలో కూడా పాలసీదారుడు మధ్యలో మరణిస్తే నామినీకి బీమా మొత్తం అందజేస్తారు. పాలసీ కాలపరిమితి ముగిసిన తర్వాత అప్పటి వరకు చెల్లించిన అన్ని ప్రీమియంల మొత్తంతో పాటు కొంత అదనంగా తిరిగిచ్చేస్తారు. అయితే, ప్రీమియం మాత్రం టర్మ్ ప్లాన్లతో పోలిస్తే దాదాపు రెండు రెట్లు అధికంగా ఉంటుంది.
☛ జీరో-కాస్ట్ టర్మ్ బీమాలో సైతం పాలసీ వ్యవధిలో పాలసీదారుడు మరణిస్తే హామీ మొత్తం నామినీకి ఇస్తారు. అయితే, వీటిలో కూడా టర్మ్ పాలసీల తరహాలోనే ప్రీమియం చాలా తక్కువగా ఉంటుంది. పైగా పాలసీ కాలపరిమితి ముగిసే వరకు వేచి చూడకుండా మధ్యలోనే నిష్క్రమించే వెసులుబాటు ఉంటుంది. అలా చేస్తే ముందు చెప్పినట్లుగా ప్రీమియం మొత్తాన్ని కూడా తిరిగిచ్చేస్తారు.
☛ హెచ్డీఎఫ్సీ లైఫ్, మ్యాక్స్ లైఫ్ ఇన్సురెన్స్, బజాజ్ అలియాంజ్ వంటి కంపెనీలు ఈ తరహా ప్లాన్లను ఆఫర్ చేస్తున్నాయి.
జీవనశైలి వ్యాధులు పెరుగుతుండడం, ఆర్థిక అస్థిర పరిస్థితుల వంటి పరిణామాల నేపథ్యంలో టర్మ్ ఇన్సూరెన్స్ అత్యవసరమై పోతోంది. ఈ క్రమంలో భారత్లో బీమా రంగానికి ప్రాధాన్యం పెరుగుతోంది. బీమాను సామాన్యులకు చేర్చడంలో జీరో-కాస్ట్ టర్మ్ ఇన్సూరెన్స్ వంటి వినూత్న పథకాలు దోహదం చేస్తున్నాయని నిపుణులు తెలిపారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కొత్త ఆర్థిక సంవత్సరం ఇలా ప్రారంభిద్దాం...
ఆర్థిక సంవత్సరం ప్రారంభం కాగానే చాలా విషయాల్లో మార్పులు వస్తుంటాయి. ఆదాయపు పన్ను విషయం కావొచ్చు.. బ్యాంకింగ్ సంబంధిత లావాదేవీలు.. ఇలా ఎన్నో ఏప్రిల్ 1 నుంచి మనకు కొత్తగా కనిపిస్తుంటాయి -
సిప్ ప్రారంభిస్తారా ?ఇవి తెలుసుకోండి..
స్టాక్ మార్కెట్ సూచీలు గరిష్ఠ స్థాయికి చేరుతుండటంతో ఇటీవల కాలంలో చాలామంది ఇందులో మదుపు చేసేందుకు ఆసక్తి చూపిస్తున్నారు. మూడేళ్లుగా ఈక్విటీల్లోకి వస్తున్న పెట్టుబడులే ఇందుకు నిదర్శనం -
అత్యవసర నిధి ఖర్చులను తట్టుకునేలా
అవసరాలు ఎప్పుడు ఏ రూపంలో పలకరిస్తాయో చెప్పలేం. ఇలా వచ్చేవాటిని తట్టుకునేందుకు ఆర్థికంగా సిద్ధంగా ఉండాల్సిందే. నెలనెలా ఆదాయం వచ్చేదాకా వీటిని వాయిదా వేయలేం. -
31లోగా ఇవి పూర్తి చేయండి..
ఆర్థిక సంవత్సరం ముగింపు నేపథ్యంలో మార్చి 31 నాటికి పూర్తి చేయాల్సిన కొన్ని పనులు.. ముగుస్తున్న పథకాల వివరాలను పరిశీలిద్దాం.. -
విశ్రాంత జీవితంలో తోడుగా
పదవీ విరమణ తర్వాత ఆర్థికంగా ఇబ్బందులు ఎదురవకుండా, స్థిరమైన ఆదాయాన్ని అందించే పదవీ విరమణ పథకాలపై మదుపరుల్లో ఆసక్తి పెరుగుతోంది -
చిన్న, మధ్యస్త REITS ద్వారా స్థిరాస్తిలో పెట్టుబడులు.. సురక్షితమేనా?
తరతరాలుగా భారతీయులు స్థిరాస్తి, బంగారం వంటి సంప్రదాయ పెట్టుబడులను గౌరవిస్తున్నారు. మారుతున్న కాలంలో స్థిరాస్తి పెట్టుబడులకు మారో రూపమే SM REITS.. వీటి గురించి తెలుసుకోండి. -
PPF vs VPF: పీపీఎఫ్, వీపీఎఫ్లో ఏది బెటర్..?
PPF or VPF: వాలంటరీ ప్రావిడెండ్ ఫండ్, పబ్లిక్ ప్రావిడెంట్ ఫండ్లో ఏది బెటర్ అని ఆలోచిస్తున్నారా? ఈ విషయాల్ని పరిశీలించాక మీ నిర్ణయం తీసుకోండి.. -
Foreign Trip: విదేశీ టూర్ను ఇబ్బంది లేకుండా ఎలా ప్లాన్ చేసుకోవాలి?
విదేశీ వెకేషన్ను ప్లాన్ చేయడానికి అనేక జాగ్రత్తలు తీసుకోవాల్సి ఉంటుంది. ఎలాంటి జాగ్రత్తలు తీసుకుంటే ప్రయాణం ఇబ్బంది లేకుండా, సజావుగా జరుగుతుందో ఇప్పుడు తెలుసుకుందాం.. -
Claim Ratio: ఆరోగ్య బీమా కంపెనీల క్లెయిమ్స్ రేషియో ఎంతెంత?
దేశంలో వివిధ బీమా సంస్థలకు సంబంధించి.. ఆరోగ్య బీమా పాలసీల క్లెయిం సెటిల్మెంట్ రేషియో ఎంత ఉందో ఇక్కడ చూడండి. -
కుటుంబానికి ధీమానిచ్చేలా.. బీమా పాలసీ
సంపాదించిన మొత్తంలో నుంచి పొదుపు, పెట్టుబడులకు కొంత కేటాయిస్తుంటాం. కుటుంబానికి ఆర్థికంగా అవసరమైన లక్ష్యాల సాధనకు ఇవి ఉపయోగడేలా చూసుకుంటాం. -
పన్ను ఆదా ఇలా చేద్దాం
ఆర్థిక సంవత్సరం ముగింపు దగ్గరకు వచ్చేసింది. పాత పన్ను విధానాన్ని ఎంచుకున్న వారు తమ పొదుపు,పెట్టుబడులను వెంటనే పూర్తి చేయాల్సిన అవసరం ఉంది. -
డెట్ ఫండ్లలో మదుపు చేస్తున్నారా?
ఈక్విటీ మార్కెట్లలో అనిశ్చితి కనిపిస్తుండటంతో చాలామంది సురక్షిత పథకాలపై దృష్టి సారిస్తున్నారు. ఈ నేపథ్యంలో వీటిలో మదుపు చేసేటప్పుడు పరిశీలించాల్సిన అంశాలను తెలుసుకుందాం. -
Credit cards: క్రెడిట్ కార్డుదారులకు అలర్ట్.. ఏప్రిల్ 1 నుంచి కొత్త రూల్స్!
Credit Cards: క్రెడిట్ కార్డుల విషయంలో ఏప్రిల్ 1 నుంచి మార్పులు రానున్నాయి. రివార్డులు, ఎయిర్పోర్ట్ లాంజ్ యాక్సెస్ విషయంలో బ్యాంకులు కీలక మార్పులు చేపట్టాయి. -
Health Insurance Claims: ఆరోగ్య బీమా క్లెయిమ్ విషయంలో ఈ తప్పులు చేయొద్దు!
Insurance claims: ఆరోగ్య బీమా క్లెయిమ్లు కొన్నిసార్లు తిరస్కరణకు గురవుతుంటాయి. కాబట్టి ఈ తప్పులు చేయొద్దు.. -
Health Emergency: ఆరోగ్య అత్యవసర పరిస్థితులను ఎలా ఎదుర్కోవాలి?
జీవితంలో ఎలాంటి ఇబ్బంది వచ్చినా దాన్ని ఎదుర్కోడానికి మనం ఆర్థికంగా సిద్ధంగా ఉండాలి. ముఖ్యంగా ఆరోగ్య అత్యవసర పరిస్థితులు ఏర్పడినప్పుడు దాన్ని ఎలా ఎదుర్కోవాలో తెలుసుకోండి.. -
Mutual Funds: మ్యూచువల్ ఫండ్ల ఉపసంహరణ సమస్య.. ఎన్ని రోజులు పడుతోందంటే?
మార్కెట్లలో మిడ్, స్మాల్క్యాప్ ఫండ్లలో ఉన్న తమ నిధులను మదుపుదార్లు ఉపసంహరించుకున్నప్పుడు నిధుల బదిలీకి వివిధ సంస్థలు కొంత సమయాన్ని తీసుకుంటున్నాయి. ఎంత మొత్తం ఉపసంహరణకు.. ఎంత సమయం తీసుకుంటున్నాయో ఇక్కడ చూడండి. -
Insurance Agent: బీమా ఏజెంట్ను ఎలా ఎంపిక చేసుకోవాలి?
చాలా మందికి వారి వ్యక్తిగత జీవితంలో బీమా చాలా అవసరం. పాలసీ కొనుగోలు సమయంలో ఏజెంట్/అడ్వైజర్ అవసరం పడొచ్చు. వీరి గురించి ఇక్కడ తెలుసుకోండి. -
ఆరోగ్య బీమా రోజువారీ ఖర్చులను అందించేలా...
వైద్య ఖర్చులు ఎప్పటికప్పుడు పెరుగుతున్నాయి. అదే సమయంలో ఆరోగ్య బీమా రంగంలోనూ ఎన్నో మార్పులు వస్తున్నాయి. -
స్టాక్ మార్కెట్ హెచ్చుతగ్గుల్లో అప్రమత్తంగా
స్టాక్ మార్కెట్ అంటేనే అనిశ్చితికి మారు పేరు. చిన్న వార్త వచ్చినా దానికి ప్రతికూలంగానో, అనుకూలంగానో స్పందిస్తుంటాయి. ఒక్క రోజులోనే మదుపరుల సంపద కొన్ని లక్షల కోట్ల రూపాయలు ఆవిరవుతుంది. -
స్థిరాస్తి రంగంలో...
హెచ్డీఎఫ్సీ మ్యూచువల్ ఫండ్ కొత్తగా హెచ్డీఎఫ్సీ నిఫ్టీ రియాల్టీ ఇండెక్స్ ఫండ్ అనే పథకాన్ని తీసుకొచ్చింది. ఈ పథకం న్యూ ఫండ్ ఆఫర్ (ఎన్ఎఫ్ఓ) ఈ నెల 21న ముగుస్తుంది. -
Health Insurance: విదేశాల్లో విద్యనభ్యసించే విద్యార్ధుల కోసం ఆరోగ్య బీమా
విదేశాల్లో చదువుతున్న విద్యార్థులకు ఆరోగ్య బీమా తప్పనిసరి. భారత్లో ప్రముఖ బీమా సంస్థలు విదేశీ విద్యార్థులకు అందించే బీమా సౌకర్యాలు ఇక్కడ తెలుసుకుందాం.